La 43:3 - BAIBLO ALOO NGMAMI KLƆUKLƆU Ɔ

³ Ha nɛ o la a, kɛ o we anɔkuale ɔ nɛ ba esɔesɔ; ha nɛ a ba tsɔɔ mi blɔ, nɛ a kpaka mi kɛ ya Zion yo klɔuklɔu ɔ nɔ; a kpaka mi kɛ ya mo nitsɛ o we ɔ he nɛ o hii ɔ.

La 43:3 ပူးပေါင်းရင်းမြစ်များ

La 36:9

O mi lɛ wami tsuo jeɔ kɛ baa. O la a lɛ haa wɔ la.

Yohane 1:4

Wami ngɛ Munyu ɔ mi, nɛ wami nɛ ɔ ngɔ la ba ha nimli adesahi.

La 143:10

Moo tsɔɔ mi nɛ ma pee nɔ́ nɛ o suɔ; ejakaa mo ji ye Mawu. Ha nɛ o mumi kpakpa a nɛ tsɔɔ mi blɔ nɛ hi, nɛ e nɔ jɔ.

La 119:105

O munyu ɔ ji kane nɛ i kɛ hyɛɔ ye nane nya; o munyu ɔ ji la nɛ haa ye blɔ mi tɛ̃ɔ.

La 97:11

La kpɛɔ kɛ haa dali; nihi nɛ peeɔ nɔ́ nɛ da a, a naa bua jɔmi.

La 84:1

Yawɛ Tabohiatsɛ, i suɔ o we ɔ saminya!

La 40:11

Yawɛ, naa mi mɔbɔ daa; o kɛ o suɔmi ɔ, kɛ o we anɔkuale ɔ nɛ bu ye he.

Yohane 1:17

Mawu ha wɔ mlaa kɛ gu Mose nɔ, se dloomi kɛ anɔkuale gu Yesu Kristo nɔ kɛ ba.

Mika 7:20

Wɔ o ma, Abraham kɛ Yakob a nina a, o maa gbaa wɔ, nɛ o maa na wɔ mɔbɔ daa kaa bɔ nɛ o wo wa nɛmɛ ɔmɛ si blema lokoo ɔ.

La 57:3

E maa tsɔ kɛ je hiɔwe kɛ ba he ye yi wami; nɛ nihi nɛ ngɛ mi yi mi wae ɔ, zo maa gbe mɛ. Mawu, o maa tsɔɔ mi kaa o mɔbɔ nami ngɛ daa kɛ ha mi, nɛ o yeɔ anɔkuale daa jã kɛ̃.

La 3:4

Ke i kpa ngmlaa kɛ tsɛ Yawɛ ɔ, e heɔ nɔ ngɛ e yoku klɔuklɔu ɔ nɔ.

Mika 7:8

E sɛ kaa wa he nyɛli ɔmɛ yeɔ wa he fɛu. Wa nɔ si lɛɛ, se wa maa te si ekohu. Amlɔ nɛ ɔ wa ngɛ diblii mi, se Yawɛ ma ha wɔ la.

La 78:68

Mohu ɔ, e hla Yuda wɛtso ɔ, kɛ Zion yo ɔ nɛ e suɔ saminya a.

La 46:4

Pa ko ngɛ nɛ e kɔni ɔmɛ haa Mawu ma a bua jɔɔ a he. Hiɔwe no ɔ hi he ɔ ngɛ klɔuklɔu.

La 42:4

Ke i kai bɔ nɛ nyami be ɔmɛ a mi ɔ, i nyɛɛɔ nihi babauu a hɛ kɛ poo si kɛ yaa Mawu we ɔ, nɛ i kɛ ma kpekpemi ɔ tsuo wa hwɔɔ lele, nɛ wa laa sina lahi kɛ jeɔ mo Mawu, o yi ɔ, ye tsui yeɔ wawɛɛ.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

Kronika I, 16:1

A ngɔ Yawɛ daka a ya ma bo tsu ɔ nɛ David pee kɛ ha lɛ ɔ mi, nɛ a sã sami bɔhi, kɛ tue mi jɔmi bɔhi kɛ ha Mawu.

Kronika I, 16:39

Osɔfo Zadok, kɛ e nyɛmimɛ osɔfo ɔmɛ lɛɛ e ha mɛ ní tsumi ngɛ Yawɛ kpe he bo tsu ɔ nɛ ngɛ Gibeon ɔ mi.

Samuel II, 15:20

Mo nɛ hiɛ pɛ o ba a, mɛni he je ma ngɔ mo kɛ ya wo lalaalo be mi nɛ imi nitsɛ i li he nɛ i yaa a? Moo kpale o se nɛ o kɛ o nyɛmimɛ ɔmɛ nɛ ho. Yawɛ nɛ na mo mɔbɔ nɛ e kɛ mo nɛ hi si.”

Kronika I, 21:29

Yawɛ kpe he bo tsu ɔ nɛ Mose pee ngɛ nga a nɔ ɔ, kɛ bɔ sami la tɛ ɔ ngɛ jami he ɔ ngɛ Gibeon jamɛ be ɔ mi kɛ mwɔɔ.

Samuel II, 15:25

Jehanɛ, matsɛ ɔ de Zadok ke, “Moo kpale Mawu somi daka a kɛ ho ma a mi ya. Ke Yawɛ suɔ ɔ, e maa kpale mi kɛ ba nɛ ma ba na daka a kɛ e hi he ɔ ekohu.

La 57:4

He nyɛli bɔle mi kɛ kpe kaa jatahi nɛ yeɔ nɔmlɔ lo; a lunguhi ngɛ kaa akplɔhi, kɛ kɛ̃ɛ̃ mi bihi; a lilɛhi a nya ba kaa klaate nɛ a duɔ nya saminya.