La 30:6 - BAIBLO ALOO NGMAMI KLƆUKLƆU Ɔ

⁶ I susu kaa i ngɛ he jɔmi mi, nɛ i de ngɛ ye yi mi ke, “Nɔ́ ko nɔ́ ko be mi pee!”

La 30:6 ပူးပေါင်းရင်းမြစ်များ

La 119:117

Pɛtɛ ye he, konɛ ye yi nɛ na wami, nɛ ye hɛ maa hi o mlaa amɛ a nɔ daa.

2 Korintobi 12:7

Nyakpɛ ní nguanguahi nɛ a je tsɔɔ mi ɔ ma ha ma wó ye he nɔ. Lɔ ɔ he ɔ, bɔ nɛ pee nɛ e ko ba mi ja he je ɔ, Mawu ngɔ mio ko ngɔ wo ye he womi mi. Nɔ́ nɛ ɔ ngɛ kaa Satan bɔfo, nɛ e kongoɔ mi, konɛ ma ko wó ye he nɔ.

Luka 12:19

Kɛkɛ ɔ, ma de ye klaa ke, o he ngɛ ní loo! O ngɛ ní babauu nɛ a ngɔ to ha mo jehahi fuu. Fiɛ o yi nɔ bɔɔ! Yé ní, nɛ o nu ní, nɛ o na bua jɔmi!’

La 16:8

I susuɔ Yawɛ he daa. Nɛ́ Yawɛ ngɛ ye kasa nya nɛ ɔ, nɔ́ ko nɔ́ ko be mi pee.

Daniel 4:30

e de ke, “Nyɛɛ hyɛ bɔ nɛ Babilon kle agbo ha! Imi nitsɛ lɛ i po Babilon, nɛ i kɛ lɛ pee ye matsɛ ma, konɛ ma kɛ tsɔɔ ye he wami kpetekpleenyɛ ye biɛ, ye hɛ mi nyami, kɛ ye agboje.”

Yesaya 56:12

Dã tɔli nɛ ɔmɛ deɔ ke, ‘Nyɛɛ ba nɛ wa ya hla wai nɛ waa nu. Wa maa nu dã bɔ nɛ wa ma nyɛ mwɔnɛ ɔ! Hwɔɔ lɛɛ e maa pee gbeye!’ ”

Yesaya 47:7

E pee mo kaa o maa ye manyɛ daa, lɔ ɔ he ɔ, o susuu we ní nɛ ɔmɛ a he, bɔ nɛ a nyagbe maa ba ha hu, o bui.

La 15:5

Nɔ nɛ ke e pa sika ha nihi ɔ, e he we hekpa. Nɔ nɛ he we nyɔ mi ní nɛ e kɛ ye odase ngɔ si nihi nɛ yi fɔ. Nɔ nɛ peeɔ ní nɛ ɔmɛ ɔ, nɔ́ ko nɔ́ ko be e he sae.

La 10:6

E deɔ ngɛ e yi mi ke, “Nɔ́ ko nɔ́ ko be mi pee; haomi ko be ye nɔ bae gblegbleegble.”

La 126:6

Nɔ nɛ vo nyu hii e hɛ mi kɛ ya duɔ ní ɔ, e maa tloo niba ní kɛ ba we mi kɛ bua jɔmi.

Yesaya 54:7

“Be kpiti ko kɛkɛ nɛ i je o he, se ye mi mi ngɛ mi sããe wawɛɛ ngɛ o he; lɔ ɔ he ɔ, ma ngɔ mo kɛ ba ye ngɔ ekohu.