La 37:16 - BAIBLO ALOO NGMAMI KLƆUKLƆU Ɔ

¹⁶ Nɔ́ ko bɔbɔyoo nɛ ngɛ dalɔ dɛ ɔ hi pe yayami peeli babauu a ní nɛ a na.

La 37:16 ပူးပေါင်းရင်းမြစ်များ

Abɛ Womi 16:8

E hi kaa o maa ye anɔkuale nɛ o nine nɛ su nɔ́ bɔbɔyoo nɔ, pe kaa o maa ye amimi kɛ na ní babauu.

1 Timoteo 6:6

Se niinɛ, ní nami agbo ji Mawu jami, ke nɔ ko bua jɔ e níhi a he ɔ.

Abɛ Womi 13:25

Nihi nɛ peeɔ nɔ́ nɛ da a, a yeɔ ní nɛ a tɔɔ. Se yayami peeli lɛɛ mi mi hwɔ yeɔ mɛ.

Abɛ Womi 3:33

Yawɛ gbiɛmi ngɛ yiwutsotsɛmɛ a wehi a nɔ, se nihi nɛ peeɔ nɔ́ nɛ da a, mɛɛ a hi he ɔ, gbaami sɔuu.

Mateo 6:11

Ha wɔ mwɔnɛ ɔ wa daa nya ngma;

Fiɛlɔ 4:6

Se afani nɔ́ ko bɔbɔyoo nɛ tue mi jɔmi ngɛ he pe nɛ o kɛ o nine enyɔ ma gbo yaka dengme kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Fiɛlɔ 2:26

Nihi nɛ peeɔ Mawu suɔmi nya ní ɔ, Mawu haa mɛ nile, ga, kɛ bua jɔmi. Se yayami peeli lɛɛ, e haa a tsuɔ ní, nɛ a buaa níhi a nya, konɛ e ngɔ ngɛ a dɛ kɛ ha ni nɛmɛ nɛ peeɔ lɛ, Mawu ɔ suɔmi nya ní. Enɛ ɔ hu ji yaka nɔ́ ko; e ngɛ kaa nɔ́ nɛ nɔ ko ngɛ fo tue kɛ ngɛ kɔɔhiɔ se nyɛɛe kɛkɛ.

Abɛ Womi 30:9

Ke i na ní kpɔtɔɔ ɔ, ma kua mo, nɛ ma de ke, “Mɛnɔ kulaa ji Yawɛ nɛ ɔ?” Jã kɛ̃, ke i ye ohia a, ma ju, nɛ ma wo ye Mawu ɔ he mu.