La 37:8 - BAIBLO ALOO NGMAMI KLƆUKLƆU Ɔ

⁸ O mi mi ko fu hu; koo ye o tsui hu. Ní nɛ ɔmɛ haa nɛ nɔ peeɔ yayami.

La 37:8 ပူးပေါင်းရင်းမြစ်များ

Matsɛmɛ I, 11:22

Farao ɔ bi lɛ ke, “Mɛni he je o ngɛ hlae nɛ o kpale kɛ ya mo nitsɛ o ma mi ɔ? Mɛni ngɛ mo hiae?” Hadad he nɔ ke, “Oo, nɔ́ ko hia we mi; ha nɛ ma ya kɛkɛ.”

Hiob 18:4

Nɛ o ngɔ abofu kɛ ngɛ mo nitsɛ o he tsɔtslɔɔe ɔ nɛɛ! Ke o mi mi fu ɔ, enɛ ɔ tsɔɔ kaa nihi nɛ a je je ɔ mi lo? Aloo o ngɛ hlae nɛ a hia tɛ sahi kɛ je a blɔ hehi lo?

Hiob 5:2

Niinɛ, mi mi la gbeɔ kuasia. Nɔ nɛ hɛ mi tɛ̃ ɔ, hunga gbeɔ lɛ.

La 116:11

Benɛ ye tsui po hu i de ke, “E sɛ kaa a ngɔɔ hɛ kɛ fɔɔ nɔmlɔ adesa ko kulaa nɔ.”

La 31:22

Ye tsui po, nɛ i susu kaa e je e juɛmi kɛ je ye nɔ. Se benɛ i fa kue ha lɛ ɔ, e bu mi tue.

La 73:15

Se ke i de nɔ́ ko kaa kikɛ nɛ ɔ, lɛɛ i tɔ, nɛ i pee we ye ní kaa o ma mi no.

Abɛ Womi 14:29

Nɔ nɛ mi mi fu we mla a, ní lelɔ agbo ji lɛ. Nɔ nɛ be tsui ɔ, e jeɔ kuasia.

Abɛ Womi 16:32

Nɔ nɛ mi mi fu we mla a, e hi pe katsɛ; nɔ nɛ yeɔ e he nɔ ɔ, e hi pe tatsɛ nɛ ya ye ma ko nɔ kunimi.

Yona 4:1

Se nɔ́ nɛ ɔ ngɔɛ Yona nya kulaa, nɛ e muklii mi fu wawɛɛ nitsɛ.

Yona 4:9

Se Mawu bi Yona ke, “E da ha mo kaa o mi mi fuɔ tso nɛ ɔ lo?” Yona he nɔ ke, “I ngɛ he blɔ kaa ye mi mi fuɔ kɛ ya siɔ gbenɔ mi po.”

Efesobi 4:26

Ke e ba mi kaa nyɛ ti nɔ ko mi mi fu e nyɛmi ɔ, e ko ngmɛ blɔ nɛ lɔ ɔ nɛ ha nɛ e pee yayami. E bɔ mɔde nɛ e tsui he nɛ jɔ loko pu nɛ nɔ si.

Efesobi 4:31

Nyɛ ha nɛ mi mi doomi, hɛdɔ, mi mi la, kɛ muklii mi fumi se nɛ po ngɛ nyɛ kpɛti. Nyɛɛ ngmɛɛ pɛ, kɛ nɔ jɛmi basabasa, kɛ ninyɛ tsuo he.

Kolosebi 3:8

Se jehanɛ ɔ lɛɛ nyɛ kpa ní nɛ ɔmɛ tsuo: mi mi la, mimi fumi, kɛ yi wu tso ní peemi. Nyɛ ko gbe nɔ he guɛ, nɛ munyu yaya ko kó je nyɛ nya.