La 4:2 - BAIBLO ALOO NGMAMI KLƆUKLƆU Ɔ

² Nyɛ nimli adesahi, mɛni be nyɛ ma pue ye hɛ mi si kɛ yaa si? Nyɛ suɔ níhi nɛ a he be se nami, nɛ lakpa munyuhi a se nyɛ dii. Kɛ yaa si mɛni be nɛ nyɛ maa hi enɛ ɔ pee?

La 4:2 ပူးပေါင်းရင်းမြစ်များ

La 106:20

A ngɔ amaga nɛ a pee kaa na nɛ yeɔ nga a kɛ tsake Mawu nitsɛ hɛ mi nyami ɔ.

La 14:6

Ke yayami peeli ha nɛ ohiatsɛmɛ a yi mi tomi pee basaa a, a ma ya sa we ngɛ Yawɛ ngɔ kɛ̃.

La 2:1

Mɛni ba nɛ je ma amɛ ngɛ basabasa pee? Mɛni he je lɛ a ngɛ soe yaka gu kikɛ nɛ ɔ?

La 3:3

Se mo Yawɛ, o ngɛ kaa tsɛ̃i nɛ buɔ ye he daa. O woɔ mi mumi mi he wami, nɛ o woɔ ye hɛ mi nyami.

La 31:6

Yawɛ, o sume nihi nɛ jaa lakpa mawuhi saasaa; se imi lɛɛ i ngɔ ye hɛ kɛ fɔ o nɔ.

La 5:6

Mo Yawɛ, o kpataa lakpatsɛmɛ a hɛ mi. Muɔ si pueli, kɛ nɔ sisili lɛɛ o hiee mɛ kulaa.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

La 57:4

He nyɛli bɔle mi kɛ kpe kaa jatahi nɛ yeɔ nɔmlɔ lo; a lunguhi ngɛ kaa akplɔhi, kɛ kɛ̃ɛ̃ mi bihi; a lilɛhi a nya ba kaa klaate nɛ a duɔ nya saminya.

La 58:1

Nyɛ, hɛ mi nyɛɛli, anɛ nyɛ woɔ mlaahi nɛ da lo? Anɛ nyɛ kojoɔ nimli adesahi bɔ nɛ sa lo?

La 58:3

Yiwutsotsɛmɛ peeɔ yayami a wami be tsuo; kɛ je a fɔmi be ɔ, lakpa sɔuu a yeɔ.

La 63:11

Se matsɛ ɔ ma nya saminya; ejakaa Mawu haa e yeɔ kunimi. Nɔ tsuaa nɔ nɛ kɛ Mawu biɛ kaa kita a ma je Mawu yi boboobo, se lakpatsɛmɛ lɛɛ a ma ma a nya.

La 72:2

É ngɔ dami sane yemi kɛ hyɛ o ma a nɔ; nɛ é ye nɔ́ nali a sane ha mɛ!

Mose II, 10:3

Mose kɛ Aaron ho Farao ɔ ngɔ ya, nɛ a ya de lɛ ke, “Bɔ nɛ Yawɛ, Hebri bi ɔmɛ a Mawu ɔ de ji nɛ ɔ nɛ: ‘Mɛni be o ma kua o he si bami ha mi kɛ yaa si? Ha ye ma a nɛ ya nɛ a ya ja mi.

Abɛ Womi 1:22

“Kuasiahi! Mɛni be nyɛ maa biɛ kɛ yaa si? Fɛu yeli! Mɛni be nyɛ maa ye fɛu kɛ yaa si? Anɛ nyɛ be ní kasee?

Fiɛlɔ 8:11

Mɛni he je lɛ nihi a he sɔɔ kɛ peeɔ yayami ɔ? Ejakaa a gbla we a tue ngɛ be nɛ sa mi.

Fiɛlɔ 9:3

Níhi nɛ dɛ ngɛ je nɛ ɔ mi ɔ, a kpɛti kake ji kaa haomi baa nihi tsuo a nɔ fiee nɛ slɔɔto be mi; dali jio, yayami peeli jio. Daa nɛ ɔ, yayami kɛ godo hyi nimli adesahi a tsui mi ngɛ je ɔ mi. Kɛkɛ a gbo tlukaa.

