La 38:1 - BAIBLO ALOO NGMAMI KLƆUKLƆU Ɔ

¹ Yawɛ, koo ngɔ abofu kɛ ka ye hɛ mi! Koo gbla ye tue kɛ mi mi fumi.

La 38:1 ပူးပေါင်းရင်းမြစ်များ

La 6:1

Yawɛ, koo ngɔ abofu kɛ ka ye hɛ mi; koo ngɔ mi mi la kɛ gbla ye tue.

Yesaya 54:8

Ye mi mi fu mo wawɛɛ. Kɛkɛ nɛ i je hɛ ngɛ o he be kuku, se jehanɛ lɛɛ ma je ye suɔmi kpo kɛ tsɔɔ mo kɛ maa ya neneene.” Imi Yawɛ yi wami helɔ ɔ, nɛ i de.

Yeremia 30:11

Ma ba nyɛ ngɔ nɛ ma ba kpɔ nyɛ. Je ma amɛ nɛ i fie nyɛ kɛ ya a ngɔ ɔ, ma kpata mɛ tsuo a hɛ mi pɛsɛpɛsɛ; se nyɛɛ lɛɛ i be nyɛ hɛ mi kpatae kɛ pi si. I be hae nɛ nyɛɛ ye nyɛ he kulaa; se kɛ̃ ɔ, ma gbla nyɛ tue bɔ nɛ sa. Imi, Yawɛ lɛ i de.”

La 70:1

Mawu, mo he ye yi wami koo! Yawɛ, ba piɛ ye he esɔ!

Yeremia 10:24

Yawɛ, mo ka o ma a hɛ mi; ka wa hɛ mi bɔ pɛ nɛ sa kɛkɛ. Koo ngɔ abofu kɛ gbla wa tue; ke o pee ja a, wa hɛ mi ma kpata.

Habakuk 3:2

“Yawɛ lee, i nu nɔ́ nɛ o pee ɔ he, nɛ e ha nɛ i ye mo gbeye. Ní nguanguahi nɛ o tsu blema a, mo tsu ekohu wa yi nɔ nɛ ɔ. Ke o mi mi fu po, moo na mɔbɔ.

Yesaya 27:8

Tue gblami nɛ Yawɛ ha e ma a ji, e ha a nuu mɛ kɛ ho ma se ya. E ha beleku kɔɔhiɔ nɛ nya wa ko ba muɔ mɛ kɛ ho.

La 88:7

O we abofu ɔ nya wa tsɔ ha mi; e ngɛ kaa oslɔke nɛ ngɛ kue kɛ ngɛ ye nɔ puee kpamisa.

Mose V, 9:19

I ye Yawɛ mi mi la a gbeye, ejakaa e gli wawɛɛ nitsɛ, nɛ e ko kpata nyɛ hɛ mi. Se Yawɛ bu mi tue ekohu.