La 45:17 - BAIBLO ALOO NGMAMI KLƆUKLƆU Ɔ

¹⁷ Ma ha nɛ a ma kai mo yi nɔhi tsuo, nɛ ma amɛ tsuo ma je o yi daa kɛ maa ya neneene.

La 45:17 ပူးပေါင်းရင်းမြစ်များ

Yesaya 62:3

O maa pee kaa jlasi saminyayoo ngɛ Yawɛ, o Mawu ɔ dɛ mi.

Malaki 1:11

Je ma amɛ tsuo, kɛ je pu site he kɛ ya si pu sinɔ he ɔ, woɔ ye hɛ mi nyami. A sãã tsopa kɛ e he via kɛ haa mi ngɛ he tsuaa he, nɛ a kɛ nike ní nɛ he tsɔ hu baa. Mɛ tsuo pɛpɛɛpɛ a woɔ ye hɛ mi nyami.

Yesaya 61:9

A nina ma na biɛ saminya ngɛ je ma amɛ a kpɛti. Nihi tsuo nɛ maa na mɛ ɔ ma de ke ma nɛ imi Yawɛ nitsɛ i gbaa ji mɛ.”

Mateo 26:13

Niinɛ, i ngɛ nyɛ dee ke, je nɛ ɔ mi he tsuaa he nɛ a maa fiɛ sane kpakpa nɛ ɔ ngɛ ɔ, a maa sɛɛ nɔ́ nɛ yo nɛ ɔ pee nɛ ɔ hu kɛ kai lɛ.”

Yesaya 59:21

I kɛ nyɛ maa so somi. I ngɔ ye he wami ɔ ngɔ ha nyɛ, nɛ ye mlaa amɛ hu maa pee nyɛ nɔ́ kɛ maa ya neneene. Kɛ je mwɔnɛ ɔ kɛ yaa a, nyɛ maa bu mi tue, nɛ nyɛ maa tsɔɔ nyɛ bimɛ, kɛ nyɛ nina tsuo, konɛ a bu mi tue kɛ ya neneene.”

Lahi 6:9

Se nɔ kake pɛ i suɔ ngɛ a kpɛti; e he ngɛ akɔnɔ kaa lahuɛ. E nyɛ biyo nɛ e suɔ e sane saminya ji lɛ. Sé ko kulaa be e he. Yihi tsuo a bua jɔɔ e he, nɛ a jeɔ e yi. Manyɛmɛ ɔmɛ, kɛ plã amɛ tsuo jeɔ e yi.

La 138:4

Yawɛ, matsɛmɛ ɔmɛ tsuo nɛ ngɛ je ɔ mi ɔ ma je o yi, ejakaa munyu nɛ je o nya a, a nu.

1 Korintobi 11:26

Enɛ ɔ tsɔɔ kaa be tsuaa be nɛ nyɛ maa ye abolo nɛ ɔ eko, nɛ nyɛ maa nu wai ngɛ kplu nɛ ɔ mi ɔ, nyɛ ngɛ Nyɔmtsɛ ɔ gbenɔ sane ɔ fiɛe kɛ yaa su be nɛ e maa ba.