La 31:3 - BAIBLO ALOO NGMAMI KLƆUKLƆU Ɔ

³ Ee, ye wesa he, kɛ ye mɔ ji mo. Lɔ ɔ he ɔ, moo nyɛɛ ye hɛ mi, nɛ o tsɔɔ mi blɔ kaa bɔ nɛ o wo si ɔ.

La 31:3 ပူးပေါင်းရင်းမြစ်များ

Luka 1:79

E ma kpɛ kɛ je hiɔwe ha nihi tsuo nɛ hii si ngɛ gbenɔ hɔ̃ diblii mi, nɛ e maa tsɔɔ wɔ blɔ kɛ ba he jɔmi blɔ ɔ nɔ.”

La 79:9

Mawu, piɛ wa he nɛ o he wa yi wami. Mo he wɔ, nɛ o ngɔ wa he yayami kɛ pa wɔ kɛ wo mo nitsɛ o biɛ ɔ hɛ mi nyami.

Yohane 16:13

Se ke Mumi ɔ nɛ haa a leɔ anɔkuale ɔ nɛ kɔɔ Mawu he ɔ ba a, e maa tsɔɔ nyɛ anɔkuale ɔ tsuo. Ejakaa Mumi ɔ be lɛ nitsɛ e yi mi toe kɛ de nɔ́ ko; mohu níhi nɛ e nu ɔ, a he munyu e maa tu; nɛ e ma de nyɛ níhi nɛ maa ba.

Yeremia 14:7

Ye ma a fa kue ha mi ke, ‘Yawɛ, wa he yayami ɔmɛ ngɛ odase yee kɛ ngɛ wɔ sie lɛɛ, se kɛ̃, moo piɛ wa he kaa bɔ nɛ o wo si ɔ. Wa tsɔ o hɛ mi atuã be babauu; wa pee yayami kɛ si mo.

Yesaya 49:10

Hwɔ be mɛ yee, nɛ kuma be mɛ yee gblegbleegble. Pu la, kɛ nga kplanaa nɔ kɔɔhiɔ nɛ mi dɔ la be mɛ awi yee; ejakaa nɔ nɛ suɔ mɛ ɔ maa piɛ a he. E maa tsɔɔ mɛ blɔ kɛ ya nyu hɛngmɛhi a he.

La 139:24

Hyɛ kaa yayami ko pa ngɛ ye mi lo, nɛ o ngɔ mi kɛ fɔ blɔ nɛ kɛ nɔ yaa neneene wami mi ɔ nɔ.

La 43:3

Ha nɛ o la a, kɛ o we anɔkuale ɔ nɛ ba esɔesɔ; ha nɛ a ba tsɔɔ mi blɔ, nɛ a kpaka mi kɛ ya Zion yo klɔuklɔu ɔ nɔ; a kpaka mi kɛ ya mo nitsɛ o we ɔ he nɛ o hii ɔ.

La 25:11

Yawɛ, ye o siwo ɔ nɔ, nɛ o ngɔ ye yayami ɔmɛ kɛ pa mi; ejakaa ye yayami ɔmɛ hiɛ babauu.

La 25:5

Tsɔɔ mi nɛ ma hi si ngɛ o we anɔkuale ɔ nya, ejakaa mo Mawu ɔ ji ye yi wami helɔ. Daa nɛ ɔ, o nɔ lɛ i ngɔɔ ye hɛ kɛ fɔɔ.

Nehemia 9:12

O ngɔ bɔku kɛ tsɔɔ mɛ blɔ piani; se nyɔ mi lɛɛ o ha mɛ la nɛ a kɛ hyɛ a blɔ mi.

La 25:9

Nihi nɛ baa a he si ɔ, Yawɛ tsɔɔ mɛ e blɔ ɔ, kɛ bɔ nɛ sa kaa a ba a je mi ha.

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

Nehemia 9:19

Jamɛ a be ɔ mi po, o ngmɛɛ we a he ngɛ nga kplanaa a nɔ; ejakaa o naa mɔbɔ saminya. O je we bɔku ɔ nɛ tsɔɔ mɛ blɔ piani ɔ, kɛ la a hu nɛ tsɔɔ mɛ blɔ nyɔ mi ɔ kɛ ji a he.

Yoshua 7:9

Kanaan bi ɔmɛ, kɛ zugba a nɔ bi ɔmɛ tsuo maa nu he. A ma ba sa wa yi, nɛ a ma kpata wa hɛ mi pɛsɛpɛsɛ. O biɛ kpetekpleenyɛ ɔ, o maa hi hyɛe nɛ e puɛ lo?”

Efesobi 1:12

Lɔ ɔ he ɔ, wɔ nɛ wa ji kekleekle nihi nɛ wa ngɔ wa hɛ ngɔ fɔ Kristo nɔ ɔ, nyɛ ha wa je Mawu yi kaa e hɛ mi ngɛ nyami.

La 71:3

Ye wesa he, kɛ ye he falɔ, moo bu ye he daa kaa tɛ sa, kɛ mɔ nɛ he wa.

La 102:3

Ye wami ligbi ɔmɛ ngɛ bee kaa la su ku, nɛ ye nɔmlɔ tso ɔ dɔ la hɛii kaa flɔɔnɔɔ ɔ mi.

La 116:2

Akɛnɛ e buɔ mi tue he je ɔ, ma tsɛ lɛ ye wami be tsuo.