La 39:6 - BAIBLO ALOO NGMAMI KLƆUKLƆU Ɔ

⁶ Ee, nɔmlɔ adesa ngɛ kaa nini; yaka dengme kɛkɛ lɛ e ngɛ gboe. E buaa níhi a nya, se e li nɔ nɛ ma ba ye.

La 39:6 ပူးပေါင်းရင်းမြစ်များ

Fiɛlɔ 2:26

Nihi nɛ peeɔ Mawu suɔmi nya ní ɔ, Mawu haa mɛ nile, ga, kɛ bua jɔmi. Se yayami peeli lɛɛ, e haa a tsuɔ ní, nɛ a buaa níhi a nya, konɛ e ngɔ ngɛ a dɛ kɛ ha ni nɛmɛ nɛ peeɔ lɛ, Mawu ɔ suɔmi nya ní. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Yakobo 4:14

Nyɛ ti ni nɛmɛ nɛ deɔ ja a, nyɛɛ bu tue. Anɛ nyɛ le hwɔɔ se je nami mi sane? Nyɛ ngɛ kaa afua nɛ woɔ be kpiti, kɛkɛ a nɛ́ lɛ hu.

1 Korintobi 7:31

nihi nɛ a kɛ je ɔ ngɛ bɔe ɔ, a pee a ní kaa nihi nɛ puɛ we a be ngɛ je ɔ mi. Ejakaa je ɔ, bɔ nɛ e ngɛ nɛ ɔ, e se be kɛe.

Fiɛlɔ 12:13

Nyagbe ɔ, nɔ́ nɛ ma de kɛkɛ ji kaa moo ye Mawu gbeye, nɛ o ye e mlaa amɛ a nɔ. Ní tsumi nɛ ngɛ kɛ ha nimli adesahi tsuo ji nɛ ɔ nɛ.

Fiɛlɔ 5:14

Tlukaa a, matahu ba poɔ mɛ, nɛ sika a tsuo hɛ mi kpataa. Kɛkɛ ɔ, nɔ́ ko pa píɛ nɛ a ma si ha a bimɛ.

1 Petro 5:7

Nyɛɛ ngɔ nyɛ haomi ɔmɛ tsuo ngɔ fɔ e nɔ; ejakaa lɛ nɛ e hyɛɛ nyɛ nɔ.

Luka 12:29

“Lɔ ɔ he ɔ, nyɛ ko hao nyɛ he kulaa; nyɛ ko di nɔ́ nɛ nyɛ maa ye, loo nɔ́ nɛ nyɛ maa nu se tsɔ.

Yesaya 55:2

Mɛni he je nyɛ puɛɔ sika kɛ heɔ nɔ nɛ be nyɛ tɔe? Mɛni he je nyɛ ngɔɔ nyɛ ní tsumi mi hiɔwo kɛ heɔ nɔ́ nɛ tɔɛ nɔ? Nyɛɛ bu mi tue saminya nɛ nyɛɛ pee nɔ nɛ i ngɛ dee ɔ; kɛkɛ nyɛ maa ye ní kpakpahi nɛ nyɛ bua maa jɔ nyɛ he.

Fiɛlɔ 12:8

Ye juɛmi deɔ mi ke wami nɛ ɔ, se nami ko be he; lɛ tsuo peeɔ yaka.

Fiɛlɔ 2:8

I bua sika hiɔ kɛ sika tsu nya, nɛ i tsu tó ngɛ matsɛmɛ a dɛ, kɛ ye nɔ yemi he ɔmɛ. Nyumuhi kɛ yihi babauu la kɛ jɔɔ ye bua, nɛ i ngɔ yihi babauu bɔ nɛ ma nyɛ.

Fiɛlɔ 1:14

Níhi tsuo nɛ a peeɔ ngɛ je nɛ ɔ mi ɔ, i na; nɛ i ngɛ dee ke lɛ tsuo yaka. E ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Abɛ Womi 13:22

Nɔmlɔ kpakpa siɔ gbosi ní kɛ haa e bibimɛ. Se yayami peeli a ní ɔ, dali lɛ a bua nya ha.

La 127:2

Yaka gu nyɛ teɔ si makɛ mla, nɛ gbɔkuɛ hu nyɛ ya hwɔ we si mla. Nyɛ gboɔ dengme loko nyɛ naa nɔ́ ko bɔɔ pɛ nyɛ yeɔ, se nɔ nɛ Mawu suɔ e sane ɔ, e haa e hwɔɔ mahe bɔ nɛ sa.

1 Petro 1:24

Ngmami ɔ ke, “Nimli adesahi tsuo ngɛ kaa nga; Nɛ a hɛ mi nyami ɔ tsuo ngɛ kaa nga mɔmɔ, Nga gbliɔ, nɛ mɔmɔ wɔleɔ,

Yakobo 5:3

Sika tsu, kɛ sika hiɔ babauu nɛ nyɛ bua nya a maa nɔ kana. Jamɛ a kana a maa ye odase kɛ si nyɛ, nɛ e ma kpe nyɛ he lo kaa nɔ́ nɛ a kɛ la sã. Nyɛ ngɛ juetli babanu buae kɛ ngɛ toe nyagbe be nɛ ɔ mi.

Abɛ Womi 27:24

ejakaa ní nami hí si kɛ yɛ neneene. Anɛ matsɛ yemi ko ngɛ nɛ be nyagbe lo?

Abɛ Womi 23:5

Hɛngmɛfia pɛ sika a ma nyɛ laa mo; e maa pee kɔɔhiɔ nɛ e maa laa tlukaa kaa kɔle tee kɛ yaa hiɔwe.

Hiob 7:7

Nyɛ kai kaa ye wami ngɛ kaa kɔɔhiɔ kɛkɛ; ye bua jɔmi ɔ se po.

Hiob 7:16

Je mi si himi pee we mi akɔnɔ hu; i be si hie kɛ maa ya neneene. Nyɛɛ ngmɛɛ ye he nɛ nyɛɛ ho; ye wami ɔ ngɛ kaa kɔɔhiɔ kɛkɛ.

Hiob 14:1

Nɔmlɔ adesa wami be ngɛ kpiti kɛkɛ, se e mi haomi hiɛ babauu.

La 89:48

Te nɔmlɔ nɛ ngɛ je mi, nɛ lɛɛ e be gboe? Mɛnɔ ma nyɛ ma je e he kɛ je gbenɔ dɛ mi?

La 144:4

Nɔmlɔ adesa ngɛ kaa mumu nɛ a woɔ ɔ; e ligbi ɔmɛ ngɛ kaa hɔ̃ nɛ bee kɛ yaa.

Fiɛlɔ 11:10

Lɔ ɔ he ɔ, nyɛ ko ye tsui, nɛ nyɛ ko hao; ejakaa jokuɛwi a si, kɛ nihe be ɔ tsuo yaka.

Luka 12:26

Ke nyɛ nyɛ we nɔ́ nyafii kaa kikɛ nɛ ɔ peemi ɔ, lɛɛ mɛni he je nyɛ haoɔ nyɛ he ngɛ ní kpa amɛ a he mɔ?