La 44:2 - BAIBLO ALOO NGMAMI KLƆUKLƆU Ɔ

² Wa na le kaa o ngɔ o he wami kpetekpleenyɛ ɔ kɛ fie je ma amɛ kɛ ya se, nɛ o to o ma a sisi ngɛ zugba a nɔ. O gbla je ma amɛ a tue, se o ma a lɛɛ o ha nɛ a ye a he.

La 44:2 ပူးပေါင်းရင်းမြစ်များ

Mose II, 15:17

O ngɔ mɛ kɛ ba, nɛ o ba to mɛ si ngɛ mo nitsɛ o yo ɔ nɔ he nɛ mo Yawɛ nitsɛ o dla kɛ ha o si himi, he klɔuklɔu nɛ mo Yawɛ nitsɛ o to sisi ɔ.

La 78:55

E fie ma je li ɔmɛ kɛ je Israel bi ɔmɛ a blɔ mi. E dla a zugba a ngɔ ha e ma a, nɛ lejɛ ɔ ba pee a weto ní, kɛ a hi he.

Samuel II, 7:10

I hla hi he ko ha ye ma Israel, nɛ i to mɛ si ngɛ lejɛ ɔ, he nɛ nɔ ko be a nya dooe ngɛ hu. Kɛ je benɛ a ba zugba nɛ ɔ nɔ ɔ, be nɛ manyadali lɛ ngɛ a nɔ yee ɔ, nɔ́ sɔuu nɛ ye ma a ngɛ nae ngɛ nimli yayamihi a dɛ mi. Se enɛ ɔ tsuo se maa po. I ngɛ si woe kaa ma ha o maa ye o he kɛ je o he nyɛli ɔmɛ tsuo a dɛ mi; nɛ o bimɛ ma ba ye zugba nɛ ɔ nɔ.

Yoshua 21:43

Yawɛ ngɔ zugba a tsuo ngɔ ha Israel bi ɔmɛ kaa bɔ nɛ e ka a nɛmɛ ɔmɛ kita ke e ma ha mɛ ɔ. Benɛ a nine su zugba a nɔ ɔ, a hi lejɛ ɔ.

Yoshua 11:23

Yoshua ngɔ zugba mluku ɔ tsuo, kaa bɔ nɛ Yawɛ de Mose ke a pee ɔ pɛpɛɛpɛ. Yoshua dla zugba a ngɔ ha Israel bi ɔmɛ wɛtso nya wɛtso nya kaa a weto ní. Kɛkɛ nɛ ta a se po, nɛ zugba a nɔ jɔ.

La 105:44

Mawu ngɔ ma je li ɔmɛ a zugba a kɛ ha mɛ; nɛ nɔ́ nɛ ni kpahi gbo he dengme ɔ ba plɛ pee a nɔ́.

Yoshua 24:12

Benɛ nyɛ ngɛ blɔ ɔ nɔ kɛ ma a, i ha sawale nu mɛ. I pee enɛ ɔ kɛ fie Amor matsɛmɛ enyɔ ɔmɛ kɛ je nyɛ blɔ mi. Pi nyɛ klaate, nɛ pi nyɛ kɛ̃ɛ̃ nɛ ye kunimi nɛ ɔ.

Yoshua 10:42

Yoshua ye matsɛmɛ nɛ ɔmɛ kɛ a zugba amɛ tsuo a nɔ ngɛ ta nɛ e gba si kake too ɔ mi; ejakaa Yawɛ, Israel Mawu ɔ hwu ta ha Israel.

Yoshua 10:11

Be mi nɛ Amor bi ɔmɛ ngɛ fo tue ngɛ Israel bi ɔmɛ a ta a nya kɛ gu yo kpɛ blɔ ɔ kɛ yaa a, Yawɛ ha gbiɛ ngo ngu nguahi je hiɔwe ba nɔɔ a nɔ. Nihi nɛ gbiɛ ngo ngu ɔ gbe ɔ hiɛ kulaa pe nihi nɛ Israel bi ɔmɛ kɛ klaate gbe.

Yoshua 3:10

Enɛ ɔ nyɛɛ kɛ maa le kaa Mawu hɛngmengmletsɛ ɔ ngɛ nyɛ kpɛti. Yawɛ maa fie Kanaan bi ɔmɛ, Hit bi ɔmɛ, Hiv bi ɔmɛ, Periz bi ɔmɛ, Girgash bi ɔmɛ, Amor bi ɔmɛ, kɛ Yebus bi ɔmɛ tsuo pɛpɛɛpɛ kɛ maa je nyɛ blɔ mi.

