La 38:20 - BAIBLO ALOO NGMAMI KLƆUKLƆU Ɔ

²⁰ Nihi nɛ ngɔɔ yayami kɛ toɔ kpakpa nane mi ɔ, jamɛatsɛmɛ ɔmɛ ba pee ye he nyɛli; ejakaa imi lɛɛ i hlaa kaa ma pee nɔ́ nɛ da.

La 38:20 ပူးပေါင်းရင်းမြစ်များ

La 35:12

A peeɔ mi yayami kɛ toɔ kpakpa nane mi, nɛ a woɔ mi ka, konɛ a gbe mi.

1 Yohane 3:12

Wa ko pee kaa bɔ nɛ Kain pee ɔ; ejakaa Abosiami mumi ngɛ e mi, nɛ e gbe lɛ nitsɛ e nyɛmi Habel. Mɛni he je Kain gbe e nyɛmi ɔ? Ejakaa níhi nɛ e tsu ɔ, ní ɔmɛ dɛ, se e nyɛmi ɔ lɛɛ níhi nɛ e tsu ɔ da.

Yeremia 18:20

Anɛ e sa kaa a kɛ yayami nɛ to kpakpa nane mi lo? Se mɛɛ lɛɛ a tsua muɔ ha mi nɛ ma nɔ mi. Kai kaa i ba o ngɔ nɛ i ba tu a he munyu kpakpa ha mo, bɔ nɛ pee nɛ o kɛ mɛ ko ye ngɛ o mi mi fumi ɔ nya.

1 Petro 3:13

Ke nyɛ hɛ dɔɔ ngɛ nɔ́ kpakpa peemi he ɔ, mɛnɔ maa pee nyɛ yayami?

Yohane 10:32

Se Yesu de mɛ ke, “I pee ní kpakpahi babauu nɛ nyɛ na. Níhi nɛ i pee ɔ, Tsɛ ɔ nɛ tsɔɔ mi. Te nɔ́ nɛ he nɛ nyɛ ngɛ hlae nɛ nyɛɛ fia mi tɛ ɔ.”

Samuel I, 25:21

David de e he ke, “I tsu yaka ní pɛ kaa i bu nɔmlɔ nɛ ɔ níhi a he ha lɛ ngɛ nga a nɔ nɛ e nɔ́ ko nɔ́ ko laa we. Yayami mohu e kɛ to kpakpa nɛ i pee lɛ ɔ nane mi.

Samuel I, 25:16

A bu wa he nyɔ kɛ pia be tsuo nɛ waa kɛ mɛ hi si nɛ wa ngɛ to ɔmɛ hyɛe ɔ.

Samuel I, 23:12

David kpale bi lɛ ke, “Anɛ Keila bi ɔmɛ maa ngɔ imi, kɛ ye we bi ɔmɛ kɛ wo Saul dɛ mi lo?” Yawɛ he nɔ ke, “Ee, a maa pee ja.”

Samuel I, 23:5

Kɛkɛ nɛ David kɛ e we bi ɔmɛ pue nɔ kɛ ho Keila ya, nɛ a ya tua Filisti bi ɔmɛ. A gbe Filisti bi ɔmɛ a ti nihi babauu nitsɛ, nɛ a nuu a nahi hu kɛ je. Bɔ nɛ David pee kɛ he Keila bi ɔmɛ a yi wami ji nɛ ɔ nɛ.

Mateo 5:10

“A gbaa ni nɛmɛ nɛ peeɔ nɔ́ nɛ da, nɛ a waa mɛ yi mi ngɛ lɔ ɔ he, ejakaa a nɔ́ ji hiɔwe matsɛ yemi ɔ nɛ.

La 25:19

Hyɛ ye he nyɛli a hiɛmi babauu! Hyɛ kaa a ngɛ mi nyɛe kadikadi.

La 35:19

Ko ha nɛ ye he nyɛli lakpatsɛmɛ ɔmɛ nɛ a nya. Nihi nɛ nyɛɔ mi yaka gu ɔ, ko ha nɛ a kpɛ mi.

La 142:7

Ye yi fi; ejakaa a he wa pe mi. Je mi, konɛ ma na mo si ngɛ nihi nɛ peeɔ nɔ́ nɛ da a hɛ mi; ejakaa kpakpa nitsɛnitsɛ o maa pee mi ɔ nɛ.