La 3:8 - BAIBLO ALOO NGMAMI KLƆUKLƆU Ɔ

⁸ Yawɛ, mo ji wa yi wami helɔ; moo gbaa o ma a koo!

La 3:8 ပူးပေါင်းရင်းမြစ်များ

Samuel II, 23:12

se Shama da si ngɛ zugba a kpɛti tutuutu, nɛ e fa zugba a he, nɛ e gbe Filisti bi ɔmɛ. Yawɛ ye kunimi nguaa jamɛ a ligbi ɔ.

La 119:94

O nɔ́ ji mi, he ye yi wami; ejakaa i bɔ mɔde kaa ma ye o mlaa amɛ a nɔ.

La 29:11

Yawɛ nɛ́ ha e ma a he wami. Yawɛ nɛ́ gbaa e ma a, nɛ́ e ha mɛ tue mi jɔmi.

La 31:16

Naa imi, o tsɔlɔ ɔ mɔbɔ! Mo he ye yi wami ngɛ o suɔmi nɛ ngɛ daa a he.

La 58:7

Ha nɛ a laa kaa pa nɛ ngɛ fae; ha nɛ a naa a nɔ kaa a naa nga gbigbli nɔ.

La 72:17

Matsɛ ɔ biɛ nɛ hi si kɛ ya neneene. E biɛ nɛ pɛ be abɔ nɛ pu ngɛ nɛ ɔ. Mawu nɛ gbaa je ma amɛ tsuo, nɛ a ha matsɛ ɔ bua jɔmi.

La 9:20

Yawɛ, wo je ma amɛ a he gbeye, konɛ a le kaa nimli adesahi kɛkɛ ji mɛ.

Abɛ Womi 21:31

Adesa dlaa e we okpɔngɔ he kɛ ha ta hwumi; se kunimi yemi ɔ lɛɛ Yawɛ dɛ mi e ngɛ.

Yesaya 43:11

“Imi nɔ kake pɛ ji Yawɛ, imi pɛ ji nɔ nɛ ma nyɛ ma he o yi wami.

Yeremia 3:23

Niinɛ, wɔhi nɛ wa ngɛ jae ngɛ yoku ɔmɛ a nɔ kɛ huhui bami nɛ ɔ, wa na we a he se ko. Yawɛ, wa Mawu ɔ pɛ ji Israel he piɛlɔ, kɛ yi wami helɔ.

Hosea 13:4

Yawɛ ke, “Imi ji Yawɛ, nyɛ Mawu ɔ nɛ je nyɛ kɛ je Egipt ɔ nɛ. Imi pɛ ji nyɛ Mawu. Imi nɔ kake too pɛ ji nyɛ kpɔlɔ.

Yona 2:9

Se imi lɛɛ ma la kɛ je o yi, ma sã bɔ ha mo, nɛ ma ye ye siwo ɔ nɔ; ejakaa mo Yawɛ pɛ ji nɔ nɛ heɔ nɔ yi wami.”

Mose IV, 10:35

Be tsuaa be nɛ somi daka a maa hia a, Mose ma de ke, “Yawɛ, tee si! Gbɛɛ o he nyɛli ɔmɛ ngɔ fĩa; nɛ o ha ni nɛmɛ nɛ sume mo ɔ nɛ a tu fo ngɛ o hɛ mi!”

Ni Tsumi 3:26

Lɔ ɔ he ɔ, Mawu hla e tsɔlɔ ɔ, nɛ e maa tsɔ lɛ nyɛ ngɔ kekle, konɛ e ba gbaa nyɛ, nɛ e kpale nyɛ ti nɔ tsuaa nɔ kɛ je e blɔ yayami ɔmɛ a nɔ.”

Ni Tsumi 4:12

Lɛ nɔ kake too pɛ lɛ ma nyɛ ma he nimli a yi wami. E se ɔ, nɔ ko nɔ ko be je ɔ mi nɛ Mawu ha lɛ kikɛmɛ a he wami nɛ ma nyɛ he wa yi wami.”

Efesobi 1:3

Sina ha Mawu, wa Nyɔmtsɛ Yesu Kristo Mawu ɔ, kɛ e Tsɛ ɔ! Ejakaa nɛ wa ngɛ Kristo mi ɔ, Mawu dloo wɔ mumi mi ní kpakpahi tsuo nɛ ngɛ hiɔwe ɔ.

Hebribi 6:14

E de ke, “I ngɛ mo si woe kaa ma gbaa mo, nɛ ma ha o nina maa hiɛ babauu.”

1 Petro 3:9

Nyɛ ko ngɔ yayami kɛ ma yayami nane mi, aloo jɛmi kɛ ma jɛmi nane mi. Ke nihi pee nyɛ yayami, loo a jɛ nyɛ ɔ, nyɛ de Mawu nɛ e gbaa mɛ mohu. Ejakaa gbaami Mawu wo si ke e maa gbaa nyɛ benɛ e tsɛ nyɛ ɔ nɛ.

Kpojemi 19:1

Enɛ ɔ se ɔ, i nu nɛ nɔ́ ko ngɛ pɛe ngɛ hiɔwe boboobo kaa nihi babauu a gbi ke, “A je Mawu yi! Mawu ji wa yi wami helɔ! E je agbo, nɛ e ngɛ he wami!

Kpojemi 7:10

Nɛ mɛ tsuo a kpa ngmlaa wawɛɛ ke, “Wa Mawu ɔ nɛ hii si ngɛ matsɛ sɛ ɔ nɔ ɔ, kɛ To bi ɔ pɛ ji ni nɛmɛ nɛ heɔ nɔ yi wami.”