La 42:5 - BAIBLO ALOO NGMAMI KLƆUKLƆU Ɔ

⁵ Mɛni he je i pee vii kikɛ nɛ ɔ? Mɛni he je i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ; lɛ ji ye Mawu.

La 42:5 ပူးပေါင်းရင်းမြစ်များ

La 37:7

Pee dii ngɛ Yawɛ hɛ mi; too o tsui si, nɛ o hyɛ lɛ blɔ. Koo ye o tsui ngɛ nihi nɛ ná a he ɔ a he; nihi nɛ pee yayami nɛ a kɛ ná a he ɔ, koo ye o tsui ngɛ a he.

La 61:2

Ye mumi nya ngɛ tae. I ngɛ mo tsɛe kɛ je tsitsaa lokoo ngɛ je ɔ nyagbe he ɔ tɔɔ. Ngɔɔ mi kɛ ba mo, Mawu ɔ o ngɔ, konɛ ma na he jɔmi.

Mateo 1:23

“Hyɛ, yiheyo ko ma na muklii, nɛ e ma fɔ binyumu; a ma tsɛ lɛ ke Yimanuel” nɛ sisi ji, “Mawu kɛ wɔ ngɛ.”

La 56:3

Ke i ngɛ gbeye yee kikɛ nɛ ɔ, mo Hiɔwe no ɔ pɛ o nɔ i ngɔɔ ye hɛ kɛ fɔɔ.

La 43:5

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ! Ma je e yi ekohu. Lɛ ji ye kpɔlɔ; lɛ ji ye Mawu.

La 42:11

Mɛni he je nɛ i pee vii kikɛ nɛ ɔ? Mɛni he je nɛ i ngɛ haoe kikɛ nɛ ɔ? Ma ngɔ ye hɛ kɛ fɔ Mawu nɔ, nɛ ma je e yi ekohu; lɛ ji ye kpɔlɔ kɛ ye Mawu.

Samuel I, 30:6

David hao wawɛɛ nitsɛ; ejakaa e we bi ɔmɛ a hɛ dɔ ngɛ a bimɛ ɔmɛ nɛ a be ɔ a he. Jehanɛ hu a de ke a maa fia lɛ tɛ. Se Yawɛ, David Mawu ɔ wo lɛ he wami.

Mose IV, 6:26

Yawɛ nɛ wo e hɛ mi nɔ ngɛ nyɛ nɔ, nɛ e ha nyɛ he jɔmi.

Hiob 13:15

Bɔ tsuaa bɔ nɛ pee ɔ, e maa gbe mi sa; i be hɛ nɔ kami ko. Se kɛ̃ ɔ, ma fa ye he ngɛ e hɛ mi.

La 71:14

Se imi lɛɛ ma ngɔ ye hɛ kɛ fɔ o nɔ be tsuaa be. Ma je o yi daa kɛ daa.

La 56:11

I ngɔ ye hɛ kɛ fɔ Mawu nɔ, lɔ ɔ he ɔ, i yi gbeye. Mɛni nɔmlɔ adesa ma nyɛ maa pee mi?

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

La 77:3

Benɛ ye hɛ ba Mawu nɔ, nɛ i bɔni ye yi mi susumi ɔ, ye susuma hao, nɛ i fa huu.

La 44:3

Ejakaa pi a klaate nɛ a kɛ ngɔ zugba a; pi a he wami nya nɛ a ye kunimi ɔ, se o he wami, kɛ o mɔbɔ nami nya; ejakaa o ngɛ o ma a he bua jɔmi.

Mateo 28:20

nɛ nyɛɛ tsɔɔ mɛ nɛ a ye níhi tsuo nɛ i fa nyɛ ke nyɛɛ pee ɔ a nɔ. Hyɛ, i kɛ nyɛ maa hi si daa kɛ yaa su je mi nyagbe.”

La 35:14

kaa bɔ nɛ ma fa kue ha ye huɛ, aloo ye nyɛmi. I ma ye yi si dii, nɛ i ye kɔmɔ kaa nɔ ko nɛ e nyɛ gbo nɛ e ngɛ ya nyɛe.

Mateo 26:38

nɛ e de mɛ ke, “Aywilɛho nɛ nya wa miɔ nɛ e maa gbe mi; nyɛɛ hi si ngɛ hiɛ ɔ nɛ nyɛɛ kɛ mi nɛ fɔ nyɔ.”

La 38:6

Ye mi dɔ kɔmɔɔ, nɛ i ma ye yi si; daa nɛ ɔ, kɔmɔ kɛkɛ i ngɛ yee.

Yesaya 30:29

Se nyɛ, Mawu ma a lɛɛ nyɛ bua maa jɔ, nɛ nyɛ ma la kaa bɔ nɛ nyɛ laa kɛ ngɔɔmi ke nyɛ ngɛ nyami be klɔuklɔu yee ɔ. Nyɛ bua maa jɔ kaa nihi nɛ a ngɛ nyɛɛe kɛ yaa Yawɛ yo ɔ nɛ ji Israel tɛ sa a nɔ kɛ a dɛ mi bɛhi nɛ a ngɛ kpae kɛ ngɛ he toe.