La 4:5 - BAIBLO ALOO NGMAMI KLƆUKLƆU Ɔ

⁵ Nyɛɛ sã bɔ nɛ sa ha Yawɛ; nyɛɛ ngɔ nyɛ hɛ kɛ fɔ e nɔ.

La 4:5 ပူးပေါင်းရင်းမြစ်များ

Samuel II, 15:12

Benɛ Absalom ngɛ bɔ ɔmɛ sãe ɔ, e tsɔ ya kpee Ahitofel kɛ je Gilo kɛ ba. Ahitofel nɛ ɔ, David ga wolɔ ji lɛ, nɛ e ma mi ji Gilo. Enɛ ɔ wo matsɛ ɔ yi nɔ nɛ a ngɛ soe ɔ mi he wami; nɛ nihi nɛ nyɛɛ Absalom se ɔ, a he ba bɔni hiɛmi.

La 2:12

Nyɛ he nɛ do blibliibli, nɛ nyɛ kpla si ngɛ e hɛ mi. Ke pi jã a, e mi mi ma fu nyɛ si kake too, nɛ nyɛ hɛ mi ma kpata. Nihi tsuo nɛ ba saa we ngɛ Yawɛ ngɔ ɔ ma na bua jɔmi.

La 26:1

Yawɛ, wo mi nguɔ, ejakaa i peeɔ nɔ́ nɛ da; i ngɔ ye hɛ kɛ fɔ o nɔ kulaa.

La 37:3

Ngɔɔ o hɛ ngɔ fɔ Yawɛ nɔ nɛ o pee kpakpa, konɛ o hi zugba a nɔ ngɛ he jɔmi mi.

La 50:14

Nyɛɛ sã bɔ nɛ nyɛ kɛ na Mawu si, konɛ si nɛ nyɛ wo Hiɔwe No ɔ, nyɛɛ ye nɔ.

La 51:19

Lɔ ɔ loko o bua maa jɔ bɔhi nɛ sa a he; sami bɔ ɔ, o bua maa jɔ he; a maa sã na kuhi ngɛ o bɔ sami la tɛ ɔ nɔ.

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

La 77:7

“Anɛ Nyɔmtsɛ ɔ ma kua wɔ daa nɛ lo? Anɛ e pa be wa he bua jɔmi nae hu lo?

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

Yesaya 61:8

Yawɛ de Yerusalem bi ɔmɛ ke, “I suɔ kaa a ye dami sane; i sume ojo fiami, kɛ yi mi wami; ma pee ye ma a kpakpa bɔ nɛ sa mɛ, nɛ i kɛ mɛ maa so somi ko nɛ maa hi si kɛ maa ya neneene.

Malaki 1:8

Ke nyɛ ngɔ lohwe hɛ yuyuilɔ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe akpaketsɛ, aloo lohwe hiɔtsɛ kɛ ba sã bɔ ha mi ɔ, anɛ pi yayami ji lɔ ɔ lo? Ke nyɛ ngɔ lohwe kaa kikɛ nɛ ɔ ya ke nyɛ amlaalo ɔ, anɛ e ma na nyɛ he bua jɔmi, aloo e maa pee nyɛ hiami níhi ha nyɛ lo?”

Mateo 5:23

Lɔ ɔ he ɔ, ke o kɛ o nike ní ba bɔ sami la tɛ ɔ hɛ mi, nɛ o kai ngɛ lejɛ ɔ kaa o nyɛmi kɛ mo ngɛ sane ko ɔ,

Mose V, 33:19

A maa kpee nibwɔhi kɛ ba a yo ɔmɛ a nɔ, nɛ a maa sã bɔ nɛ sa ngɛ lejɛ ɔ. A ma na ní kɛ je wo mi, nɛ a ma na ní kɛ je wo nya zia hu mi.”

1 Petro 4:19

Lɔ ɔ he ɔ, ni nɛmɛ nɛ naa amanehlu, akɛnɛ lɔ ɔ ji nɔ́ nɛ Mawu to ha mɛ ɔ, a ya nɔ nɛ a pee kpakpa, nɛ a ngɔ a hɛ ngɔ fɔ a bɔlɔ ɔ nɔ kulaa. Lɛɛ ke e wo si ɔ, e yeɔ nɔ.