La 33:7 - BAIBLO ALOO NGMAMI KLƆUKLƆU Ɔ

⁷ E bua wo nyu ɔ nya glekugleku; nɛ e ngɔ nyu babauu ɔ kɛ to ngɛ nito hehi.

La 33:7 ပူးပေါင်းရင်းမြစ်များ

Yoshua 3:16

nyu nɛ je yiti je ɔ bua e he nya da si ngɛ tsitsaa ngɛ Adam, nɛ ji ma ko nɛ ngɛ Zaretan kasa nya a. Nyu nɛ kpleɔ si kɛ yaa Araba, loo Ngo wo ɔ mi ɔ se po, nɛ Israel ma a po Yordan pa a ngɛ Yeriko hanɔ tutuutu.

Mose II, 15:8

O fli o gugwɔ mi ngɛ wo ɔ nɔ, nɛ nyu ɔ bua e he nya da si kaa gbogbo; ohue mi nyu ɔ fi, nɛ e wlua gɛgɛnii.

Yoshua 3:13

Ke osɔfo ɔmɛ nɛ tloo Yawɛ, nɛ ji je ɔ tsuo Nyɔmtsɛ ɔ daka a sɛ Yordan pa a mi pɛ pa a ma kpa bemi, nɛ nyu nɛ je yiti je ɔ ma ti kɛ da si ngɛ he kake.”

Habakuk 3:15

O kɛ o we okpɔngɔ ɔmɛ nyɛɛ wo ɔ nɔ gidigidi, kɛkɛ nɛ nyu babauu ɔ fia hwɔli.

Yeremia 5:22

Imi ji Yawɛ; mɛni he je lɛ nyɛ yi mi gbeye? Mɛni he je nyɛ he dui blibliibli ngɛ ye hɛ mi? Imi lɛ i ngɔ zia kɛ wo huzu ha wo, huzu nɛ ngɛ daa kɛ daa, nɛ wo be nyɛe maa hane ligbi ko ligbi ko. Ke wo gli kaa mɛni, e be nyɛe maa hane huzu nɛ ɔ. Ke oslɔkehi ngɛ kue nɛ wo ɔ pee hamahama kaa mɛni, e be nyɛe maa be huzu nɛ ɔ he gblegbleegble.

Abɛ Womi 8:29

Benɛ e fa wo ɔ ke wo nyu ɔ ko be e huzu ɔ he ɔ, i ngɛ lejɛ ɔ. Benɛ e to je ɔ sisi ɔ, jamɛ a be ɔ, i ngɛ lejɛ ɔ.

Hiob 26:10

E po huzu ngɛ wo hɛ mi kɛ gba piani kɛ nyɔ a kpɛti.

La 78:13

E gba wo ɔ mi, nɛ nyu ɔ da si glekugleku ngɛ hiɔ nɔ kɛ muɔ nɔ; nɛ e ha nɛ e ma a gu mi kɛ be.