La 4:8 - BAIBLO ALOO NGMAMI KLƆUKLƆU Ɔ

⁸ Ma hwɔ si nɛ ma hwɔ mahe ngɛ tue mi jɔmi mi. Ejakaa mo, Yawɛ pɛ lɛ o haa nɛ ye he mi jɔɔ mi.

La 4:8 ပူးပေါင်းရင်းမြစ်များ

La 16:11

O maa tsɔɔ mi blɔ ɔ nɛ yaa wami mi ɔ. Lejɛ ɔ, ngɛ o hɛ mi ɔ, ma na bua jɔmi nitsɛnitsɛ, bua jɔmi nɛ se be poe kɛ maa ya neneene.

La 3:5

I hwɔɔ si nɛ i hwɔɔ mahe, nɛ i teɔ si ekohu, ejakaa Yawɛ buɔ ye he.

Abɛ Womi 3:24

Ke o hwɔ si ɔ, o be gbeye yee; o maa hwɔ mahe vii nyɔ mi tsuo.

Yesaya 9:2

Ma nɛ hi diblii kpii mi ɔ na la kpetekpleenyɛ ko. A hi zugba ko nɛ nɔ wo diblii kpii nɔ, se jehanɛ lɛɛ la ngɛ kpɛe ha mɛ.

Ezekiel 34:25

I kɛ mɛ maa so tue mi jɔmi somi. Ma fie lohwe awi yeli tsuo kɛ je zugba a nɔ, konɛ a hi si ngɛ nga a nɔ ngɛ tue mi jɔmi mi, nɛ a hwɔ mahe fuaa.

Hosea 2:18

Jamɛ a be ɔ, i kɛ nga mi lohwe awi yeli, kɛ lohwe pɛlitsɛmɛ tsuo maa so, nɛ a be ye ma a awi yee hu. Ma ha klaate, kɛ̃ɛ̃, kɛ ta hwumi ní kpahi tsuo a se maa po ngɛ zugba a nɔ, nɛ ye ma a maa hi si ngɛ tue mi jɔmi, kɛ he jɔmi mi.

Mose III, 26:5

Nyɛ ngmɔ ɔmɛ maa ba ní saminya; nyɛ maa hi blɛfo kpɔe hluu kɛ yaa si wai yiblii nya buami be; nɛ nyɛ maa hi wai yiblii nya buae hluu kɛ maa su blɛfo dumi be ekohu. Nyɛ maa ye ní, nɛ nyɛ maa tɔ; nyɛ maa hi si ngɛ tue mi jɔmi mi ngɛ zugba a nɔ.

Mose V, 12:10

Ke nyɛ po Yordan pa a, Yawɛ ma ha nyɛ maa ngɔ zugba a nɛ nyɛɛ hi nɔ. E ma ha nyɛ tue mi maa jɔ nyɛ kɛ je nyɛ he nyɛli tsuo nɛ bɔle nyɛ kɛ kpe ɔ a dɛ mi.

1 Tesalonikabi 5:10

Kristo ba gbo ha wɔ, bɔ nɛ pee nɛ wa hɛ ngɛ jio, wa gbo jio, waa kɛ lɛ nɛ hi si.

Kpojemi 14:13

Nɛ i nu gbi ko kɛ je hiɔwe nɛ ngɛ dee ke, “Ngmaa: A gbaa gbogboehi nɛ gboɔ ngɛ Nyɔmtsɛ ɔ mi kɛ je mwɔnɛ ɔ kɛ yaa nɛ ɔ.” “Ee!” Mumi ɔ ngɛ dee ke, “A maa jɔɔ a he kɛ je a dengme gbomi ɔ mi; se a ní tsumi ɔmɛ nyɛɛɔ a se.”