Mose V, 7:1

“Yawɛ, nyɛ Mawu ɔ maa ngɔ nyɛ kɛ ya su zugba a nɛ nyɛ yaa ngɔ ɔ nɔ, nɛ e maa fie je mahi babauu kɛ je zugba a nɔ ha nyɛ. Je ma kpaago nɛ a he hiɛ, nɛ a he wa kulaa pe nyɛ Yawɛ maa fie ngɛ nyɛ blɔ ɔ nɔ: Hit bi, Girgash bi, Amor bi, Kanaan bi, Periz bi, Hiv bi, kɛ Yebus bi.

Mose IV, 13:32

Lɔ ɔ he ɔ, a gba Israel bi ɔmɛ zugba a nɛ a ya slaa a he sane yaya, nɛ a de ke, “Zugba a nɛ wa ya slaa a, e ji zugba nɛ ngɛ lɛ nitsɛ e nɔ bi a yi tanee, ejakaa zugba a hí. Jehanɛ, nimli nɛ wa ya na ngɛ zugba a nɔ ɔ hu, nyumu oblaihi sɔuu ji mɛ.

Mose II, 34:11

Mlaa nɛ i ngɛ mo woe mwɔnɛ ɔ, moo ye nɔ. Ma fie Amor bi, Kanaan bi, Hit bi, Periz bi, Hiv bi, kɛ Yebus bi ɔmɛ kɛ je blɔ mi ha mo.

Mose II, 23:28

Ma ha nɛ adodongmatsihi maa nyɛɛ o hɛ mi, nɛ a maa fie Hiv bi, Kanaan bi, kɛ Hit bi ɔmɛ kɛ je o blɔ ɔ nɔ.

Mose II, 15:19

Benɛ Farao ɔ we okpɔngɔ ɔmɛ, ta zugba lɛ ɔmɛ, kɛ okpɔngɔ ta buli ɔmɛ sɛ wo ɔ mi ɔ, Yawɛ ha nɛ nyu ɔ kpale e se ba ha a nɔ. Se Israel bi ɔmɛ lɛɛ a nyɛɛ zugba gbigbli nɔ kɛ po wo ɔ.

Mose II, 10:2

konɛ okadihi nɛ i pee ngɛ Egipt, kɛ bɔ nɛ i ha nɛ Egipt bi ɔmɛ pee a he kuasia ha a, nyɛɛ sɛɛ nɛ nyɛ bimɛ, kɛ nyɛ bibimɛ nɛ a nu, konɛ nyɛ na nɛ nyɛɛ le kaa imi ji Yawɛ.”

Mose V, 4:38

E fie je mahi nɛ a he wa kɛ je nyɛ blɔ ɔ nɔ, nɛ e ngɔ a zugba a ngɔ ha nyɛ. Lejɛ ɔ nyɛ ngɛ kɛ mwɔɔ.

Mose V, 32:7

“Nyɛ susu blema lokoo ɔ he; nyɛ bi nyɛ nɛmɛ, kɛ nimeli ɔmɛ nɛ a gba nyɛ blema sane.

Manyadali 6:13

Gideon de lɛ ke, “I kpa mo pɛɛ, ke Yawɛ kɛ wɔ ngɛ niinɛ ɔ, mɛni he je lɛ ní nɛ ɔmɛ tsuo ba wa nɔ mɔ? Nyakpɛ níhi tsuo nɛ wa nɛmɛ ɔmɛ gba wɔ ke Yawɛ pee ha mɛ ɔ, jije a ngɛ? Pi lɛ nɛ e kpaka mɛ kɛ je Egipt kɛ ba a? Amlɔ nɛ ɔ lɛɛ Yawɛ sake wɔ ngɔ fɔ he; e ngɔ wɔ kɛ wo Midian bi ɔmɛ a dɛ mi.”

Samuel II, 23:12

se Shama da si ngɛ zugba a kpɛti tutuutu, nɛ e fa zugba a he, nɛ e gbe Filisti bi ɔmɛ. Yawɛ ye kunimi nguaa jamɛ a ligbi ɔ.

Yesaya 51:9

Yawɛ, moo te si nɛ o piɛ wa he! Ngɔɔ o he wami ɔ kɛ he wa yi wami kaa bɔ nɛ o pee blema a. Pi mo nɛ o gbɔ Rahab, wo mi lo nguaa a nɔ́, nɛ o poo e mi kpokukpoku ɔ lo?

Yeremia 32:23

Se benɛ a ba su zugba a nɔ nɛ a ngɔ kɛ pee a weto ní ɔ, a bui mo tue; o mlaa amɛ hu a yi nɔ fɛɛ. Níhi nɛ o fa mɛ ke a pee ɔ, a pee we ekoeko fɛɛ. Enɛ ɔ he je nɛ o kɛ haomi nɛ ɔmɛ tsuo ba a nɔ ɔ nɛ.