La 37:32 - BAIBLO ALOO NGMAMI KLƆUKLƆU Ɔ

³² Yayami peelɔ hii nɔmlɔ kpakpa dae, nɛ e hlaa kaa e maa gbe lɛ.

La 37:32 ပူးပေါင်းရင်းမြစ်များ

Ni Tsumi 9:24

Se Saulo nu a somi ɔ he. Daa nyɔ kɛ pia a, nihi ngɛ ma agbo ɔmɛ a nya bue, konɛ a gbe lɛ.

Luka 20:20

Lɔ ɔ he ɔ, a bɔni lɛ huɔmi. A ha ni komɛ sika, nɛ a tsɔ mɛ Yesu ngɔ. A bua pee a he kaa nihi nɛ ma lɛ munyu kɛkɛ bimi; se a juɛmi ji a yaa wo e nya tso kpɛ. Kɛkɛ ɔ, a maa ngɔ lɛ ngɔ ha Roma nikɔtɔma amɛ, konɛ a kojo lɛ, nɛ a gbe lɛ.

Luka 14:1

Hejɔɔmi ligbi ko ɔ, Yesu ya ye ní ngɛ Farisi bi ɔmɛ a nikɔtɔma amɛ a ti nɔ kake we mi, nɛ nihi huɔ Yesu kaa a maa na nɔ́ ko ngɛ e he lo.

Luka 11:54

kɛ lɛ dami. A hlaa kaa a wo e nya tso kpɛ, konɛ e de nɔ́ ko nɛ sɛ́, nɛ a kɛ po e nya.

Luka 6:7

Mlaa tsɔɔli komɛ, kɛ Farisi bi komɛ huɔ Yesu kaa e ma tsa nɔ Hejɔɔmi ligbi ɔ, konɛ a na nɔ́ ko nɛ a da nɔ kɛ ya po e nya.

Yeremia 20:10

I nuɔ nɛ nihi babauu tuɔ munyu ngɛ a kuɔ si, nɛ a kɛ woɔ ye he gbeye. A deɔ ke, “Nyɛ ha nɛ wa ya po e nya ha nɔ yeli ɔmɛ!” Ye huɛmɛ kpakpahi tete po hii blɔ hyɛe kaa ye nane ma kpata lo. A deɔ ke, “Alini e maa du klama, kɛkɛ ɔ, wa nine maa su e nɔ nɛ wa maa ye wa he lue.”

La 37:12

Yayami peelɔ soɔ kpakpa peelɔ yi nɔ; e hyɛɛ lɛ too kɛ ninyɛ hɛngmɛ.

Mose I, 39:16

Yo ɔ ngɔ Yosef tade ɔ ngɔ to kɛ ya si Yosef nyɔmtsɛ ɔ ba we ɔ mi.

Samuel I, 19:10

Saul ka kaa e maa hɛ David akplɔ ɔ kɛ wo gbogbo ɔ he, se David yu e he nɛ akplɔ ɔ ya pi gbogbo ɔ. Nɛ David tu fo kɛ je.

Samuel I, 23:14

David ya laa e he ngɛ tɛ puɔhi a mi ngɛ yoku ko nɔ, ngɛ Zif nga a nɔ. Daa ligbi ɔ, Saul hlaa David he blɔ; se Mawu je we lɛ ngɔ wui e dɛ mi.

Matsɛmɛ II, 6:13

Matsɛ ɔ fa ke, “Nyɛɛ ya nɛ nyɛ ya hla e hi he, konɛ ma tsɔ nɛ a ya nu lɛ kɛ ba!” Benɛ a ba bɔ lɛ amaniɛ kaa Elisha ngɛ Dotan ɔ,

La 56:7

Mawu, ngɔɔ o mi mi la kɛ gbla kikɛmɛ a nimli nɛ ɔmɛ a tue ngɛ a yi wu tso ní ɔmɛ a he!

Abɛ Womi 24:15

Koo pee o ní kaa yiwutsotsɛmɛ nɛ woɔ nimli kpakpahi ka nɛ a ngɔɔ a níhi, aloo a kpɔɔ a wehi ngɛ a dɛ pani nya.

Yeremia 11:19

I pee kaa jijɔ nɛ he jɔ, nɛ a kɛ lɛ yaa nɛ a ya gbe, nɛ i li kaa a ngɛ ye he ga yayami ko toe. Nɔ́ nɛ a ngɛ dee ji, “Nyɛ ha nɛ waa po tso ɔ kɛ e yiblii ɔ tsuo ngɔ fɔ he; nyɛ ha nɛ waa gbe lɛ, konɛ nɔ ko nɛ ko kai lɛ hu.”

Yeremia 18:23

Se mo Yawɛ! Gahi tsuo nɛ a ngɛ toe kɛ ngɛ ye he woe konɛ a kɛ gbe mi ɔ, o le. Koo ngɔ a he kɛ ke mɛ, nɛ ko je o hɛ ngɛ a ní yayami ɔmɛ a he. Ha nɛ a nɔɔ si ngɛ o hɛ mi, nɛ o kɛ mɛ nɛ ye, be mi nɛ o mi mi fu.”

Daniel 6:5

A de a he ke, “Wa be nɔ́ kpa ko nae nɛ wa maa da nɔ kɛ po Daniel nya, ja nɔ́ ko nɛ kɔɔ e Mawu jami he pɛ.”