La 30:5 - BAIBLO ALOO NGMAMI KLƆUKLƆU Ɔ

⁵ E mi mi fuɔ be kuku kɛkɛ; se e mɔbɔ nami lɛɛ e ngɛ daa. O maa wo ya nyɔ mi, se ke je na pɛ bua jɔmi ba.

La 30:5 ပူးပေါင်းရင်းမြစ်များ

2 Korintobi 4:17

Amanehlu nɛ nya wa, nɛ se be kɛe kulaa nɛ ɔ ma ha wa hɛ mi maa ba nyami babauu kɛ be nɔ kɛ maa ya neneene.

Mateo 5:4

“A gbaa ni nɛmɛ nɛ yeɔ kɔmɔ, ejakaa Mawu maa jɔɔ a bua.

Yesaya 26:20

Ye ma, nyɛ ya sɛ nyɛ we ɔmɛ a mi, nɛ nyɛɛ ngmɛ sinya amɛ a mi ngɔ wo nyɛ yi. Nyɛɛ laa nyɛ he be kpiti ko kɛ yaa si Mawu mi mi fumi ɔ nya maa be.

La 103:9

E hɛɛ we pɛ munyu kake mi kpamisa. Ke e mi mi fu ɔ, e kɛ we kulaa kɛkɛ e tsui he jɔ ekohu.

La 16:11

O maa tsɔɔ mi blɔ ɔ nɛ yaa wami mi ɔ. Lejɛ ɔ, ngɛ o hɛ mi ɔ, ma na bua jɔmi nitsɛnitsɛ, bua jɔmi nɛ se be poe kɛ maa ya neneene.

La 63:3

O suɔmi nɛ se pui gblegbleegble ɔ hi pe wami nitsɛnitsɛ; lɔ ɔ he ɔ, ma je o yi.

La 59:16

Se imi lɛɛ ma la kɛ je o yi, ejakaa o he wa. Daa mɔtu ɔ, ma la wawɛɛ kɛ je o yi, ejakaa o suɔmi ɔ ngɛ daa. Be nɛ i ngɛ amanehlu mi ɔ, mo lɛ o bu ye he, nɛ o baa ye yi.

La 46:5

Mawu ngɛ jamɛ a ma a mi, lɔ ɔ he ɔ, ma a hɛ mi be kpatae kɔkɔɔkɔ. Loko haomi maa ba a nɔ ɔ, Mawu je ngmlaa ha mɛ momo.

La 143:8

Mɔtu ɔ, ha ma kai bɔ nɛ o mi mi hi ha; ejakaa o nɔ i ngɔɔ ye hɛ kɛ fɔɔ. Ha nɛ ma le he nɛ ma gu; ejakaa mo pɛ o nɔ i ngɔ ye hɛ kɛ fɔ.

La 103:17

Se Yawɛ suɔmi nɛ be nyagbe ɔ ngɛ kɛ ha nihi nɛ yeɔ lɛ gbeye. A weku kɛ nina hu Yawɛ maa pee mɛ kpakpa daa,

Kpojemi 22:17

Mumi ɔ, kɛ ayɛflo ɔ ke, “Ba!” Nɔ tsuaa nɔ nɛ maa nu enɛ ɔ, lɛ hu e de ke, “Ba!” Nɔ tsuaa nɔ nɛ kuma ngɛ lɛ yee ɔ, e ba; nɔ tsuaa nɔ nɛ suɔ ɔ, e ba ngɔ nyu nɛ haa nɔ wami ɔ kaa nike ní.

Hosea 6:3

Nyɛ ha waa bɔ mɔde nɛ waa le Yawɛ saminya. Kaa bɔ nɛ je naa daa ligbi, nɛ hiɔmi hu nɛɛɔ ngɔ pueɔ zugba daa gbo kɛ gbiɛ ɔ, ke wa hla Yawɛ se blɔ ɔ, lɛ hu e maa ba wa ngɔ.”

Mose I, 32:24

nɛ e ba piɛ lɛ Yakob ɔ nɔ kake ngmelu ngɛ se. Kɛkɛ nɛ nyumu ko kɛ lɛ ba fia atlibo kɛ ya si makɛ.

Kpojemi 22:1

Jehanɛ ɔ, bɔfo ɔ tsɔɔ mi pa kɛ e mi nyu nɛ haa nɔ wami ɔ; e mi tsɔ keikei kaa ahuhuɛ. Pa a hia kɛ je Mawu, kɛ To bi ɔ matsɛ sɛ ɔ he

Mose II, 3:15

Mawu de Mose ekohu ke, “Mo de Israel bi ɔmɛ ke, Yawɛ, nyɛ nɛmɛ Abraham, Isak, kɛ Yakob a Mawu ɔ, lɛ nɛ e tsɔ mi nyɛ ngɔ. Biɛ nɛ ɔ ji ye biɛ kɛ yaa neneene, nɛ yi nɔhi nɛ maa ba a, mɛ hu a ma tsɛ mi jã.

La 47:7

Ejakaa Mawu ji matsɛ nɛ yeɔ je ɔ tsuo nɔ. Nyɛ la yi jemi la ha lɛ.

La 97:12

Nyɛ dali, nyɛ bua nɛ jɔ nyɛ he ngɛ nɔ́ nɛ Yawɛ pee ɔ he. Nyɛ kai nɔ́ nɛ Mawu klɔuklɔu ɔ pee ha nyɛ ɔ nɛ nyɛɛ na lɛ si.

La 145:10

Yawɛ, níhi nɛ o pee ɔ tsuo maa na mo si, nɛ o ni klɔuklɔu ɔmɛ ma je o yi!

Yesaya 12:1

Jamɛ a ligbi ɔ, nyɛ ma la ke, “Yawɛ i ngɛ o yi jee! Be ko ɔ, o mi mi fu mi, se jehanɛ lɛɛ mo nitsɛ o ngɛ mi bua woe, ejakaa o mi mi fumi ɔ se po.