La 4:7 - BAIBLO ALOO NGMAMI KLƆUKLƆU Ɔ

⁷ Se imi lɛɛ o ha mi bua jɔmi babauu. Ke nimli nɛ ɔmɛ a blɛfo kɛ wai ba saminya po, a na we bua jɔmi kaa imi.

La 4:7 ပူးပေါင်းရင်းမြစ်များ

La 31:17

Yawɛ, i ngɛ mo tsɛe; ko ha nɛ zo nɛ gbe mi. Ha nɛ yiwutsotsɛmɛ mohu a hɛ mi nɛ pue si, nɛ a ma a nya kɛ ya gbeje.

La 37:4

Mo na Yawɛ he bua jɔmi, nɛ e ma ha mo níhi nɛ o tsui suɔ.

La 43:4

Kɛkɛ ɔ, ma ya su o bɔ sami la tɛ ɔ he, ngɛ mo Mawu, ye bua wolɔ nitsɛnitsɛ ɔ o ngɔ. Ma fia kpa saku kɛ je o yi, mo Mawu, ye Mawu.

La 67:2

konɛ je ɔ nɛ le o suɔmi nya ní, nɛ je ma amɛ tsuo nɛ a yo o he wami nɛ o kɛ heɔ yi wami ɔ.

La 80:4

Yawɛ Tabohiatsɛ Mawu! O ma mi bi ɔmɛ a kue fami ɔ maa wo o mi mi la kɛ yaa si mɛni be?

La 92:4

Yawɛ, o ní tsumi ɔmɛ haa mi bua jɔmi; Ma la kɛ bua jɔmi ngɛ o nine nya ní tsumi ɔmɛ a he.

Lahi 1:4

Ngɔɔ mi kɛ ho esɔ. Ye matsɛ, ngɔɔ mi kɛ ya o tsu ɔ mi. I ngɔ ye he kɛ ha mo. Wa bua maa jɔ wa he saminya. O suɔmi ɔ ngɔɔ dɔkɔdɔkɔ pe wai po. E be nyakpɛ kaa yi ɔmɛ tsuo suɔ mo!

Yesaya 9:3

Yawɛ, o ha nɛ ma a bɔ, nɛ o ha mɛ bua jɔmi babauu. A ngɛ nyae ngɛ o hɛ mi kaa nihi nɛ ngɛ ngmɔ ní kpae, loo nihi nɛ ngɛ ta yibu ní dlae ha a he.

Yeremia 48:33

Bua jɔmi, kɛ nyami se po ngɛ Moab zugba kpakpa nɛ baa ní ɔ nɔ. I ha nɛ wai se po ngɛ wai ngami he ɔmɛ. Nihi nɛ peeɔ wai, nɛ ke a ngɛ wai ɔ pee nɛ a hii lele hwɔe kɛ hii he toe ɔ, jamɛatsɛmɛ ɔmɛ a ti nɔ ko nɔ ko be hu.

Mose IV, 6:25

Yawɛ nɛ ha e hɛ mi nɛ kpɛ ngɛ nyɛ nɔ, nɛ e dloo nyɛ;

Ni Tsumi 14:17

Se kɛ̃ ɔ, e peeɔ kpakpa nɛ e kɛ tsɔɔ kaa lɛ ji Mawu niinɛ; e haa hiɔmi nɛɛ kɛ jee hiɔwe kɛ haa nyɛ, nɛ nyɛ kpaa ní babauu ngɛ be nɛ sa mi. E haa nyɛ niye ní, nɛ nyɛ bua jɔɔ saminya.”

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,

Manyadali 9:27

A ya nga a nɔ nɛ a ya kplɔ wai yiblii ngɛ wai ngmɔ ɔmɛ a mi kɛ ba pee dã; nɛ a fiɛ nɛ a na bua jɔmi saminya. Lɔ ɔ se ɔ, a ya ye ní nɛ a nu dã ngɛ a mawu ɔ we ɔ; nɛ a jɛ Abimelek saminya ngɛ lejɛ ɔ.