La 41:2 - BAIBLO ALOO NGMAMI KLƆUKLƆU Ɔ

² Yawɛ maa bu e he, nɛ e yi ma na wami. Yawɛ maa gbaa lɛ ngɛ zugba a nɔ, nɛ e be e he ngmɛɛe kɛ ha e he nyɛli.

La 41:2 ပူးပေါင်းရင်းမြစ်များ

La 27:12

Koo ngmɛɛ ye he kɛ ha ye he nyɛli, ejakaa lakpa odasehi, kɛ yiwutsotsɛmɛ te si kɛ wo mi.

La 33:19

E jeɔ mɛ kɛ jeɔ gbenɔ mi; e haa a yi naa wami ngɛ hwɔ be mi.

La 37:22

Nihi nɛ Yawɛ gbaa mɛ ɔ, a nine maa su zugba a nɔ. Se ni nɛmɛ nɛ e gbiɛ mɛ ɔ, mɛɛ lɛɛ a ma kpata a hɛ mi.

Abɛ Womi 11:17

Nɔ nɛ naa mɔbɔ ɔ, lɛ nitsɛ e he kpakpa lɛ e ngɛ pee. Se nɔ nɛ yi mi wa a, e ngɛ lɛ nitsɛ e he plaae.

Abɛ Womi 14:21

Nɔ nɛ gbeɔ e nyɛmi he guɛ ɔ, yayami e ngɛ pee ɔ nɛ. Se nɔ nɛ naa ohiatsɛ mɔbɔ ɔ, a gbaa lɛ.

Abɛ Womi 19:17

Ke o na ohiatsɛ mɔbɔ ɔ, e ngɛ kaa o pa nɔ́ ko ha Yawɛ; nɛ nɔ́ nɛ o pee ɔ, e maa to nane mi ha mo.

Abɛ Womi 31:20

E naa ohiatsɛ mɔbɔ, nɛ e bɔleɔ nine kɛ haa nɔ nɛ e fi lɛ.

Yeremia 39:17

Se moo lɛɛ ma he o yi wami jamɛ a ligbi ɔ, nɛ a be mo ngɔe kɛ wo nihi nɛ o ngɛ mɛ gbeye yee ɔ a dɛ mi.

Mose V, 14:29

Levi bi ɔmɛ a niye ní ji nɛ ɔ nɛ, ejakaa mɛɛ lɛɛ a be weto ní ko. Nibwɔhi, awusahi, kɛ yalɔyihi hu nɛ ngɛ nyɛ ma amɛ a mi ɔ, nyɛ ha nɛ a ye eko nɛ a tɔ. Ke nyɛ pee ja a, Yawɛ, nyɛ Mawu ɔ maa gbaa nyɛ ngɛ nɔ́ tsuaa nɔ́ nɛ nyɛ ngɛ tsue ɔ mi.

1 Timoteo 4:8

Nɔmlɔ tso ɔ he mi kami ɔ, se nami bɔɔ kɛkɛ lɛ ngɛ he, se mumi mi nɔ́ ɔ lɛɛ kaa bɔ nɛ a wo si ɔ, e he ngɛ se nami babauu ngɛ je nɛ ɔ mi, kɛ nɔ́ nɛ maa ba a mi tete.

Rut Womi 2:19

Naomi bi Rut ke, “Jije o ya bua ngma fuu nɛ ɔ nya ngɛ? Mawu maa gbaa nɔmlɔ nɛ tsɔ e hɛ mi ha mo kikɛ nɛ ɔ.” Rut de e nganyɛ ɔ ke ngmɔ si he nɛ e ya tsu ní ngɛ ɔ, a tsɛɛ ngmɔtsɛ ɔ ke Boaz.