La 42:6 - BAIBLO ALOO NGMAMI KLƆUKLƆU Ɔ

^6-7 Ye tsui ngɛ yee ngɛ ye mi ngɛ ma se hiɛmɛ nɛ ɔ; lɔ ɔ he ɔ, ye juɛmi tsuo ngɛ Mawu nɔ. Kɔmɔ sɔuu ɛ e ha i ngɛ yee kpamisa; hɛ mi kpatami ma mi nami kaa nyu kpekpemi nɛ pee hamahama kɛ ngɛ si puee babaaba, kɛ ngɛ Hermon kɛ Mizar yo ɔmɛ a nɔ jee kɛ ngɛ Yordan kɔ̃ ɔ mi puee.

La 42:6 ပူးပေါင်းရင်းမြစ်များ

La 61:2

Ye mumi nya ngɛ tae. I ngɛ mo tsɛe kɛ je tsitsaa lokoo ngɛ je ɔ nyagbe he ɔ tɔɔ. Ngɔɔ mi kɛ ba mo, Mawu ɔ o ngɔ, konɛ ma na he jɔmi.

Yona 2:7

Benɛ ye mumi ngɛ ye mi jee ɔ, i fa kue ha mo Yawɛ ngɛ o we klɔuklɔu ɔ, nɛ o bu mi tue.

La 43:4

Kɛkɛ ɔ, ma ya su o bɔ sami la tɛ ɔ he, ngɛ mo Mawu, ye bua wolɔ nitsɛnitsɛ ɔ o ngɔ. Ma fia kpa saku kɛ je o yi, mo Mawu, ye Mawu.

La 22:1

Ye Mawu, ye Mawu, mɛni he je o kua mi? Mɛni he je i ngɛ awe nyae nɛ o daa si ngɛ se, nɛ o bɛ nɛ o ba je ngmlaa ha mi ɔ?

Samuel II, 17:22

Kɛkɛ nɛ David kɛ e we bi ɔmɛ tsuo bɔni Yordan pa a pomi hluu kɛ ya si je nanɛɛ nɛ nɔ tsuaa nɔ po pa a ta.

Mateo 27:46

Ngmlɛ etɛ mi ɔ, Yesu kpa ngmlaa wawɛɛ ke, “Eli, Eli, lama sabaktani?” E sisi ji, “Ye Mawu, ye Mawu, mɛni he je o kua mi?”

Mateo 26:39

E ya e hɛ mi bɔɔ, nɛ e ya kpla si, nɛ e ngɔ e hɛ mi ngɔ bu si, nɛ e sɔle ke, “Tsaatsɛ, ke e maa hi ɔ, je amanehlu kplu nɛ ɔ kɛ je ye he kɛ ya se! Se kɛ̃ ɔ, a pee bɔ nɛ mo o suɔ; pi nɔ́ nɛ i suɔ.”

La 133:3

Nyɛmimɛ a kake peemi ngɛ kaa bɔ́ ngɛ Hermon yo ɔ nɔ; e ngɛ kaa bɔ́ nɛ ngɛ nɛe ngɛ Zion yo ɔmɛ a nɔ. Lejɛ ɔ nɛ Yawɛ wo si ngɛ ke e maa gbaa e ma a kɛ maa ya neneene.

Samuel II, 17:27

Benɛ David ba su Mahanaim ɔ, Nahash binyumu Shobi nɛ je Amon bi a ma, Raba a, kɛ Amiel bi Makir nɛ je Lodebar a, kɛ Barzilai nɛ je Rogelim ngɛ Gilead ɔ kɛ lɛ ba kpe.

La 43:5

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ! Ma je e yi ekohu. Lɛ ji ye kpɔlɔ; lɛ ji ye Mawu.