La 37:23 - BAIBLO ALOO NGMAMI KLƆUKLƆU Ɔ

²³ Yawɛ lɛ tsɔɔ nɔ blɔ nɛ sa nɛ e nyɛɛ nɔ. Nɛ ke o pee saminya a, e naa o he bua jɔmi.

La 37:23 ပူးပေါင်းရင်းမြစ်များ

Abɛ Womi 16:9

Nɔmlɔ adesa toɔ ga ngɛ e yi mi, se Mawu ji nɔ nɛ tsɔɔ lɛ nɔ́ nɛ sa kaa e pee.

La 119:133

Moo ye o siwo ɔ nɔ; ko ha nɛ ma nɔ si; ko ha nɛ yayami nɛ ye ye nɔ.

Abɛ Womi 4:26

Ke o maa pee nɔ́ ko ɔ, susu he saminya. Ja o pee ja loko o blɔhi maa da mo.

La 40:2

E gbla mi kɛ je muɔ nɛ mi ngɛ gbeye ɔ mi; e je mi kɛ je mɔsɔ nɛ mi ti ɔ mi. E ngɔ mi kɛ ma tɛ sa nɔ, nɛ e ha nɛ ye nane ma si ekohu.

La 121:8

Ke o je kpo jio; o kpale kɛ ma we mi jio, Yawɛ maa bu o he. E maa bu o he kɛ je be nɛ ɔ mi kɛ maa ya neneene.

Samuel I, 2:9

“E baa ni nɛmɛ nɛ yeɔ lɛ anɔkuale ɔ a yi. Se yayami peeli lɛɛ a hɛ mi kpataa ngɛ diblii mi; tsa pi adesa nitsɛ he wami nya nɛ e yeɔ manye.

La 85:13

Dami maa nyɛɛ Yawɛ hɛ mi, nɛ e ma dla blɔ ngɔ to lɛ.

Yeremia 10:23

Yawɛ, i le kaa nɔmlɔ adesa ko be he wami ngɛ lɛ nitsɛ e wami nɔ. Pi nɔmlɔ adesa nitsɛ he wami nya ji kaa e maa pee kikɛ nɛ ɔ, loo kikɛ nɛ ɔ.

La 121:3

E be hae nɛ o sane kɛ nɔ si. O he bulɔ ɔ, e de we kɔnɔɛ gblegbleegble.

La 17:5

O blɔ ɔ nɔ lɛ i nyɛɛɔ daa; i sane we kɛ ji nɔ hyɛ gblegbleegble.

Yeremia 9:24

Ke nɔ ko suɔ kaa e maa fĩa a, e fĩa kaa e le mi saminya; ejakaa ye suɔmi ɔ se pui gblegbleegble; i peeɔ nɔ́ nɛ da, nɛ i yeɔ dami sane. Ní nɛ ɔmɛ ji níhi nɛ saa ye hɛ mi. Imi, Yawɛ lɛ i de.”

La 119:5

I na nɛ i nyɛ ye o mlaa amɛ a nɔ sisiisi.

Abɛ Womi 11:1

Susumi ní yayahi nɛ a kɛ sisiɔ nɔ ɔ, Yawɛ sume. Nɔ́ nɛ e suɔ ji nɔ́ susumi ní kpakpahi.

Hebribi 13:16

Nyɛ hɛ ko je kpakpa peemi nɔ; nɛ nyɛɛ kɛ nyɛ sibi nɛ dla níhi nɛ nyɛ ngɛ ɔ. Ejakaa jamɛ a bɔ ɔmɛ saa Mawu hɛ mi saminya.

Abɛ Womi 11:20

Nihi nɛ a juɛmi mi hyi tɔ kɛ yayami ɔ, Yawɛ sume mɛ saasaa; nihi nɛ e suɔ ji ni nɛmɛ nɛ peeɔ nɔ́ nɛ da.

Samuel I, 29:10

Lɔ ɔ he ɔ, David, hwɔɔ mɔtu ɔ, o kɛ Saul tsɔli ɔmɛ tsuo nɛ piɛ o he ɔ maa te si mla; nɛ benɛ je mi ke e tsɔɔ ɔ, kɛkɛ nyɛ je hiɛ ɔ.”

La 40:3

E tsɔɔ mi la he nɛ ma la kɛ je wa Mawu ɔ yi. Nihi babauu maa na nɔ́ nɛ ɔ; a maa ye gbeye, nɛ a maa ngɔ a hɛ kɛ fɔ Yawɛ nɔ.