La 36:4 - BAIBLO ALOO NGMAMI KLƆUKLƆU Ɔ

⁴ Ke e hwɔ si ɔ, nɔ́ yayami he ga lɛ e toɔ. E kpa we yayami peemi ɔ, e pee we nɔ́ kpakpa hulɔ.

La 36:4 ပူးပေါင်းရင်းမြစ်များ

Mika 2:1

Musu tloo nihi nɛ soɔ yi wu tso níhi, nɛ a toɔ yayami peemi he ga nyɔ mi ngɛ sa mi. Ke je na nɛ a na he blɔ pɛ, a peeɔ yayami nɛ a to he ga a.

Abɛ Womi 4:16

Ke yiwutsotsɛmɛ pee we nɔ́ yayami ko ɔ, a nyɛ we nɛ a hwɔɔ mahe. Mahe jeɔ a hɛ mi kɛ ya siɔ be nɛ a yeɔ nɔ ko awi loko a hwɔɔ mahe.

Romabi 12:9

Suɔmi ɔ, e je nyɛ tsui mi tɔɔ. Nyɛɛ nyɛ yayami kulaa; nɛ nyɛɛ pɛtɛ nɔ́ kpakpa he.

Yesaya 65:2

Se ma a tsɛ we mi. Daa nɛ ɔ, i pee klaalo nɛ ma he ye ma a atuu; ma nɛ kplii a tsui, nɛ a peeɔ nɔ́ nɛ dɛ, kɛ mɛ nitsɛmɛ a suɔmi nya ní ji mɛ.

Kpojemi 2:2

I le ní nɛ o tsuɔ, dengme nɛ o gboɔ, kɛ bɔ nɛ o toɔ o tsui si. I le hu kaa o ha we yayami peeli hɛ mi. Nihi nɛ tsɛɔ a he bɔfohi, se pi bɔfohi ji mɛ ɔ, bɔ nɛ o ka mɛ, nɛ o na kaa lakpatsɛmɛ ji mɛ ɔ, i le lɛ tsuo pɛpɛɛpɛ.

La 97:10

Yawɛ suɔ nihi tsuo nɛ hiee yayami. E baa e ni klɔuklɔu ɔmɛ a yi, nɛ e jeɔ mɛ kɛ jeɔ yiwutsotsɛmɛ a dɛ mi.

Romabi 1:32

A le kaa Mawu de ke nihi nɛ tsuɔ ní nɛ ɔmɛ ɔ, a sa gbenɔ, se kɛ̃ pi kaa mɛ nitsɛmɛ a peeɔ yayami nɛ ɔmɛ kɛkɛ, se mohu a jeɔ nihi nɛ peeɔ ní nɛ ɔmɛ ɔ a yi.

Ni Tsumi 23:12

Benɛ je na a, Yuda bi ɔmɛ a ti ni komɛ ya so. A ka a he kita kaa a be ní yee, nɛ a be nɔ́ ko nue kɛ yaa si a maa gbe Paulo.

Mateo 27:1

Benɛ je na a, osɔfo nikɔtɔma amɛ, kɛ ma nimeli ɔmɛ tsuo so Yesu yi nɔ, konɛ a gbe lɛ.

Mika 6:8

Dɛbi! Yawɛ tsɔɔ wɔ nɔ́ nɛ hi. Nɔ́ nɛ e ngɛ hlae ngɛ wa dɛ kɛkɛ ji kaa waa ye dami sane, nɛ waa na mɔbɔ, nɛ waa ba wa he si ha wa Mawu ɔ.

Amos 5:15

Nyɛɛ hie nɔ́ nɛ dɛ blɔ. Nyɛɛ suɔ nɔ́ kpakpa, nɛ nyɛɛ hyɛ nɛ a ye dami sane ngɛ kojomi he ɔmɛ. Alini, Yawɛ Tabohiatsɛ Mawu ɔ maa na Yosef nina nɛ piɛɔ mɔbɔ.

