La 36:8 - BAIBLO ALOO NGMAMI KLƆUKLƆU Ɔ

⁸ O lɛɔ wɔ kɛ o we ɔ ní kpakpahi. O haa wɔ nyu kɛ jeɔ o pa nɛ ngɛ akɔnɔ ɔ mi lɛ wa nuɔ.

La 36:8 ပူးပေါင်းရင်းမြစ်များ

La 16:11

O maa tsɔɔ mi blɔ ɔ nɛ yaa wami mi ɔ. Lejɛ ɔ, ngɛ o hɛ mi ɔ, ma na bua jɔmi nitsɛnitsɛ, bua jɔmi nɛ se be poe kɛ maa ya neneene.

La 65:4

A gbaa nɔ tsuaa nɔ nɛ mo nitsɛ o hla lɛ, nɛ o ngɔ lɛ kɛ ba o we ɔ. Wa ma na ní kpakpahi nɛ ngɛ o we klɔuklɔu ɔ a he bua jɔmi. O bu wa kue fami ɔ tue.

Yesaya 58:11

Imi Yawɛ nitsɛ, ma tsɔɔ nyɛ blɔ daa, nɛ ma ha nyɛ maa ye ní kpakpahi nɛ nyɛ maa tɔ daa. Ma ha nyɛ ma na nɔmlɔ tso he wami saminya. Nyɛ maa pee kaa abɔɔ kɛ e mi nyu babauu, loo kaa pa ko nɛ nyu tɛ mi gblegbleegble.

Yesaya 25:6

Yawɛ maa ngmɛ okplɔɔ ngɛ yo nɛ ɔ nɔ ha je ma amɛ tsuo. A maa ye ní kpakpa: lo nɛ tu zɔ saminya, kɛ zɔ nɛ a je kɛ je wu mi tɔɔ; nɛ a maa nu wai kpakpa.

La 63:5

Ma ná bua jɔmi kaa nɔ nɛ ye niye ní kpakpa, kɛkɛ ɔ, ma la kɛ bua jɔmi kɛ je o yi.

Mateo 5:6

“A gbaa ni nɛmɛ nɛ hlaa kaa be tsuaa be ɔ, a pee nɔ́ nɛ da, ejakaa Mawu ma ha a ma na bua jɔmi babauu.

La 46:4

Pa ko ngɛ nɛ e kɔni ɔmɛ haa Mawu ma a bua jɔɔ a he. Hiɔwe no ɔ hi he ɔ ngɛ klɔuklɔu.

Yesaya 48:21

Benɛ Yawɛ kɛ e ma a nyɛɛ nga kplanaa a nɔ ɔ, kuma yi mɛ; ejakaa e ha nyu je tɛ sa mi ha mɛ; tɛ sa a mi gba, kɛkɛ nɛ nyu je mi kaa pa.

Hiob 20:17

E be je mi hie nɛ́ e maa na nyɔ nyu, kɛ hwo nɛ ngɛ bee kaa paa.

Yohane 7:37

Nyagbe ligbi ɔ nɛ ji nyami ligbi nguaa pe kulaa a, Yesu te da si, nɛ e de kɛ ngmlaa ke, “Nɔ tsuaa nɔ nɛ kuma ngɛ lɛ yee ɔ, e ba ye ngɔ nɛ e ba nu nyu.

Yesaya 43:20

Nga mi lohwe nane eywiɛɛywiɛtsɛmɛ pohu maa wo ye hɛ mi nyami; nga mi gbehi, kɛ dugumahi ma je ye yi. Ejakaa ma ha pahi maa hia kɛ be ngɛ nga kplanaa a nɔ, nɛ ye ma nɛ i hla a ma na nyu maa nu.

La 17:15

Se imi lɛɛ ma na o hɛ mi, ejakaa i pee we yayami ko. Nɛ ke ye hɛ tsɛ ɔ, ma ná bua jɔmi babauu kaa i na mo hɛ mi kɛ hɛ mi.

Lahi 5:1

Ye nyɛmiyo; ye we ayɛflo nɛ i suɔ mo saminya, i ba ye we abɔɔ ɔ mi. I ngɛ ye tsopa kɛ e he via, kɛ mimɛ nya buae. I ngɛ ye hwo kɛ hwo gbaku yee. I ngɛ ye wai kɛ nyɔ nyu nue. Huɛmɛ, nyɛɛ ye ní nɛ nyɛɛ nu ní. Nyɛ suɔmi ɔ nɛ de nyɛ kaa dã!

Zakaria 9:17

E dɛ mi nɛ kpakpa kɛ afɛu tsuo je; nihewi a blɛfo maa ba saminya; yihewi maa nga wai he bɔ nɛ sa, nɛ mɛ tsuo a ma plɔke.

La 17:8

Moo baa ye yi kaa bɔ nɛ nɔ baa lɛ nitsɛ e hɛngmɛ yi ɔ. Ngɔɔ mi kɛ laa ngɛ o pɛli hɔ̃ ɔ sisi,

La 31:20

O ngɔɔ mɛ kɛ laa ngɛ o laami he ɔ, konɛ nihi kó nyɛ nɛ a so a yi nɔ. O ngɔɔ mɛ kɛ toɔ o laami he ɔ, konɛ nihi kó na a he blɔ nɛ a fia mɛ lilɛ.