La 44:3 - BAIBLO ALOO NGMAMI KLƆUKLƆU Ɔ

³ Ejakaa pi a klaate nɛ a kɛ ngɔ zugba a; pi a he wami nya nɛ a ye kunimi ɔ, se o he wami, kɛ o mɔbɔ nami nya; ejakaa o ngɛ o ma a he bua jɔmi.

La 44:3 ပူးပေါင်းရင်းမြစ်များ

Yoshua 24:12

Benɛ nyɛ ngɛ blɔ ɔ nɔ kɛ ma a, i ha sawale nu mɛ. I pee enɛ ɔ kɛ fie Amor matsɛmɛ enyɔ ɔmɛ kɛ je nyɛ blɔ mi. Pi nyɛ klaate, nɛ pi nyɛ kɛ̃ɛ̃ nɛ ye kunimi nɛ ɔ.

2 Korintobi 4:7

Wɔ nɛ wa ná kikɛmɛ a mumi mi juetli nɛ ɔ, wa ngɛ kaa zu buɛhi. Enɛ ɔ tsɔɔ kaa he wami kpetekpleenyɛ nɛ ɔ, Mawu ngɔ nɛ e je, pi wɔɔ wa ngɔ.

Zakaria 4:6

Mawu bɔfo ɔ de mi ke ma ngɔ Yawɛ sɛ gbi nɛ ɔ kɛ ya ha Zerubabel: “Pi o nyɛ́mi, loo o he wami nya; se ye mumi ɔ nɛ ma tsu enɛ ɔ. Yawɛ Tabohiatsɛ ɔ lɛ de.

La 77:15

O ngɔ o he wami ɔ kɛ he o ma a yi wami; ee, o he Yakob kɛ Yosef a bimɛ ɔmɛ a yi wami.

La 20:6

Jehanɛ lɛɛ i le kaa Yawɛ ma he nɔ nɛ e pɔ lɛ nu ɔ yi wami. E maa bu lɛ tue kɛ maa je e hiɔwe klɔuklɔu ɔ; e maa piɛ e he kɛ ye kunimi nguanguahi.

Mose V, 10:15

Se akɛnɛ suɔmi nɛ Yawɛ ngɛ kɛ ha nyɛ nɛmɛ ɔmɛ nya wa wawɛɛ he je ɔ, e hla nyɛ nɛ ji a nina a mohu ngɛ je ma kpa amɛ a mi; nɛ kɛ ba si mwɔnɛ ɔ hu, nyɛ ji e ma nɛ e hla.

Mose II, 15:16

Gbeye kɛ fɔ̃ nu mɛ; Yawɛ, o he wami ɔ ha a nya jɔ kɛ ya si be nɛ mo Yawɛ, o ma a nɛ mo nitsɛ o he ɔ ba be kɛ ho.

La 42:11

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ kɛ ye Mawu.

La 42:5

Mɛni he je i pee vii kikɛ nɛ ɔ? Mɛni he je i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ; lɛ ji ye Mawu.

Samuel I, 12:22

Yawɛ be e ma nɛ e hla a he ngmɛɛe. Ke e pee ja pɛ kɛkɛ e biɛ kpetekpleenyɛ ɔ puɛ; ejakaa e sa e hɛ mi kaa e kɛ nyɛ maa pee lɛ nitsɛ e ma.

La 74:11

Mɛni he je lɛ o bɛ nɛ o ba piɛ wa he? Mɛni he je lɛ o bua o nine nya?

La 17:7

Mo je o nyakpɛ suɔmi nɛ ngɛ daa a kpo kɛ tsɔɔ nihi nɛ ngɔɔ a hɛ kɛ fɔɔ o nɔ ɔ; nɛ o kpɔ mɛ kɛ je ni nɛmɛ nɛ teɔ si kɛ woɔ mɛ ɔ a dɛ mi.

La 4:6

Nihi babauu biɔ ke, “Mɛnɔ po maa dloo wɔ nɔ́ ko? Yawɛ, naa wɔ mɔbɔ koo!”

Mose IV, 14:8

Ke Yawɛ ngɛ wa he tsui ɔ, e ma kpaka wɔ kɛ ya lejɛ ɔ; nɛ e maa ngɔ zugba nɛ hi, nɛ baa ní nɛ ɔ ngɔ ha wɔ.

Yesaya 63:12

Nɔ nɛ ngɔ he wami kpetekpleenyɛ kɛ wo Mose mi kɛ tsu ní nguanguahi, nɔ nɛ gba wo ɔ mi ha mɛ, nɛ a nyɛɛ muɔ voovoo ɔmɛ a mi kɛ po wo ɔ nɛ e kɛ na biɛ nɛ maa hi si kɛ maa ya neneene ɔ, jije e ngɛ?” Yawɛ nitsɛ lɛ kpaka mɛ kɛ gu muɔ voovoo ɔmɛ a mi slɔkee kaa bɔ nɛ ke okpɔngɔ ngɛ fo tue ngɛ nga kplanaa nɔ nɛ́ e tɛ we si ɔ.

La 80:16

Wa he nyɛli ɔmɛ mɛ wai tso ɔ he la nɛ a po lɛ ngɔ fɔ si. O mi mi nɛ fu mɛ, nɛ o kpata a hɛ mi.

Yoshua 3:10

Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.

Samuel II, 7:23

Ma kpa ko be zugba nɛ ɔ nɔ nɛ pe o ma Israel nɛ mo Mawu o ya kpɔ kɛ je nyɔguɛ si himi mi kɛ ba pee mo nitsɛ o ma a. Ní nguangua, kɛ nyakpɛ níhi nɛ o tsu ha o ma a, ha o biɛ pɛ kɛ kpe je ɔ mi tsuo. Benɛ o ma a nɛ o kpɔ kɛ je Egipt ɔ hia kɛ ma a, o fie je ma kpa amɛ, kɛ a mawu ɔmɛ kɛ je a blɔ mi.

Kronika II, 20:7

Anɛ pi mo, wa Mawu ɔ nɛ o fie zugba nɛ ɔ nɔ bi ɔmɛ kɛ je hiɛmɛ nɛ ɔ benɛ o ma, Israel ma a lo? Anɛ pi mo nɛ o ngɔ zugba nɛ ɔ kɛ ha o huɛ Abraham nina, konɛ e pee a nɔ́ kɛ ya neneene lo?

La 78:55

E fie ma je li ɔmɛ kɛ je Israel bi ɔmɛ a blɔ mi. E dla a zugba a ngɔ ha e ma a, nɛ lejɛ ɔ ba pee a weto ní, kɛ a hi he.

La 80:9

O dla zugba a saminyayoo; o ha nɛ tso ɔ tsɛ̃ sipoku kɛ ya zu mi tsitsaa, nɛ wai tso ɔ ha zugba a nɔ tsuo.

La 111:6

E ngɔ ma je li a zugba a kɛ ha e ma a kɛ tsɔɔ e ma a kaa e ngɛ he wami.