La 45:4 - BAIBLO ALOO NGMAMI KLƆUKLƆU Ɔ

⁴ Yaa! Hii okpɔngɔ nɔ kɛ ya ye kunimi, nɛ o kɔsɔ. Yaa nɛ o ya fa anɔkuale, kɛ dami sane he! Ngɔɔ o he wami ɔ kɛ tsu nyakpɛ ní nguanguahi!

La 45:4 ပူးပေါင်းရင်းမြစ်များ

La 2:9

O kɛ dade tso maa gbla a tue. O maa ywia mɛ wɔtsɔwɔtsɔ kaa a ywiaa buɛ?’ ”

La 60:4

O si aflangaa ko ha ni nɛmɛ nɛ yee mo gbeye ɔ, konɛ a bua a he nya kɛ ba o ngɔ nɛ a hɛ mi ko kpata.

La 65:5

O pee ní gbeyegbeyehi kɛ he wa yi wami. Niinɛ, Mawu, mo ji wa yi wami helɔ. Nihi tsuo nɛ ngɛ je ɔ mi he tsuaa he, zugba a nyagbe he ɔmɛ, kɛ wo se tsitsaa lokoo ɔ tsuo, mo o nɔ a ngɔ a hɛ kɛ fɔ.

Yesaya 11:5

Dami sane yemi, kɛ anɔkuale yemi ji níhi nɛ e kɛ maa ye ma a nɔ.

Zakaria 9:9

Zion, nyá oo, nyá! Yerusalem, mo he ose! Hyɛ, o matsɛ ɔ ma! E ma kɛ agbo jemi kɛ kunimi yemi. E ba e he si, nɛ e hi teji okpɔngɔ nɔ; ee, e hi teji okpɔngɔ bi nɔ.

Mateo 11:29

Nyɛɛ ngɔ ye kuɛpã tso ɔ ngɔɔ tloo, nɛ nyɛɛ kase mi; ejakaa ye he jɔ, nɛ i baa ye he si kɛ jee ye tsui mi. Ke nyɛ pee ja a, nyɛ ma na he jɔmi;

Luka 19:27

Se jamɛ a ye he nyɛli ɔmɛ nɛ sume kaa ma ye a nɔ matsɛ ɔ, nyɛɛ ngɔ mɛ kɛ ba hiɛ ɔ nɛ nyɛ ba gbe mɛ ngɛ ye hɛ mi!’ ”

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Yohane 14:6

Yesu he nɔ ke, “Imi ji blɔ ɔ, imi ji anɔkuale ɔ, nɛ imi ji wami ɔ hulɔ. Nɔ ko nɔ ko yɛ Tsɛ ɔ ngɔ kaa ja e gu ye nɔ.

2 Korintobi 10:1

Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

1 Tesalonikabi 1:5

Sane kpakpa a nɛ wa ngɔ ba ha nyɛ ɔ, pi munyu kɛkɛ nɛ wa ba tu. Nɔ́ nɛ wa ba de nyɛ ɔ wo nyɛ he wami, nɛ Mumi Klɔuklɔu ɔ bli nyɛ juɛmi nya, nɛ nyɛ na kaa munyu ɔ nɛ wa kɛ ba a, anɔkuale sɔuu. Benɛ wa ngɛ nyɛ ngɔ ɔ, nyɛ le bɔ nɛ waa kɛ nyɛ hi si ha. Wa pee ja, konɛ e hi ha nyɛ nitsɛmɛ.

1 Tesalonikabi 2:13

Nɔ́ kake he hu nɛ wa naa Mawu si ngɛ daa ji nɛ ɔ nɛ. Benɛ wa ngɔ Mawu munyu ɔ ba ha nyɛ ɔ, nyɛ bu tue, nɛ nyɛ he lɛ atuu, pi kaa nɔmlɔ adesa sɛ gbi, se mohu kaa Mawu munyu kaa bɔ nɛ e ngɛ anɔkuale mi ɔ. Niinɛ nyɛ nihi nɛ nyɛ heɔ yeɔ ɔ, Mawu munyu ɔ ngɛ ní tsue ngɛ nyɛ mi.

2 Tesalonikabi 3:1

Nyagbe ɔ, nyɛmimɛ, nyɛɛ sɔle ha wɔ, konɛ Nyɔmtsɛ ɔ munyu ɔ nɛ ya nɔ nɛ e gbɛ fĩa, nɛ a he lɛ kɛ manye ngɛ he tsuaa he kaa bɔ nɛ nyɛ hu nyɛ pee ɔ.

Kpojemi 11:18

Je ma amɛ a mi mi fu mo, se jehanɛ ɔ, be su nɛ mo hu o mi mi ma fu mɛ. Be su nɛ o maa kojo nihi tsuo nɛ gbo ɔ, nɛ o tsɔli nɛ ji gbali ɔmɛ, ni klɔuklɔu ɔmɛ, kɛ nimli wawihi kɛ nimli nguahi tsuo nɛ yee mo gbeye ɔ, be su nɛ o maa wo mɛ hiɔ. Nihi nɛ kpataa zugba a hɛ mi ɔ, be su nɛ o ma kpata mɛ hu a hɛ mi.”

Kpojemi 19:11

Jehanɛ ɔ, i na nɛ a bli hiɔwe nya, kɛkɛ nɛ ma hyɛ ɔ, okpɔngɔ hiɔ ko ji nɛ. Nɔ nɛ hii si ngɛ nɔ ɔ biɛ ji Anɔkualetsɛ kɛ Dalɔ; dami nya e kojoɔ, nɛ e hwuɔ ta.

Kpojemi 20:15

Nɔ tsuaa nɔ nɛ a nɛ kaa a ngma e biɛ ngɛ hɛ kali a womi ɔ mi ɔ, kɛkɛ a hɛ lɛ ngɔ fɔ taku kɛ e mi la nɛ ngɛ tsoe gegeege ɔ mi.

Kpojemi 6:2

Benɛ i ke i hyɛɛ ɔ, nyumu ko ji nɛ ɔ nɛ hii si ngɛ okpɔngɔ hiɔ ko nɔ kɛ e dɛ mi kɛ̃ɛ̃. A ha lɛ jlasi, nɛ e je kpo kaa kunimi yelɔ nɛ yaa nɛ e ya ye kunimi.