La 39:7 - BAIBLO ALOO NGMAMI KLƆUKLƆU Ɔ

⁷ Nyɔmtsɛ, lɛɛ mɛni i pa ngɛ blɔe mɔ? Mo, o nɔ lɛ i ngɔ ye hɛ kɛ fɔ.

La 39:7 ပူးပေါင်းရင်းမြစ်များ

Romabi 15:13

Mawu, nɔ nɛ haa nihi tsuo hɛ kɛ nɔ fɔmi ɔ, e ha nyɛ hyi tɔ kɛ bua jɔmi, kɛ he jɔmi tsuo ngɛ nyɛ hemi kɛ yemi ɔ nya, konɛ Mumi Klɔuklɔu ɔ nɛ wo nyɛ he wami, nɛ nyɛɛ ngɔ nyɛ hɛ kɛ fɔ Mawu nɔ daa.

La 38:15

Se i ngɔ ye hɛ ngɔ fɔ mo, Yawɛ o nɔ. Mo Yawɛ, ye Mawu; mo lɛ o maa pee ye hiami ní ɔmɛ ha mi.

La 119:81

Yawɛ, i hyɛ mo blɔ hluu kaa o ma ba kpɔ mi, nɛ pɔ tɔ mi jehanɛ; se i ngɔ ye hɛ kɛ fɔ o siwo ɔ nɔ.

La 119:166

Yawɛ, mo o nɔ ye hɛ ngɛ, ba he ye yi wami; i peeɔ níhi nɛ o mlaa a tsɔɔ ɔ.

Mose I, 49:18

“Yawɛ, i ngɛ mo blɔ hyɛe nɛ o ba kpɔ mi.

Hiob 13:15

Bɔ tsuaa bɔ nɛ pee ɔ, e maa gbe mi sa; i be hɛ nɔ kami ko. Se kɛ̃ ɔ, ma fa ye he ngɛ e hɛ mi.

Luka 2:25

Jamɛ a be ɔ mi ɔ, nyumu ko ngɛ Yerusalem nɛ a tsɛɛ lɛ Simeon. Nyumu nɛ ɔ, nɔmlɔ kpakpa ji lɛ; e yeɔ Mawu gbeye, nɛ daa nɛ ɔ, e ngɛ blɔ hyɛe nɛ Mawu ba he Israel yi wami. Mumi Klɔuklɔu ɔ ngɛ e mi.

Hiob 14:2

Nɔmlɔ waa esɔesɔ, nɛ e gboɔ tlukaa kaa bɔ nɛ mɔmɔ hu puɛɔ nɛ e nglaa a. E ngɛ kaa nini; bɔɔ kɛkɛ e laa nɛ a nɛ lɛ hu.

La 49:11

A susuɔ kaa a we ɔmɛ, kɛ a zugba amɛ maa hi si daa; nɛ a kɛ a biɛhi woɔ zugba amɛ, se gbeje mohu ya peeɔ a hi he kɛ yaa yi nɔhi tsuo.

Fiɛlɔ 2:21

Ejakaa be komɛ ɔ, nɔ ko maa ngɔ nile, kɛ ga kɛ tsu ní wawɛɛ nitsɛ. Kɛkɛ ɔ, e ma si ha nɔ ko nɛ gbo we nɔ́ ɔ he dengme ko kulaa nɛ e ba ye. Enɛ ɔ hu ji yaka dengme, kɛ yayami agbo.

Fiɛlɔ 4:8

Hyɛ kaa nɔ ko lɛ ngɛ. E be bi; e be nyɛmi ko; lɛ nɔ kake ngmelu pɛ lɛ ngɛ. Se daa nɛ ɔ, dengme nɔ kɛkɛ lɛ e ngɛ; e ní nɛ e na a pi ha lɛ. E bi we e he hyɛ ke dengme babauu nɛ e ngɛ gboe nɛ e yi e mi ngɔɔmi ko ɔ, mɛnɔ kulaa lɛ e ngɛ jamɛ a dengme ɔ gboe ha. Enɛ ɔ hu ji yaka nɔ ko; dengme gbomi gu nɛ bua jɔmi be mi.