La 32:6 - BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ, e sa kaa o ni klɔuklɔu ɔmɛ tsuo nɛ a fa kue ha mo ngɛ a fimi behi a mi. Ke haomi ba babauu kaa nyu nɛ ywia nga po, e be a he sae.

La 32:6 ပူးပေါင်းရင်းမြစ်များ

Yesaya 55:6

Be mi nɛ Yawɛ he kɛ we nɛ ɔ, nyɛ hla e se blɔ nɛ nyɛɛ fa kue ha lɛ.

Yesaya 43:2

Ke o haomi ɔmɛ pee kaa pa nɛ o ngɛ poe po, ma piɛ o he; o haomi ɔmɛ be nyɛe maa ye o nɔ. Ke o nyɛɛ la mi po, la a be mo sãe. Haomihi tsuo nɛ maa ba o nɔ ɔ, o maa ye a nɔ.

2 Korintobi 6:2

Mawu ke, “Be nɛ sa mi ɔ, i bu mo tue; Nɛ yi wami hemi ligbi nɔ i ye bua mo ngɛ.” Hyɛ, be nɛ sa saminya ji nɛ ɔ nɛ; hyɛ mwɔnɛ ɔ ji yi wami hemi ligbi ɔ nɛ.

Yohane 7:34

Nyɛ ma hla mi, se nyɛ be mi nae; ejakaa he nɛ i yaa a, nyɛ be nyɛe maa ba lejɛ ɔ.”

Abɛ Womi 1:28

jamɛ a be ɔ mi ɔ, nyɛ ma tsɛ mi, se i be nɔ hee. Nyɛ ma hla ye se blɔ kɛ hɛdɔ, nɛ nyɛ be mi nae.

La 4:3

Se nyɛ ná nɛ nyɛɛ le kaa Yawɛ hla nihi nɛ peeɔ nɔ nɛ da kɛ ha e he; nɛ ke i tsɛ lɛ ɔ, e nuɔ.

La 144:7

Kpa o nine mi kɛ je hiɔwe, nɛ o sá mi; jé mi kɛ je nyu babauu ɔ mi; jé mi kɛ je nibwɔhi a dɛ mi;

La 40:3

E tsɔɔ mi la he nɛ ma la kɛ je wa Mawu ɔ yi. Nihi babauu maa na nɔ́ nɛ ɔ; a maa ye gbeye, nɛ a maa ngɔ a hɛ kɛ fɔ Yawɛ nɔ.

Tito 2:12

Dloomi nɛ ɔ bɔɔ wɔ kɔkɔ kaa wa kpa yayami peemi, nɛ wa ko di je nɛ ɔ mi akɔnɔ níhi a se. E tsɔɔ wɔ kaa waa hyɛ wa he nɔ saminya; waa pee nɔ́ nɛ da, nɛ waa ye Mawu gbeye,

2 Korintobi 1:4

E woɔ wa bua ngɛ haomihi tsuo a mi. Kɛkɛ ɔ, ke haomi ba ni kpahi a nɔ ɔ, bua womi nɛ wɔ nitsɛmɛ wa na kɛ je Mawu dɛ mi ɔ, wa ma nyɛ kɛ wo mɛ hu bua.

Yesaya 49:8

Bɔ nɛ Yawɛ ngɛ e ma a dee ji nɛ ɔ nɛ, “Ke be su nɛ ma he nyɛ yi wami ɔ, ma na nyɛ mɔbɔ; ngmlaa nɛ nyɛ ngɛ kpae ke ma ba piɛ nyɛ he ɔ, ma bu tue. Ma bu nyɛ he, nɛ ma baa nyɛ yi, nɛ ma gu nyɛ nɔ nɛ i kɛ je ma amɛ tsuo maa so. Nyɛ nitsɛmɛ nyɛ zugba nɛ hɛ mi kpata a, ma ha nyɛ ma ba hi nɔ ekohu.

1 Timoteo 1:16

Se Mawu na mi mɔbɔ. E pee enɛ ɔ, konɛ Kristo Yesu nɛ ngɔ mi ngɔ pee nɔ hyɛmi nɔ́ kɛ ha yayami peeli tsuo, kaa e toɔ e tsui si, nɛ e peeɔ kpakpa, konɛ ni kpahi hu nɛ a na kaa neneene wami ɔ, mɛ hu a nine maa su nɔ.

La 91:7

Nimli akpe ma gbo ngɛ o kasa nya; akpe nyɔngma ma gbo kɛ bɔle mo kɛ kpe, se moo lɛɛ nɔ́ ko nɔ́ ko be o he sae.