La 40:12 - BAIBLO ALOO NGMAMI KLƆUKLƆU Ɔ

¹² Haomi babauu nɛ hí kaiemi bɔle mi kɛ kpe. Ye yayami ɔmɛ ba pe mi, nɛ i pa hyɛ we nɔ́ hu. Ye yayami ɔmɛ hiɛ kulaa pe ye yi bwɔmi; ye mumi nya ta!

La 40:12 ပူးပေါင်းရင်းမြစ်များ

La 38:4

Ye yayami ɔmɛ pee kaa tlomi nɛ i tloo; a pee kaa tlomi nɛ jiɔ tsɔ, nɛ ngɛ mi gbee.

La 73:26

Ke ye nɔmlɔ tso ɔ gbɔjɔ, nɛ ye tsui ta a, Yawɛ maa wo mi he wami, ejakaa lɛ ji ye nɔ́ fɛɛ nɔ́, nɛ e kɛ mi maa hi si daa.

La 69:4

Nihi nɛ ye he ngɛ mɛ tsɛ̃e yaka gu ɔ, a he hiɛ babauu pe ye yi bwɔmi. Ye he nyɛli lakpatsɛmɛ nɛ ngɛ ye hɛ mi hlae nɛ a kpata a, yiwutsotsɛmɛ kpanakuhi ji mɛ. Anɛ níhi nɛ pi ojo nɛ i ye kɛ na a, lɔ ɔmɛ hu ma ngɔ kɛ ha lo?

La 116:3

Gbenɔ klama amɛ bɔle mi kɛ kpe, gbeje nɔ́ nami ɔmɛ wo ye he gbeye; ye ní pee mɔbɔ, nɛ i hao wawɛɛ.

La 19:12

Mɛnɔ ma nyɛ maa na lɛ nitsɛ e tɔmihi? Yawɛ, tɔmihi nɛ i pee ngɛ laami mi ɔ, ngɔɔ kɛ pa mi!

Yesaya 53:6

Wɔ tsuo wa ngɛ kaa tohi nɛ laa blɔ; nɔ tsuaa nɔ ngɔ lɛ nitsɛ e blɔ. Se tue gblami nɛ sa wɔ tsuo ɔ, Yawɛ ngɔ kɛ ha lɛ.

1 Petro 3:18

Ejakaa Kristo gbo kekleekle nɔ́ kɛ nyagbe nɔ́ ngɛ ní yayamihi a he. Lɛ dalɔ ɔ, e gbo ngɛ yayami peeli a nane mi, konɛ e ngɔ wɔ kɛ ba Mawu ngɔ. Benɛ a gbe Kristo ɔ, jamɛ a be ɔ, e hɛɛ nɔmlɔ adesa su. Se amlɔ nɛ ɔ nɛ Mawu ha nɛ e ba wami mi ɔ, mumi ji lɛ.

Hebribi 4:15

Wa osɔfo nɔkɔtɔma pe kulaa a, e pi nɔ nɛ be nyɛe maa nu wa gbɔjɔmi ɔmɛ a he ha wɔ. Osɔfo nɔkɔtɔma pe kulaa nɛ wa ngɛ ɔ, Abosiami ka lɛ ngɛ blɔ tsuaa blɔ nɔ kaa wɔ nɔuu, se lɛɛ e pee we yayami.

Luka 21:26

Níhi nɛ ma je ɔ mi ɔ maa wo nihi a he gbeye, nɛ a maa hɛli, ejakaa he wamihi nɛ ngɛ hiɔwe ɔ, a maa fie mɛ kɛ je a blɔ hehi.

Mose I, 42:28

Kɛkɛ nɛ e de e nyɛmimɛ ɔmɛ ke, “A kpale ye sika a kɛ wo ye kotoku ɔ mi!” A tsui po, nɛ a kɛ he domi bi a sibi ke, “Mɛni po Mawu pee wɔ nɛ ɔ?”

La 61:8

Kɛkɛ ɔ, imi hu ma la kɛ je o biɛ ɔ yi daa, nɛ ma ye ye siwo ɔmɛ a nɔ daa ligbi.