La 30:12 - BAIBLO ALOO NGMAMI KLƆUKLƆU Ɔ

¹² Enɛ ɔ he je ɔ, i be ye nya mae; se mohu ma la kɛ je o yi. Yawɛ, ye Mawu, ma na mo si daa.

La 30:12 ပူးပေါင်းရင်းမြစ်များ

Mose I, 49:6

I kɛ mɛ be soe kɔkɔɔkɔ, I kɛ mɛ be bɔe hulɔ, Ejakaa ke a mi mi fu ɔ, a gbeɔ nɔmlɔ, Nɛ a plaa nahi kɛ jeɔ a hɛja.

Ester 8:16

Yuda bi ɔmɛ a bua jɔ kaa a je haomi mi, nɛ a nya ejakaa a hɛ mi ba nyami.

Ester 9:22

Ligbi nɛ ɔmɛ a nɔ nɛ Yuda bi ɔmɛ kpata a he nyɛli ɔmɛ a hɛ mi ɔ nɛ. Jinɛ nyɔhiɔ nɛ ɔ maa pee aywilɛho kɛ kɔmɔ yemi be, se e ba plɛ pee bua jɔmi kɛ nyami be mohu. Bɔ nɛ a tsɔɔ mɛ ke a ye nyami ligbi nɛ ɔmɛ ji a tsɛ nihi ní yemi, nɛ a nya; a ke a sibi, kɛ ohiatsɛmɛ niye ní, kɛ ohiatsɛmɛ hu ní kpakpahi.

La 13:6

Ma la kɛ je mo Yawɛ o yi, ejakaa o pee ye hiami ní ɔmɛ ha mi.

La 145:2

Ma na mo si daa ligbi, nɛ ma je o yi kɛ maa ya neneene.

La 16:9

Enɛ ɔ he je ɔ, imi nɔmlɔ ɔ tsuo, i na bua jɔmi, kɛ he jɔmi.

La 44:8

Mawu, mo o nɔ wa fĩaa kɛ fɔɔ daa. Wa maa na mo si kɛ maa ya neneene.

La 57:8

Makɛ mla a, ma te si, nɛ ma fia saku, kɛ kpa saku.

La 71:14

Se imi lɛɛ ma ngɔ ye hɛ kɛ fɔ o nɔ be tsuaa be. Ma je o yi daa kɛ daa.

La 71:23

Ma hwɔ lele, nɛ ma la kɛ je o yi; ma je o yi, ejakaa o he ye yi wami.

Yesaya 61:3

Kɛkɛ ɔ, nihi nɛ ngɛ kɔmɔ yee ngɛ Zion ɔ, e ma bu mɛ jlasi nɛ a kɛ mɔmɔ pee, se pi la zu; a bua maa jɔ; a ma kpa kɔmɔ yemi, nɛ a ma la yi jemi la. A maa bɔ kaa tso nguaa nɛ Yawɛ nitsɛ ma. Mɛ tsuo a maa pee nɔ́ nɛ da, nɛ a maa wo Yawɛ hɛ mi nyami.

Luka 19:40

Yesu he nɔ ke, “I ngɛ nyɛ dee ke, ke ni nɛ ɔmɛ ma a nya a, tɛhi tete ma hwɔ lele.”

Ni Tsumi 4:20

Ejakaa wɔɔ lɛɛ, níhi nɛ wa na, kɛ níhi nɛ wa nu ɔ, wa be nyɛe ma ma wa nya ngɔ to nɔ kaa ja wa de.”

Kpojemi 7:12

nɛ a de ke, “Amen! Wa Mawu! Wa ngɛ o yi jee; wa ngɛ o hɛ mi nyami woe, nɛ wa ngɛ mo si nae kɛ yaa neneene. Ejakaa o le ní; o kle, nɛ o je agbo! Amen!”