La 37:30 - BAIBLO ALOO NGMAMI KLƆUKLƆU Ɔ

³⁰ Dalɔ nya mi munyu ɔ, nile sɔuu; daa nɛ ɔ, e suɔ kaa a ye dami sane.

La 37:30 ပူးပေါင်းရင်းမြစ်များ

Kolosebi 4:6

Ke nyɛɛ kɛ nihi ngɛ ní sɛɛe ɔ, nyɛ ha nɛ munyu nɛ maa je nyɛ nya a nɛ ngɔ kaa nɔ́ ko nɛ a wo lɛ ngo, nɛ nyɛɛ le bɔ nɛ nyɛ ma ha nɔ tsuaa nɔ munyu heto bɔ nɛ sa.

Efesobi 4:29

Munyu nɛ maa je nyɛ ti nɔ ko nya a, e ko pee nɔ́ nɛ ma puɛ nɔ, se mohu nɔ́ nɛ hi, nɛ e he hia, nɛ nɔ́ kpakpa ko maa je mi kɛ wo nɔ he wami. Kɛkɛ ɔ, e maa pee dloomi kɛ ha nihi nɛ ngɛ nyɛ tue bue ɔ.

Abɛ Womi 15:7

Ní leli a nya lɛ gbɛɔ nile kɛ fĩaa; pi kuasiahi a juɛmi.

Mateo 12:35

Nɔmlɔ kpakpa jeɔ ní kpakpahi kɛ jeɔ e juetli kpakpahi a mi; nɔmlɔ yayami hu jeɔ ní yayahi kɛ jeɔ e juetli yayahi a mi.

Abɛ Womi 10:21

Nimli kpakpahi a nya mi munyu he baa se nami ha nihi babauu. Kuasiahi lɛɛ a hɛ mi kpataa, ejakaa a be juɛmi.

Abɛ Womi 10:31

Nihi nɛ peeɔ nɔ́ nɛ da a, a tuɔ juɛmi munyu. Se lilɛ nɛ yeɔ lakpa a, a maa po lɛ kɛ fɔ he.

La 71:15

Ligbi mluku ɔ tsuo ma wo o ta kaa o yeɔ dami sane; ma de daa ke yi wami helɔ ji mo. Pohu níhi nɛ o peeɔ ɔ hiɛ babauu pe bɔ nɛ ye juɛmi maa su he hulɔ.

Abɛ Womi 27:9

Ke haomi ba nɔ nɔ nɛ e ná bua wolɔ ɔ, e ngɛ kaa nu je via nɛ e kpa; nɛ e naa bua jɔmi.

La 71:24

Ma ye odase daa ke o yeɔ dami sane. Ejakaa nihi nɛ hlaa kaa a maa gbe mi ɔ, zo gbe mɛ, nɛ ahlua hu bɔ mɛ.

Abɛ Womi 10:20

Nɔmlɔ kpakpa nya mi munyu he jua wa kaa sika hiɔ ngmingmiingmi; se yiwutsotsɛ juɛmi lɛɛ nɔ́ ko nɔ́ ko be mi.