La 30:1 - BAIBLO ALOO NGMAMI KLƆUKLƆU Ɔ

¹ Ma je o yi Yawɛ, ejakaa o he ye yi wami. O ha we nɛ ye he nyɛli nɛ nya; o ngmɛ́ mɛ blɔ nɛ a ye ye he fɛu.

La 30:1 ပူးပေါင်းရင်းမြစ်များ

La 25:2

Ye Mawu, i ngɔ ye hɛ kɛ fɔ o nɔ. Ko ha nɛ ye hɛ mi nɛ pue si; ko ha nɛ ye he nyɛli nɛ ye ye hɛ fɛu.

La 35:19

Ko ha nɛ ye he nyɛli lakpatsɛmɛ ɔmɛ nɛ a nya. Nihi nɛ nyɛɔ mi yaka gu ɔ, ko ha nɛ a kpɛ mi.

Daniel 4:37

“Enɛ ɔ he je ɔ imi Nebukadnezar, i ngɛ matsɛ nɛ ngɛ hiɔwe ɔ yi jee; i ngɛ e hɛ mi nyami woe, nɛ i ngɛ jajee kaa e kle agbo. E peeɔ nɔ́ tsuaa nɔ́ saminyayoo, nɛ e blɔ ɔmɛ hu da. Nihi nɛ woɔ a he nɔ ɔ, e nyɛɔ baa mɛ si.”

La 140:8

Yawɛ, koo ngmɛ yayami peeli blɔ nɛ a pee nɔ́ nɛ a suɔ; ko ha nɛ a yi mi tomi yaya amɛ nɛ ba mi.

La 13:4

Ke pi ja a, ye he nyɛli ɔmɛ ma de ke, “Wa ye e nɔ.” A ma nya kaa a nine su ye nɔ.

Samuel II, 5:11

Tiro matsɛ, Hiram wo tsɔli blɔ kɛ ba David ngɔ. A kɛ seda tsohi ba. Kapitɛhi, kɛ tɛ tsu fiali hu piɛ a he; nɛ a ba po we ha David.

Kɔmɔ Yemi 2:15

Nihi tsuo nɛ ba guu ma a nya kɛ bee ɔ, hwɔɔ o yi; a huanyaa a yi, nɛ a yeɔ o he fɛu. A deɔ ke, “Jamɛ a ma kɛ e he fɛu ɔ ji nɛ ɔ? Je ɔ tsuo fiami nɔ́ ɔ ji nɛ ɔ lo?”

La 145:1

Ye Mawu kɛ ye matsɛ, ma wo o hɛ mi nyami, nɛ ma na mo si daa.

La 79:10

Mɛni he je lɛ je ma amɛ ma bi wɔ ke, “Jije nyɛ Mawu ɔ ngɛ?” Je mahi nɛ pue o tsɔli ɔmɛ a muɔ si ɔ, gbla a tue nɛ waa na kɛ wa hɛngmɛ.

La 41:11

Ye he nyɛli ɔmɛ be ye nɔ yee; nɛ enɛ ɔ maa tsɔɔ mi kaa o ngɛ ye he bua jɔmi.

La 28:9

Yawɛ, he o ma a yi wami; moo gbaa o nina a. Moo hyɛ mɛ kɛ ya neneene kaa bɔ nɛ to hyɛlɔ hyɛɛ e tohi.

La 27:6

Kikɛ nɛ ɔ ma pee kɛ ye ye he nyɛli tsuo nɛ bɔle mi ɔ a nɔ kunimi. I kɛ bua jɔmi maa sã bɔ ngɛ Yawɛ we ɔ, nɛ ma la kɛ je e yi.

Kronika I, 21:6

Se akɛnɛ matsɛ ɔ fami ɔ ngɔɛ Yoab nya he je ɔ, e kane we Levi, kɛ Benyamin wɛtso ɔmɛ.

Samuel II, 24:25

E puɛ bɔ sami la tɛ ha Yawɛ ngɛ lejɛ ɔ; nɛ e sã sami bɔhi, kɛ tue mi jɔmi bɔhi. Yawɛ bu e kue fami ɔ tue, nɛ gbenɔ hiɔ ɔ se po ngɛ Israel.

Samuel II, 7:2

David de gbalɔ Natan ke, “Hyɛ kaa imi lɛɛ i ngɛ we nɛ a ma kɛ seda mi, be mi nɛ Mawu somi daka a lɛɛ bo tsu mi lɛ e ngɛ!”

Samuel II, 6:20

Benɛ David ba su we mi, nɛ e ba fɔ e yi ɔmɛ, kɛ e bimɛ ɔmɛ ɔ, Saul biyo Mikal je kpo ba kpee lɛ; nɛ e de David ke, “Lɔ ɔ ji Israel matsɛ wo lɛ nitsɛ e hɛ mi nyami mwɔnɛ ɔ nɛ! Matsɛ hɛɛ e he gu ngɛ e tsɔli a mawayi ɔmɛ a hɛ mi kaa kuasia peeɔ nɔ!”

Mose V, 20:5

“Lɔ ɔ se ɔ, asafoatsɛmɛ ɔmɛ nɛ a de ta buli ɔmɛ ke, ‘Anɛ nɔ ko ngɛ hiɛmɛ nɛ ɔ nɛ po we he, se e gbaa we nɔ lolo kɛ ha Yawɛ lo? Ke nɔ ko kaa ja ngɛ hiɛ ɔ, e kpale kɛ ho we mi ya. Ke pi ja a, ke e ba mi kaa e ya nɔ ta a, nɔ kpa ma ba gbaa we ɔ nɔ.

La 79:4

Je ma amɛ nɛ bɔle wɔ ɔ bɔ wɔ ahlua; a muɔ wɔ, nɛ a ye wa he fɛu.

La 66:17

I kpa ngmlaa kɛ tsɛ lɛ; kɛkɛ nɛ i la kɛ je e yi.

Samuel II, 20:3

Benɛ Matsɛ David ba su e we ɔ mi ngɛ Yerusalem ɔ, e kɛ yihi nyɔngma amɛ, nɛ ji e plahi nɛ e si nɛ a hi we ɔ nɔ hyɛe ngɛ e se ɔ ya wo tsu mi. E hyɛɛ a nɔ pɛpɛɛpɛ, se e kɛ mɛ na we nyumu kɛ yo bɔmi. A tsi a nya nɛ a hi si kaa yalɔyihi kɛ ya si a gbenɔ ligbi.