La 34:3 - BAIBLO ALOO NGMAMI KLƆUKLƆU Ɔ

³ Nyɛ ha nɛ wɔ tsuo waa wo Yawɛ hɛ mi nyami nɛ wa je e yi.

La 34:3 ပူးပေါင်းရင်းမြစ်များ

La 69:30

Ma la kɛ je Mawu yi, ma na lɛ si, nɛ ma tsɔɔ kaa lɛ ji ngua.

Luka 1:46

Maria ke, “I ngɔ ye tsui tsuo kɛ ngɛ Nyɔmtsɛ ɔ yi jee.

La 40:16

Se nihi tsuo nɛ hlaa o se blɔ ɔ, ha nɛ a nya, nɛ a na bua jɔmi. Ni nɛmɛ nɛ suɔ kaa o he a yi wami ɔ, ha nɛ a de daa ke, “Yawɛ kle!”

La 66:8

Nyɛ je ma amɛ tsuo, nyɛ je wa Mawu ɔ yi! Nyɛ je e yi wawɛɛ nɛ a nu;

La 35:27

Se nihi tsuo nɛ maa suɔ kaa a wo mi nguɔ ɔ, ha nɛ a hwɔ lele, nɛ a de si abɔ ke, “Yawɛ kle! E bua jɔ e he kaa e tsɔlɔ ɔ ye manye.”

Kpojemi 14:7

Bɔfo ɔ de kɛ gbi nɛ wa ke, “Nyɛɛ ye Mawu gbeye, nɛ nyɛɛ wo e hɛ mi nyami! Ejakaa be ɔ su nɛ e maa kojo nihi tsuo nɛ ngɛ je ɔ mi. Nyɛ ja nɔ nɛ pee hiɔwe kɛ zugba, kɛ wo kɛ nyu hɛngmɛhi nɛ baa a!”

Kronika II, 29:30

Matsɛ ɔ, kɛ ganɔ ɔmɛ fa Levi bi ɔmɛ ke, yi jemi lahi nɛ David, kɛ gbalɔ Asaf po ɔ, a la jamɛ a la amɛ kɛ je Yawɛ yi. Lɔ ɔ he ɔ, be mi nɛ a kpla si nɛ a ngɛ Mawu jae ɔ, nɔ tsuaa nɔ la kɛ bua jɔmi.

Kronika I, 29:20

Jehanɛ, David de ma kpekpemi ɔ ke, “Nyɛ je Yawɛ, nyɛ Mawu ɔ yi!” Kɛkɛ nɛ ma kpekpemi ɔ tsuo je Yawɛ a nɛmɛ a Mawu ɔ yi. A kpla si nɛ a ja Yawɛ, nɛ a wo matsɛ ɔ hu hɛ mi nyami.

Ni Tsumi 19:17

Benɛ Yuda bi, kɛ ma je li tsuo nɛ ngɛ Efeso nu nɔ́ nɛ ɔ, gbeye nu mɛ, nɛ a wo Nyɔmtsɛ Yesu hɛ mi nyami wawɛɛ nitsɛ.

Filipibi 1:20

Nɔ́ nɛ i ngɔ hɛ kɛ fɔ nɔ, nɛ i ngɛ blɔ hyɛe wawɛɛ ji kaa zo be mi gbee; se mohu be tsuaa be ɔ, ma pee kã saminya, konɛ wami mi jio, gbenɔ mi jio, titli ɔ, amlɔ nɛ ɔ, ma ngɔ ye nɔmlɔ tso ɔ kɛ wo Kristo hɛ mi nyami.

Kronika I, 16:10

Nyɛɛ wo Yawɛ biɛ klɔuklɔu ɔ hɛ mi nyami. Nyɛ nihi nɛ nyɛ hlaa e se blɔ ɔ, nyɛ nya kɛ nyɛ tsui tsuo!

La 69:33

Ejakaa Yawɛ buɔ dɛgutsɛmɛ tue, nɛ lɛ nitsɛ e nihi nɛ a wo mɛ tsu ɔ, e hɛ ji a nɔ.

Yeremia 9:23

Yawɛ ke, “Ní lelɔ nɛ ko fĩa kɛ fɔ e nile nɔ, nɔ nɛ ngɛ he wami ɔ, e ko fĩa kɛ fɔ e he wami nɔ, niatsɛ nɛ ko fĩa kɛ fɔ e níhi a nɔ.

Yeremia 9:24

Ke nɔ ko suɔ kaa e maa fĩa a, e fĩa kaa e le mi saminya; ejakaa ye suɔmi ɔ se pui gblegbleegble; i peeɔ nɔ́ nɛ da, nɛ i yeɔ dami sane. Ní nɛ ɔmɛ ji níhi nɛ saa ye hɛ mi. Imi, Yawɛ lɛ i de.”