La 37:6 - BAIBLO ALOO NGMAMI KLƆUKLƆU Ɔ

⁶ E maa ye dami sane ha mo; e maa wo mo nguɔ. Nɔ́ nɛ ɔ maa je kpo paa kaa pu la, nɛ nihi tsuo maa na.

La 37:6 ပူးပေါင်းရင်းမြစ်များ

Yesaya 54:17

Se ta hwumi níhi nɛ a sɔ̃ nɛ ɔmɛ ekoeko be nyɛe maa pee mo nɔ́ ko; jehanɛ hu, nɔ tsuaa nɔ nɛ kɛ mo ma na sane ɔ, a maa bu lɛ fɔ. Ma bu ye tsɔli ɔmɛ a he, nɛ ma ha a maa ye kunimi.” Yawɛ lɛ de.

Hiob 11:17

O wami he ma tsɔ heii pe piani; diblii be po maa hi kaa mɔtu.

Yesaya 58:8

“Kɛkɛ ɔ, ye dloomi ɔ maa ba nyɛ nɔ kaa mɔtu pu la nɛ haa je mi tsɔɔ, nɛ nyɛ pa amɛ ma gbo mla. I kɛ nyɛ maa hi si be tsuaa be, konɛ ma he nyɛ yi wami. Ke nyɛ pee nɔ́ nɛ da a, lɔ ɔ maa je blɔ kpakpa ha nyɛ, nɛ ye hɛ mi nyami ɔ maa nyɛɛ nyɛ se, nɛ nyɛ maa ye manye.

Mateo 13:43

Se Mawu ma a lɛɛ, a ma kpɛ kaa pu ngɛ a Tsɛ ɔ hiɔwe matsɛ yemi ɔ mi. Nɔ nɛ ngɛ tue ɔ, e nu!

Yesaya 58:10

jehanɛ, ke hwɔ ngɛ nɔ ko yee, nɛ nyɛ ha lɛ ní, loo nɔ́ ko hia nɔ ko, nɛ nyɛ ha lɛ ɔ, lɛɛ diblii kpii nɛ bɔle nyɛ ɔ ma plɛ pee la nɛ ngɛ kpɛe hleii kaa piani.

La 31:20

O ngɔɔ mɛ kɛ laa ngɛ o laami he ɔ, konɛ nihi kó nyɛ nɛ a so a yi nɔ. O ngɔɔ mɛ kɛ toɔ o laami he ɔ, konɛ nihi kó na a he blɔ nɛ a fia mɛ lilɛ.

1 Korintobi 4:5

Lɔ ɔ he ɔ, nyɛ ko kojo nɔ ko loko be ɔ nɛ su. Nyɛɛ mlɛ kɛ yaa si Nyɔmtsɛ ɔ maa ba. Ke e ba a, e ma je diblii mi níhi, kɛ tsui mi ní yayahi nɛ a kɛ laa a tsuo kpo. Jamɛ a be ɔ, nɔ tsuaa nɔ ma na yi jemi nɛ sa lɛ ɔ kɛ je Mawu dɛ mi.

Malaki 3:18

Jamɛ a be ɔ mi ɔ, ye ma a maa na slɔɔto nɛ ngɛ dalɔ kɛ yayami peelɔ a kpɛti; nyɛ maa na slɔɔto nɛ ngɛ nɔmlɔ nɛ sɔmɔɔ mi, kɛ nɔ nɛ sɔmɔ we mi ɔ a kpɛti.” Yawɛ Tabohiatsɛ ɔ lɛ de.

Yeremia 51:10

Yawɛ ke, “Ye ma, nyɛ he ose, nɛ nyɛ de ke, ‘Yawɛ wo wɔ nguɔ! Nyɛ ha nɛ waa ya Yerusalem, nɛ wa ya bɔ ma a nɔ́ nɛ Yawɛ, wa Mawu ɔ pee.’ ”