Yeremia 8:6

Ke i bu nyɛ ní sɛɛmi he tue keii ɔ, mɛni ji nɔ́ nɛ i nuɔ? Lakpa sɔuu! Nɔ ko nɔ ko tu we anɔkuale. Nyɛ ti nɔ ko nɔ ko he yayami dɔɛ lɛ nɛ e pia e he, nɛ́ e bi e he ke, ‘Ao, mɛni ji nɔ́ nɛ i pee nɛ ɔ?’ Nɔ tsuaa nɔ ngɛ lɛ nitsɛ e blɔ nɔ kɛ bee kaa okpɔngɔ nɛ ngɛ fo tue kitikiti ngɛ ta nga nɔ.

Yeremia 6:16

Yawɛ de e ma a ke, “Nyɛ ya da blɔ gbla nya nɛ nyɛɛ hyɛ. Nyɛ bi nɛ a tsɔɔ nyɛ blema nane blɔ kpakpa amɛ nɛ nyɛɛ nyɛɛ nɔ. Nyɛɛ pee ja, konɛ nyɛ na tue mi jɔmi.” Se ma a he nɔ ke, “Dɛbi, wa be pee fɛɛ!”

Abɛ Womi 24:23

Ní leli a munyu komɛ hu ji nɛ ɔmɛ nɛ. Ke a ngɛ kojoe ɔ, e sɛ kaa a hyɛɔ nɔ hɛ mi.

La 52:3

O suɔ yayami pe kpakpa, nɛ o suɔ lakpa munyu hu pe anɔkuale.

La 38:12

Nihi nɛ ngɛ mi hlae nɛ a gbe ɔ tsɔɔ mi klama. Ni nɛmɛ nɛ hlaa kaa a ye mi awi ɔ, daa nɛ ɔ, a ngɛ lakpa yee, nɛ a ngɛ ye he guɛ gbee kɛ ngɛ nyɛɛe.

Hiob 15:16

Nɛ mo, nɔmlɔ adesa nɛ o sa, nɛ se nami be o he ɔ! Mo nɛ o peeɔ yayami kaa bɔ nɛ a nuu nyu kumakuma a, kɛ maa pee kɛɛ nɛ moo o he ma tsɔ ngɛ Mawu hɛ mi?

Ester 6:4

Matsɛ ɔ bi si ke, “Anɛ ma ní tsuli ɔmɛ ekomɛ ngɛ matsɛ we ɔ mi lo?” Jamɛ a be ɔ, Haman ba matsɛ we ɔ agbo nya kue ɔ mi. E ba nɛ e ba de matsɛ ɔ nɛ e ha a ya sɛu Mordekai ngɛ tso nɛ lɛ, Haman ɔ pee kɛ ha Mordekai ɔ nɔ.

Ester 5:14

Kɛkɛ nɛ e yo Zeresh kɛ e huɛmɛ ɔmɛ tsuo de lɛ ke, “Ha nɛ a pee tso nɛ a maa sɛu nɔ ngɛ nɔ: e hiɔwe yami nɛ pee gugue nyɔngma kɛ enyɔ kɛ fa. Hwɔɔ mɔtu ɔ, de matsɛ ɔ nɛ e ha nɛ a sɛu Mordekai ngɛ nɔ. Lɔ ɔ se ɔ, o kɛ matsɛ ɔ nɛ ya ní yemi nɛ a tsɛ nyɛ ɔ kɛ bua jɔmi.” Ga nɛ a wo Haman ɔ sa e hɛ mi saminya; nɛ e ha a pee tso nɛ a maa sɛu nɔ ngɛ nɔ ɔ.

Samuel I, 19:11

Jamɛ a nyɔ ɔ mi nɔuu ɔ, Saul tsɔ nihi kɛ ho David we ɔ mi ya nɛ́ a ya huɔ lɛ, konɛ mɔtu nɛ a gbe lɛ. Se David yo Mikal de lɛ ke, “Ke o ji hiɛ ɔ nyɔ nɛ ɔ mi nɛ o he o yi wami ɔ, hwɔɔ ɔ, a maa gbe mo.”

Abɛ Womi 24:2

Basabasa peemi kɛkɛ ji nɔ́ nɛ a suɔ; nɛ munyu yaya nɛ jeɔ a nya mi.

Yeremia 4:22

Yawɛ ke, “Ye ma mi bi ɔmɛ biɛ pɛ; ye ma mi bi ɔmɛ li mi. A ngɛ kaa jokuɛwi kuasiahi; a be juɛmi. A he sɔɔ kɛ peeɔ yayami, se kpakpa peemi lɛɛ a li.”