La 38:12 - BAIBLO ALOO NGMAMI KLƆUKLƆU Ɔ

¹² Nihi nɛ ngɛ mi hlae nɛ a gbe ɔ tsɔɔ mi klama. Ni nɛmɛ nɛ hlaa kaa a ye mi awi ɔ, daa nɛ ɔ, a ngɛ lakpa yee, nɛ a ngɛ ye he guɛ gbee kɛ ngɛ nyɛɛe.

La 38:12 ပူးပေါင်းရင်းမြစ်များ

La 35:20

A tu we he jɔmi munyu gblegbleegble. Nɔ́ nɛ a peeɔ ji nihi nɛ suɔ tue mi jɔmi ɔ, lakpa sɔuu a yeɔ ngɛ a he.

La 140:5

He nɔ woli tsɔ klamahi ngɛ blɔ ɔmɛ a tue. A tsɔ mi klama, konɛ a du mi.

La 141:9

Je mi kɛ je klama nɛ he nyɛli tsɔ mi ɔ mi. Je mi kɛ je yayami peeli a klama mi.

La 35:4

Nihi nɛ ngɛ hlae nɛ a gbe mi ɔ, ha nɛ zo nɛ gbe mɛ, nɛ a yi mi tomi ɔ nɛ bɔ mɛ. Ni nɛmɛ nɛ ngɛ ye yi nɔ soe ɔ, ha nɛ basabasa nɛ sɛ a kpɛti, nɛ a kpale a se.

La 119:110

Yiwutsotsɛmɛ tsɔɔ mi klama mohu, se i tɔ̃ we o mlaa amɛ a nɔ.

La 54:3

Ejakaa ma je li ma mi tuami. Yiwutsotsɛmɛ ngɛ hlae nɛ a kpata ye hɛ mi; mɛɛ lɛɛ pi a he sane ko ji mo Mawu.

La 10:9

E buɔ si ngɛ e laami he ɔ kaa jata ngɛ e muɔ mi. E woɔ ka nɛ e nuu nihi nɛ a ní ngɛ mɔbɔ. Ke e nine su a nɔ kɛkɛ e gbla mɛ kɛ ho.

Hiob 19:13

Mawu ha nɛ ye nyɛmimɛ kua mi; i plɛ pee nubwɔ ngɛ nihi nɛ i le mɛ ɔ a kpɛti.

La 31:12

Nɔ tsuaa nɔ hɛ je ye nɔ; nɔ ko nɔ ko kaii we mi hu. I pee kaa nɔ nɛ gbo, aloo buɛ nɛ ywia.

La 41:5

Ye he nyɛli ɔmɛ tuɔ ye he munyu yaya. A deɔ ke, “Mɛni be po e ma gbo nɛ e biɛ maa laa?”

La 69:9

Ejakaa ye hɛ dɔ wawɛɛ ngɛ o we ɔ he; nɛ ahlua nɛ ni ɔmɛ ngɛ mo bɔe ɔ ba pue ye nɔ.

La 88:9

Aywilɛho sɔuu ha nɛ ye hɛngmɛ nɔ ha. Yawɛ, i tsɛɔ mo daa nɛ; i woɔ ye nine nɔ, nɛ i faa kue kɛ haa mo daa.

Abɛ Womi 19:7

Ohiatsɛ lɛɛ e nyɛmimɛ tete po sume lɛ, lɔ ɔ he ɔ, e be nyakpɛ kaa e huɛmɛ tsɛ̃ɔ a he kɛ jeɔ e he. Ke e hla a se blɔ kaa mɛni po, e nine sui a nɔ.