La 42:4 - BAIBLO ALOO NGMAMI KLƆUKLƆU Ɔ

⁴ Ke i kai bɔ nɛ nyami be ɔmɛ a mi ɔ, i nyɛɛɔ nihi babauu a hɛ kɛ poo si kɛ yaa Mawu we ɔ, nɛ i kɛ ma kpekpemi ɔ tsuo wa hwɔɔ lele, nɛ wa laa sina lahi kɛ jeɔ mo Mawu, o yi ɔ, ye tsui yeɔ wawɛɛ.

La 42:4 ပူးပေါင်းရင်းမြစ်များ

Matsɛmɛ II, 18:30

Nyɛ ko ha nɛ Hezekia nɛ mlɔɔ nyɛ nɛ nyɛɛ ngɔ nyɛ hɛ kɛ fɔ Yawɛ nɔ. Nyɛ ko susu kaa Yawɛ ma he nyɛ yi wami, nɛ e be hae nɛ Asiria matsɛ ɔ nɛ ngɔ nyɛ ma a.

Matsɛmɛ II, 18:32

kɛ yaa si be nɛ matsɛ ngua a ma kpaka nyɛ kɛ ya zugba ko nɛ ngɛ kaa nyɛ nitsɛmɛ nyɛ zugba a nɔ. Wai ngmɔhi ngɛ lejɛ ɔ nɛ nyɛɛ kɛ maa pee wai; blɛfo ngɛ lejɛ ɔ nɛ nyɛɛ kɛ maa pee abolo; oliv tsohi ngɛ lejɛ ɔ nɛ nyɛɛ kɛ maa pee nu; hwo gbakuhi hu ngɛ lejɛ ɔ nɛ nyɛɛ kɛ maa pee hwo. Ke Hezekia mlɔɔ nyɛ nɛ e de nyɛ ke Yawɛ ma he nyɛ yi wami ɔ, nyɛ ko bu lɛ tue.

Kronika II, 7:10

E nɔ jena nɛ ji nyɔhiɔ kpaagone ɔ we ligbi nɛ ji nyingmi enyɔ kɛ etɛ ɔ, Salomo wo ma a blɔ, nɛ a je kɛ ho a wehi a mi ya. A bua jɔ a he, ejakaa Yawɛ gbaa e ma Israel, kɛ David, kɛ Salomo tsuo.

Hiob 29:2

I na nɛ i ngɛ kaa bɔ nɛ i ngɛ sa a nɛ Mawu buɔ ye he ɔ.

La 100:4

Nyɛɛ ngɔ sina ba ha lɛ ngɛ e we ɔ; nyɛ je e yi ngɛ e kue ɔmɛ a mi. Nyɛɛ na lɛ si, nɛ nyɛ je e yi.

La 102:10

ejakaa o mi mi fu mi wawɛɛ nitsɛ. O wo ye nɔ, nɛ o sake mi kɛ fɔ he.

La 115:2

Mɛni he je je ma amɛ ma bi ke, “Jije a Mawu ɔ ngɛ” ɔ?

La 122:1

Ye bua jɔ ye he wawɛɛ nitsɛ benɛ a de mi ke, “Waa ho Yawɛ we ɔ ya.”

La 122:8

Ye nyɛmimɛ, kɛ ye huɛmɛ ɔmɛ a he ɔ, ma de Yerusalem ke, “Tue mi jɔmi nɛ hi o mi!”

La 55:14

Wa sɛɛɔ wa yi mi ní ngɔngɔɛ kɛ haa wa sibi, nɛ wa blaa kɛ ya jaa Mawu ngɛ e we ɔ.

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

La 79:10

Mɛni he je lɛ je ma amɛ ma bi wɔ ke, “Jije nyɛ Mawu ɔ ngɛ?” Je mahi nɛ pue o tsɔli ɔmɛ a muɔ si ɔ, gbla a tue nɛ waa na kɛ wa hɛngmɛ.

La 80:6

Je mahi nɛ bɔle wɔ ɔ, o haa nɛ a kɛ wɔ ba pleeɔ wa zugba a he, nɛ wa he nyɛli ɔmɛ muɔɔ wɔ bɔ nɛ a suɔ.

