La 37:3 - BAIBLO ALOO NGMAMI KLƆUKLƆU Ɔ

³ Ngɔɔ o hɛ ngɔ fɔ Yawɛ nɔ nɛ o pee kpakpa, konɛ o hi zugba a nɔ ngɛ he jɔmi mi.

La 37:3 ပူးပေါင်းရင်းမြစ်များ

Mose I, 26:2

Yawɛ je e he kpo kɛ tsɔɔ Isak, nɛ e de lɛ ke, “Koo ya Egipt, hii si ngɛ zugba a nɛ ma tsɔɔ mo ɔ nɔ.

Mose I, 26:3

Hii si ngɛ hiɛ ɔ; i kɛ mo maa hi si, nɛ ma gbaa mo. Ma ngɔ zugba nɛ ɔ tsuo kɛ ha mo, kɛ o nina; nɛ si nɛ i wo o tsɛ Abraham ɔ, ma ye nɔ.

Matsɛmɛ I, 19:6

Benɛ e hyɛ e he kɛ be ɔ, e na abolo, kɛ kplu kɛ e mi nyu nɛ maa si ngɛ e yi tetle mi. E ye ní, nɛ e nu nyu, nɛ e hwɔ si ekohu.

La 26:1

Yawɛ, wo mi nguɔ, ejakaa i peeɔ nɔ́ nɛ da; i ngɔ ye hɛ kɛ fɔ o nɔ kulaa.

La 33:19

E jeɔ mɛ kɛ jeɔ gbenɔ mi; e haa a yi naa wami ngɛ hwɔ be mi.

La 4:5

Nyɛɛ sã bɔ nɛ sa ha Yawɛ; nyɛɛ ngɔ nyɛ hɛ kɛ fɔ e nɔ.

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

Abɛ Womi 3:5

Ngɔɔ o hɛ ngɔ fɔ Yawɛ nɔ kulaa. Koo ngɔ o hɛ ngɔ fɔ nɔ́ nɛ moo o susu kaa o le ɔ nɔ.

Yesaya 40:11

E maa lɛ e to kuu ɔ kaa to hyɛlɔ kpakpa; e ma bua e to bi ɔmɛ a nya, nɛ e maa hɛɛ mɛ ngɛ e bɔkɔ mi; to nyɛ ɔmɛ hu e ma tsɔ̃ mɛ blɛuu.

Yesaya 50:10

Nyɛ ti mɛnɔ yeɔ Yawɛ gbeye, nɛ e buɔ e tsɔlɔ ɔ gbi tue? E tsɔlɔ nɛ ɔ, ke e nyɛɛ ngɛ diblii kpii mi po, e ngɔɔ e hɛ ngɔ fɔɔ Yawɛ nɔ, nɛ e ngɔɔ e he kɛ kpasaa e Mawu ɔ.

Luka 22:35

Enɛ ɔ se ɔ, Yesu bi e kaseli ɔmɛ ke, “Be ko benɛ i tsɔ nyɛ, nɛ nyɛɛ hɛɛ we sika kpɛɛ, loo kotoku, loo tokota a, anɛ nɔ́ ko hia nyɛ lo?” A he nɔ ke, “Nɔ́ ko nɔ́ ko hia we wɔ.”

Mose V, 30:20

Nyɛɛ suɔ Yawɛ, nyɛ Mawu ɔ; nyɛɛ bu lɛ tue, nɛ nyɛ pee e suɔmi nya ní pɛpɛɛpɛ. Ke nyɛ pee ja a, zugba a nɛ e wo nyɛ nɛmɛ Abraham, Isak, kɛ Yakob si ke e kɛ ma ha mɛ ɔ, nyɛɛ kɛ nyɛ nina maa hi nɔ.”

Samuel I, 26:19

Ye nyɔmtsɛ, moo bu nɔ́ nɛ o tsɔlɔ ma de mo nɛ ɔ tue. Ke Yawɛ lɛ pee loko o ngɛ ye se blɔ hlae ɔ, lɛɛ e ngmɛ mi blɔ nɛ ma sã bɔ kɛ kpata lɛ. Se ke nimli adesahi a ní tsumi ɔ, lɛɛ Yawɛ nɛ e gbiɛ mɛ; ejakaa mwɔnɛ ligbi nɛ ɔ, a fie mi kɛ je Yawɛ zugba a nɔ kɛ ho ma kpa nɔ ya nɛ ma ya ja mawu kpahi ngɛ lejɛ ɔ.