La 45:1 - BAIBLO ALOO NGMAMI KLƆUKLƆU Ɔ

¹ Benɛ i ngɛ la nɛ ɔ poe kɛ ha matsɛ ɔ, munyu kpakpa sɔuu lɛ ba ye yi mi. La a ba ye nya amlɔ nɔuu kaa bɔ nɛ ní ngmalɔ kpakpa ngɔɔ e ningma tso kɛ ngmaa ni esɔesɔ ɔ.

La 45:1 ပူးပေါင်းရင်းမြစ်များ

Samuel II, 23:2

Yawɛ mumi ɔ tuɔ munyu kɛ guu ye nɔ, nɛ e sɛ gbi ɔ ngɛ ye nya he.

Ezra 7:6

Ezra nɛ ɔ, womi ngmalɔ ji lɛ, nɛ mlaa a nɛ Yawɛ, Israel Mawu ɔ ngɔ ha Mose ɔ, e le lɛ tsuo fitsofitso. Akɛnɛ Yawɛ, Mawu ɔ nɛ Ezra jaa lɛ ɔ, gbaa Ezra he je ɔ, e nine su nɔ́ tsuaa nɔ́ nɛ e bi matsɛ ɔ nɔ. Matsɛ Artaherhes tsɛ yemi ɔ we jeha kpaagone ɔ mi ɔ, Ezra kɛ Israel bi komɛ hia blɔ kɛ je Babilonia kɛ ba Yerusalem. Nimli nɛ ɔmɛ ji osɔfohi, Levi bi, Mawu we ɔ lali, Mawu we ɔ buli, kɛ ní tsuli.

Hiob 33:3

Anɔkuale ɔ nɛ i le ɔ, lɔ ɔ ma de mo kɛ je ye tsui mi faa.

Hiob 34:4

Nyɛ ha nɛ waa hyɛ sane ɔ mi, nɛ waa na anɔkuale ɔ.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

La 42:1

Mawu lee, ye tsui ngɛ sue kɛ ngɛ mo hlae wawɛɛ kaa bɔ nɛ odabɔ tsui suu kɛ hlaa nyu ɔ.

La 49:3

Munyu nɛ maa je ye nya a, nile munyu sɔuu. Munyuhi nɛ a mi kuɔ saminya a he ma susu.

La 69:1

Mawu, mo he ye yi wami! Nyu ɔ ba su ye kuɛ mi;

La 80:1

Israel to hyɛlɔ, mo nɛ o nyɛɛɔ Israel hɛ mi kaa bɔ nɛ to hyɛlɔ tsɔɔ to ɔ, moo bu wɔ tue koo! Mo nɛ o hii si ngɛ hɛ kali a nɔ ɔ,

Abɛ Womi 16:23

Ní leli susuɔ a yi mi saminya loko a tuɔ munyu, nɛ ke a de nɔ́ ko ɔ, munyu ɔ taa nɔ tsui mi wawɛɛ nitsɛ.

Lahi 1:12

Ye matsɛ ɔ kpasa si ngɛ e we akpasa mi, nɛ ye nu kɛ e he via a ngɛ via jee liliili ngɛ lejɛ ɔ tsuo.

Yesaya 5:1

Bu la nɛ i ngɛ lae ha mo nɛ ɔ tue; la a kɔɔ ye huɛ ko kɛ e wai ngmɔ he. Ye huɛ ɔ ngɛ wai ngmɔ ko ngɛ yo zugba ko nɛ baa ní saminya nɔ.

Mateo 12:35

Nɔmlɔ kpakpa jeɔ ní kpakpahi kɛ jeɔ e juetli kpakpahi a mi; nɔmlɔ yayami hu jeɔ ní yayahi kɛ jeɔ e juetli yayahi a mi.

Mateo 25:34

Kɛkɛ ɔ, matsɛ ɔ ma de nihi nɛ ngɛ e hiɔ nɔ ɔ ke, ‘Nyɛ nihi nɛ Tsaatsɛ gbaa nyɛ, nyɛɛ ba! Matsɛ yemi ɔ nɛ a dla ngɔ to nyɛ kɛ je be nɛ a to je ɔ sisi ɔ, nyɛ ba ngɔ.

Mateo 27:37

A ngma sane nɛ tsɔɔ nɔ́ he je nɛ a ngɛ lɛ sɛue ɔ kɛ mɛtɛ e yi je ke, “Yesu, Yuda bi ɔmɛ a matsɛ ɔ ji nɛ ɔ nɛ.”

Efesobi 5:32

Anɔkuale laami munyu komɛ nɛ a he hia saminya jeɔ kpo ngɛ ngmami nɛ ɔ mi; nɛ imi lɛɛ i kɛ ngɛ Kristo kɛ asafo ɔ he toe.

2 Petro 1:21

Ejakaa gbami sɛ gbi ko bɛ hyɛ nɛ adesa po de kɛkɛ ngɛ lɛ nitsɛ e suɔmi nya. Se mohu Mumi Klɔuklɔu ɔ lɛ baa nihi a nɔ nɛ a tuɔ munyu kɛ jeɔ Mawu ngɔ.