Yesaya 20:5

Nihi nɛ ngɔ a hɛ ngɔ fɔ Sudan nɔ, nɛ a fĩa fɔ Egipt nɔ ɔ, a hɛ mi maa pee mɛ yaa, nɛ a hɛ kɛ nɔ fɔmi tsuo maa ta.

Yesaya 45:17

Se Israel ma a lɛɛ Yawɛ ma he a yi wami kɛ maa ya neneene; e be hae nɛ a hɛ mi ma pue si kɔkɔɔkɔ.’ ”

Yesaya 59:4

Ke a kɛ nɔ ko ya kojomi he ɔ, nyɛ yi sane ɔ ha lɛ bɔ nɛ sa. Nyɛɛ kɛ mlaa tsu we ní, nɛ nyɛ yeɔ lakpa kɛ faa nyɛ he ngɛ sane yemi he. Ga yayahi nɛ kpataa nihi a hɛ mi sɔuu nyɛ toɔ.

Yeremia 2:11

Anɛ je ma ko tsake e mawuhi hyɛ lo? Je ma amɛ a mawu ɔmɛ po tsa pi mawu nitsɛnitsɛhi ji mɛ. Se ye ma a lɛɛ a ngɔ imi, a hɛ mi nyami ɔ kɛ tsake mawuhi nɛ a he be se nami.

Yeremia 2:5

Yawɛ ke, “Mɛni tɔmi nyɛ nɛmɛ ɔmɛ na ngɛ ye he loko a tsɔ a he kɛ je ye he ɔ? A ya nyɛɛ níhi nɛ he be se nami a se, nɛ mɛ nitsɛmɛ a plɛ pee yaka nimli.

Yeremia 9:3

Daa nɛ ɔ, a duɔ a lilɛ nya ngɔ to kaa kɛ̃ɛ̃ nɛ a dɔ mi nɛ a ma tsɛ̃. Lakpa, kɛ sisimi sɔuu ji zugba a nɔ; anɔkuale be. Yawɛ ke, “Ye ma mi bi ɔmɛ peeɔ yayami nɔtonɔto; se imi lɛɛ a li mi kaa a Mawu.”

Hosea 4:7

“Si abɔ nɛ nyɛ, osɔfo ɔmɛ nyɛ he ngɛ hiɛe ɔ, si abɔ nɛ nyɛ ngɛ yayami babauu pee kɛ ngɛ mi sie. Lɔ ɔ he ɔ, i be nyɛ hɛ mi nyami woe; ma pue nyɛ hɛ mi si mohu.

Yona 2:8

Nihi nɛ jaa amagahi, nɛ ji níhi nɛ a he be se nami ɔ, a ji nihi nɛ je a Mawu ɔ nɛ sa kaa a ja lɛ ɔ se.

Mose IV, 14:11

Yawɛ bi Mose ke, “Kɛ yaa si mɛni be ma nɛ ɔ ma kua mi? Kɛ yaa si mɛni be loko a ma he mi maa ye ngɛ okadihi babauu nɛ i pee ngɛ a kpɛti ɔ he?

Ni Tsumi 24:9

Yuda bi ɔmɛ hu fia Tertulo nɔ́ ɔ se pɛpɛɛpɛ kaa bɔ nɛ e de ɔ.

1 Korintobi 1:31

Lɔ ɔ he ɔ, kaa bɔ nɛ ngmami ɔ deɔ ɔ, “Nɔ nɛ suɔ kaa e maa fĩa a, e fĩa ngɔ fɔ nɔ́ nɛ Nyɔmtsɛ ɔ pee ɔ nɔ.”

Efesobi 4:25

Lɔ ɔ he ɔ, nyɛ kpa lakpa yemi, nɛ nɔ tsuaa nɔ nɛ tu e nyɛmi anɔkuale sisiisi. Ejakaa wɔ tsuo pɛpɛɛpɛ wa ngɛ kaa Kristo nɔmlɔ tso ɔ he ní munomunohi.

Samuel I, 12:21

Nyɛ ko ya nyɛɛ yaka níhi nɛ a he be se nami, nɛ a be nyɛ yi wami nyɛe ma he ɔ a se; ejakaa yaka níhi kɛkɛ ji mɛ.