La 37:4 - BAIBLO ALOO NGMAMI KLƆUKLƆU Ɔ

⁴ Mo na Yawɛ he bua jɔmi, nɛ e ma ha mo níhi nɛ o tsui suɔ.

La 37:4 ပူးပေါင်းရင်းမြစ်များ

Yohane 15:7

Ke nyɛ mɛtɛ ye he, nɛ nyɛ he ye munyu ɔmɛ ye ɔ, nɔ́ tsuaa nɔ́ nɛ nyɛ suɔ ɔ, ke nyɛ bi ɔ, a ma ha nyɛ.

La 145:19

Nihi nɛ yee lɛ gbeye ɔ, e peeɔ a hiami ní kɛ haa mɛ. E buu a kue fami ɔmɛ hu tue, nɛ e heɔ a yi wami.

Yesaya 58:14

lɛɛ bua jɔmi nɛ a naa ngɛ imi Yawɛ ye sɔmɔmi mi ɔ, nyɛ ma na. Ma ha je ɔ tsuo maa wo nyɛ hɛ mi nyami, nɛ zugba a nɛ i ngɔ ha nyɛ nɛ̃, Yakob ɔ, ma ha nyɛ maa ye e mi ní kpakpa amɛ. Imi, Yawɛ lɛ i de.”

Yohane 15:16

Pi nyɛ nɛ nyɛ hla mi. Imi mohu nɛ i hla nyɛ nɛ i tsɔ nyɛ, konɛ nyɛ ya wo yiblii nɛ maa hi si daa. Kɛkɛ ɔ, nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, Tsɛ ɔ ma ha nyɛ.

Hiob 22:26

Ngɔɔ o hɛ kɛ fɔ Mawu Ope ɔ nɔ daa, nɛ o maa na kaa e ma ha mo bua jɔmi.

1 Petro 1:8

Nyɛ nɛ́ lɛ hyɛ, se nyɛ suɔ lɛ; amlɔ nɛ ɔ hu nyɛ nɛ́ lɛ, se nyɛ heɔ lɛ yeɔ, nɛ nyɛ naa bua jɔmi nɛ nyɛ nyaa bɔ nɛ e be hie kalemi,

La 104:34

Susumi kpakpa nɛ i ngɛ ngɛ e he ɔ, i na nɛ lɛ tsuo sa e hɛ mi, ejakaa lɛ ji nɔ nɛ haa mi bua jɔmi.

Hiob 27:10

Anɛ e náá Ope ɔ he bua jɔmi lo? Anɛ e faa kue kɛ haa lɛ daa lo?

La 43:4

Kɛkɛ ɔ, ma ya su o bɔ sami la tɛ ɔ he, ngɛ mo Mawu, ye bua wolɔ nitsɛnitsɛ ɔ o ngɔ. Ma fia kpa saku kɛ je o yi, mo Mawu, ye Mawu.

Lahi 2:3

Ke a ngɔ ye suɔlɔ ɔ ngɔ to nyumu kpa amɛ a he ɔ, e ngɛ kaa tso nɛ yiblii ngɔɔ saminya ngɛ pú mi tsohi a kpɛti. I suɔ nɛ ma hi e hɔ̃ ɔ mi; e yiblii ɔ ngɔɔ ye nya.

Hiob 34:9

E deɔ ke e he be se nami kaa nɔ ko nɛ pee Mawu suɔmi nya ní.

Abɛ Womi 10:24

Nɔ́ nɛ yayami peelɔ ngɛ gbeye yee ɔ, lɔ ɔ ji nɔ́ nɛ maa ba e nɔ. Nɔ nɛ peeɔ kpakpa lɛɛ nɔ́ nɛ e ngɛ hlae ɔ, lɔ ɔ a ma ha lɛ.