Yesaya 30:29

Se nyɛ, Mawu ma a lɛɛ nyɛ bua maa jɔ, nɛ nyɛ ma la kaa bɔ nɛ nyɛ laa kɛ ngɔɔmi ke nyɛ ngɛ nyami be klɔuklɔu yee ɔ. Nyɛ bua maa jɔ kaa nihi nɛ a ngɛ nyɛɛe kɛ yaa Yawɛ yo ɔ nɛ ji Israel tɛ sa a nɔ kɛ a dɛ mi bɛhi nɛ a ngɛ kpae kɛ ngɛ he toe.

Kɔmɔ Yemi 2:19

Tee si nɛ o nya awe nyɔnyɔɔnyɔ ha Nyɔmtsɛ ɔ. Moo fa kue ha lɛ kɛ o tsui tsuo, nɛ o kpa lɛ pɛɛ nɛ e na o bimɛ ɔmɛ mɔbɔ. Hyɛ kaa hwɔ ngɛ jokuɛwi gbee ngɛ gbɛjegbɛ ɔmɛ tsuo a nɔ ngɛ he tsuaa he.

Kɔmɔ Yemi 4:1

Hyɛ bɔ nɛ wa sika tsu ɔ pee tuu ha! Hyɛ bɔ nɛ sika tsu ngmingmiingmi ɔ tsake ha. Mawu we ɔ tɛ ɔmɛ gbɛ fĩa gbɛjegbɛ ɔmɛ a nɔ tsuo.

Ezekiel 46:10

Ke ma a ma ja Yawɛ ɔ, ganɔ ɔ kɛ mɛ nɛ ba; ke a maa kpale kɛ ya a, e kɛ mɛ nɛ ho.

Yoel 2:17

Osɔfo ɔmɛ nɛ sɔmɔɔ Yawɛ ngɛ e we ɔ mi sinya a nya, kɛ bɔ sami la tɛ ɔ he ɔ, a wo yana, nɛ a fa kue ke, “Yawɛ, naa o ma a mɔbɔ. Ko ha nɛ je ma kpa amɛ nɛ a bɔ wɔ ahlua, nɛ a ye wa he fɛu, nɛ a bi wɔ ke, ‘Jije nyɛ Mawu ɔ ngɛ?’ ”

Nahum 1:15

Hyɛ, tsɔlɔ ko ma ngɛ yo ɔmɛ a nɔ kɛ manye munyu. E ngɛ fiɛe ngɛ dee ke wa ye kunimi. Yuda ma, nyɛɛ ye nyami ligbi ɔmɛ. Si nɛ nyɛ wo Mawu veveeve ɔ, nyɛɛ ye nɔ. Yiwutsotsɛmɛ nɛ ɔmɛ be bae nɛ a ba tua nyɛ zugba a hu. Ejakaa a kpata a hɛ mi pɛsɛpɛsɛ.

Luka 16:25

“Se Abraham de lɛ ke, ‘Ye bi, kai kaa o wami be mi ɔ, o na ní kpakpahi babauu, be mi nɛ Lazaro lɛɛ e na ní yayahi sɔuu. Se piɔ lɛɛ e na bua jɔmi, nɛ moo lɛɛ o ngɛ nɔ́ nae.

Mose V, 16:11

Nyɛɛ kɛ nyɛ bimɛ ɔmɛ, nyɛ mawa amɛ, Levi bi ɔmɛ, kɛ yalɔyi ɔmɛ nɛ ngɛ nyɛ ma amɛ a mi ɔ nyɛ bua nɛ jɔ, nɛ nyɛ nya ngɛ Yawɛ, nyɛ Mawu ɔ hɛ mi. Nyɛɛ pee enɛ ɔ ngɛ he kake nɛ Yawɛ, nyɛ Mawu ɔ to nɛ a ja lɛ ngɛ ɔ.

Rut Womi 1:21

Ye he su kɛ je hiɛ ɔ kɛ ho, se Yawɛ kpale mi kɛ ba dɛ gu. Mɛni he je mɔ nɛ nyɛ tsɛɔ mi Naomi, be mi nɛ Ope ɔ te si wo mi, nɛ e ha i na nɔ kikɛ nɛ ɔ?”