La 45:13 - BAIBLO ALOO NGMAMI KLƆUKLƆU Ɔ

¹³ Niatsɛmɛ tete po maa ngɔ nike ní kɛ ba. A wo matsɛ biyo ɔ ní saminyayoo ngɛ e tsu ɔ mi. Bo nɛ e bu ɔ, sika tsu kpa a kɛ lo.

La 45:13 ပူးပေါင်းရင်းမြစ်များ

Matsɛmɛ I, 5:15

Jehanɛ hu, Salomo ngɛ tɛ gbali akpe nyingmi kpaanyɔ, kɛ tɛ tlooli akpe nyingmi kpaago ngɛ yoku ɔmɛ a nɔ,

Lahi 7:1

Matsɛbiyo, hyɛ bɔ nɛ o nane ngɛ fɛu ngɛ tokota mi ha! Bɔ nɛ o fiɔhi kpe ngɛ o mlɛ mi ɔ ngɛ fɛu kaa nɔ́ ko nɛ galɔ kpanaa ko je blɔ pee.

Yesaya 61:10

Yerusalem ngɛ nyae ngɛ nɔ́ nɛ Yawɛ Mawu pee ha lɛ ɔ he. Yerusalem pee kaa ayɛflo nɛ wo june, loo ayɛflo huno nɛ ngɔ mɔmɔ kɛ dla e he kɛ yaa yo kpeemi. Niinɛ, Mawu he Yerusalem yi wami, nɛ e ye kunimi ha lɛ.

Mateo 5:16

Nyɛ ha nyɛ la a nɛ tso ngɛ nimli a hɛ mi ja nɔuu, konɛ a na ní kpakpahi nɛ nyɛ ngɛ pee ɔ, nɛ a wo nyɛ Tsɛ nɛ ngɛ hiɔwe ɔ hɛ mi nyami.

Luka 11:40

Kuasiahi! Mawu nɛ pee kpo nɔ je ɔ, pi lɛ nɔuu nɛ pee mi mi je ɔ hulɔ ɔ?

Romabi 13:14

Nyɛ ha Nyɔmtsɛ Yesu nɛ pee kaa tade nɛ nyɛ wo; nyɛ ko susu he lo nya níhi a he, ke pi ja a, e ma jlo nyɛ kaa nyɛ pee.

Romabi 2:29

Mohu ɔ, Yuda no nitsɛnitsɛ peemi ɔ ngɛ nɔ ɔ nitsɛ e mi, nɛ nɔ pomi ɔ hu ngɛ e tsui mi. Mawu mumi ɔ pɛ lɛ tsuɔ enɛ ɔ, pi mlaa nɛ a ngma a. Kikɛmɛ a nɔmlɔ nɛ ɔ, Mawu nitsɛ lɛ jeɔ e yi, pi nɔmlɔ adesa.

Romabi 3:22

Ke nɔ ko he Yesu Kristo ye kɛkɛ Mawu bu lɛ nɔ nɛ da. Nihi tsuo nɛ heɔ Kristo yeɔ ɔ, bɔ nɛ a peeɔ haa mɛ ji nɛ ɔ nɛ; slɔɔto ko kulaa be mi.

2 Korintobi 5:17

Ke nɔ ko ba pee Kristo nɔ́ kɛkɛ e plɛ bɔ nɔ́ he; blema ní ɔmɛ tsuo be kɛ ho. Hyɛ, níhi tsuo pee e he.

1 Petro 2:9

Se nyɛɛ lɛɛ, wɛtso nɛ Mawu hla ji nyɛ, odehe osɔfohi, je ma klɔuklɔu, kɛ Mawu nitsɛ e ma. E hla nyɛ nɛ e tsɛ nyɛ kɛ je diblii mi kɛ ba lɛ nitsɛ e la nɛ ngɛ nyakpɛ ɔ he, konɛ nyɛ ba fiɛ nyakpɛ níhi nɛ e tsu ɔ.

Kpojemi 3:18

Lɔ ɔ he ɔ, i ngɛ mo ga woe nɛ o ba he sika tsu ngɛ ye dɛ; ee, ba he sika tsu ngmingmiingmi ngɛ ye dɛ, konɛ o na ní. He ní hiɔ hu nɛ o wo, nɛ a ko na kaa o hɛɛ o he gu, ejakaa e ngɛ zo. Jehanɛ, he tsopa nɛ o nga ngɔ pue o hɛngmɛ nɔ, konɛ o hyɛ nɔ́.

Samuel I, 16:7

Se Yawɛ de Samuel ke, “Koo hyɛ e kami, loo e he fɛu; i sume lɛ, ejakaa i hyɛ we nɔ́ kaa bɔ nɛ nɔmlɔ hyɛɛ nɔ́ ɔ. Nɔmlɔ lɛɛ nɔ hɛ mi e hyɛɛ; se imi Yawɛ lɛɛ tsui mi i hyɛɛ.”