La 40:6 - BAIBLO ALOO NGMAMI KLƆUKLƆU Ɔ

⁶ O hla we bɔ, nɛ o hla we nike ní hulɔ. O bi we ke a sã sami bɔ, loo yayami pami bɔ ha mo. Mohu ɔ, o bli ye tue, konɛ ma nu o gbi.

La 40:6 ပူးပေါင်းရင်းမြစ်များ

Yesaya 1:11

Yawɛ ke, “Bɔ ɔmɛ tsuo nɛ nyɛ ngɔɔ kɛ ba haa mi ɔ, anɛ nyɛ susuɔ kaa i suɔ lo? To ɔmɛ nɛ nyɛ kɛ ba sãã bɔ, kɛ lohwe kpakpa amɛ a zɔ ɔ hiɛ tsɔ ha mi. Na kuhi, kɛ jijɔhi, kɛ akpakpohi a muɔ ba ti mi.

Samuel I, 15:22

Samuel bi ke, “Anɛ Yawɛ nyaa sami bɔ, kɛ bɔ kpahi a he pe e munyu ɔ tue bumi lo? O nɛ, tue bumi hi pe bɔ sami, nɛ munyu ngɔmi hi pe jijɔhi a zɔ.

La 51:16

O hla we bɔhi, jinɛ ma ngɔ kɛ ba; sami bɔ hu, o sume.

Hosea 6:6

Nɔ́ nɛ i ngɛ hlae ngɛ nyɛ dɛ kɛkɛ ji suɔmi nɛ ngɛ daa; pi bɔ sami. Ma suɔ kaa nyɛɛ le imi Mawu ɔ mohu, pe kaa nyɛ maa sã sami bɔ kɛ sa ye hɛ mi!

Mateo 12:7

Ngmami ɔ ke, ‘Mɔbɔ nami i ngɛ hlae, se pi bɔ.’ Nyɛ le nɔ́ nɛ ɔ sisi jinɛ nihi nɛ yi fɔ ɔ, nyɛ ko bui mɛ fɔ.

Amos 5:22

Nyɛ sami bɔ ɔmɛ, kɛ niye ní bɔ ɔmɛ ɔ, i be ngɔe. Lohwehi nɛ nyɛ je blɔ lɛ mɛ nɛ a wo zɔ nɛ nyɛ maa ngɔ kɛ ba sã tue mi jɔmi bɔ ha mi ɔ, i be hee.

Mateo 9:13

Nyɛɛ ya nɛ nyɛ ya hla ngmami nɛ ɔ sisi: ‘Mɔbɔ nami i ngɛ hlae, se pi bɔ sami!’ I bɛ nɛ ma ba tsɛ nihi nɛ peeɔ nɔ́ nɛ da, se mohu yayami peeli.”

Yesaya 66:3

“Ma mi bi ɔmɛ peeɔ nɔ́ nɛ mɛ nitsɛmɛ a suɔ. E si we mɛ kpu kaa a maa ngɔ na, loo nɔmlɔ adesa kɛ sã bɔ. Slɔɔto ko be mi ke a ngɔ to kɛ sã bɔ, loo a ku gbe kuɛ kɛ pee. Slɔɔto be mi ke a ngɔ ngma kɛ ba sã niye ní bɔ, aloo a ngɔ kpotoo muɔ kɛ ba. Tsopa kɛ e he via a ngɛ sãe jio, amaga nɛ a ngɛ jae jio, slɔɔto ko kulaa be mi ha mɛ. Musu ní nɛ ɔmɛ a he a nyaa.

Hiob 33:16

Jamɛ a be ɔ, e bliɔ nimli adesahi a tue, konɛ a nu nɔ́ nɛ e ngɛ mɛ dee ɔ. Ke e bɔ mɛ kɔkɔ ɔ, a yeɔ gbeye.

La 50:8

Bɔhi, kɛ sami bɔhi nɛ nyɛ kɛ baa ye hɛ mi ɔ, pi lɔ ɔmɛ a he nɛ i ngɛ nyɛ hɛ mi kae ngɛ.

Mose II, 21:6

lɛɛ e nyɔmtsɛ ɔ maa ngɔ lɛ kɛ ba Mawu hɛ mi. E kɛ lɛ ma ba da sinya a nya, loo sinya tso ɔ he ngɛ lejɛ ɔ, nɛ e maa ngɔ tue gbumi nɔ́ kɛ gbu e tue ha lɛ. Kɛkɛ e ma tsa nɔ ma sɔmɔ kɛ yaa si lɛ, nyɔguɛ ɔ ma gbo.

Hiob 5:9

Lɛ ji nɔ nɛ peeɔ ní nguanguahi nɛ wa juɛmi sui he, kɛ nyakpɛ ní hu babauu.

La 71:15

Ligbi mluku ɔ tsuo ma wo o ta kaa o yeɔ dami sane; ma de daa ke yi wami helɔ ji mo. Pohu níhi nɛ o peeɔ ɔ hiɛ babauu pe bɔ nɛ ye juɛmi maa su he hulɔ.

La 139:17

Mawu, yi mi tomi nɛ o ngɛ ha mi ɔ he jua wa wawɛɛ nitsɛ. Ní kpakpahi nɛ o susuɔ ha mi ɔ, a he hiɛ babauu.

La 139:18

Ke i ke ma kane mɛ ɔ, i be nyɛe, ejakaa a he hiɛ babauu pe zia. Loko ye hɛ maa tsɛ po o ngɛ ye he susue momo.

Yesaya 25:1

Yawɛ, mo ji ye Mawu; ma wo o hɛ mi nyami, nɛ ma je o biɛ ɔ yi; ejakaa o tsu nyakpɛ níhi. O yi mi tomi ɔmɛ nɛ o to blema lokoo ɔ, o ye a nɔ pɛpɛɛpɛ.