La 3:4 - BAIBLO ALOO NGMAMI KLƆUKLƆU Ɔ

⁴ Ke i kpa ngmlaa kɛ tsɛ Yawɛ ɔ, e heɔ nɔ ngɛ e yoku klɔuklɔu ɔ nɔ.

La 3:4 ပူးပေါင်းရင်းမြစ်များ

La 34:4

I fa kue ha Yawɛ, nɛ e bu mi tue; e ha nɛ i jɔɔ gbeye yemi.

La 91:15

Ke e tsɛ mi ɔ, ma he nɔ; ke haomi ba e nɔ ɔ, ma piɛ e he. Ma je lɛ, nɛ ma wo e hɛ mi nyami.

Yesaya 65:24

Loko a ma tsɛ mi ɔ, i he nɔ momo; benɛ a ngɛ kue fae ha mi nɛ a gbi nya lolo ɔ, i nu momo.

La 34:6

Nɔ́ nalɔ nɛ ɔ fa kue ha Yawɛ; Yawɛ bu lɛ tue, nɛ e je lɛ kɛ je e haomi ɔmɛ tsuo a mi.

Yakobo 5:13

Ke amanehlu ba nyɛ ti nɔ ko nɔ ɔ, e sɔle. Ke nyɛ ti nɔ ko bua jɔ ɔ, e la yi jemi la.

Mateo 7:7

“Nyɛ bi, nɛ a ma ha nyɛ; nyɛ hla, nɛ nyɛ maa na; nyɛ si, nɛ a ma bli sinya a ha nyɛ.

La 43:3

Ha nɛ o la a, kɛ o we anɔkuale ɔ nɛ ba esɔesɔ; ha nɛ a ba tsɔɔ mi blɔ, nɛ a kpaka mi kɛ ya Zion yo klɔuklɔu ɔ nɔ; a kpaka mi kɛ ya mo nitsɛ o we ɔ he nɛ o hii ɔ.

La 2:6

nɛ e ma de mɛ ke, “Imi Yawɛ nitsɛ lɛ i ngɔ ye matsɛ ɔ ngɔ to Zion, ye yoku klɔuklɔu ɔ nɔ.”

La 138:3

Ligbi ɔ nɛ i tsɛ mo ɔ, o he nɔ. O wo mi kã, nɛ ye nɔ gbagba te.

La 99:9

Nyɛ je Yawɛ, wa Mawu ɔ yi; nyɛ ja lɛ ngɛ e yo klɔuklɔu ɔ nɔ. Yawɛ, wa Mawu ɔ ngɛ klɔuklɔu.

La 50:15

Ke nyɛ yi fi ɔ, nyɛ tsɛ mi; ma je nyɛ, konɛ nyɛɛ wo ye hɛ mi nyami.”

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

La 18:3

Ma tsɛ Yawɛ, nɛ e ma je mi kɛ maa je ye he nyɛli a dɛ mi. A je Yawɛ yi!

La 27:6

Kikɛ nɛ ɔ ma pee kɛ ye ye he nyɛli tsuo nɛ bɔle mi ɔ a nɔ kunimi. I kɛ bua jɔmi maa sã bɔ ngɛ Yawɛ we ɔ, nɛ ma la kɛ je e yi.

La 28:7

Yawɛ ji ye he bulɔ, kɛ ye yi baalɔ; e nɔ lɛ i ngɔ ye hɛ kɛ fɔ. E piɛɔ ye he, nɛ e haa mi bua jɔmi. Ma la kɛ je e yi.

La 62:8

Be tsuaa be ɔ, nyɛɛ ngɔ nyɛ hɛ kɛ fɔ Mawu nɔ kɛ nyɛ tsui tsuo. Mawu ji wɔ tsuo wa wesa he.

La 84:12

Yawɛ Tabohiatsɛ lee, nihi nɛ ngɔɔ a hɛ kɛ fɔɔ o nɔ ɔ, a gbaa mɛ!

La 89:19

Be ko ɔ, o kɛ o tsɔli klɔuklɔu ɔmɛ tu munyu ngɛ nina mi, nɛ o de mɛ ke, “I fi katsɛ ko jlasi. I ngɔ matsɛ sɛ ɔ kɛ ha nɔ ko nɛ i hla kɛ je ma mi bi ɔmɛ a kpɛti.

La 119:114

Mo ji ye he bulɔ, kɛ ye yi baalɔ; i ngɔ ye hɛ kɛ fɔ o siwo ɔ nɔ.

Abɛ Womi 2:7

Nihi nɛ peeɔ nɔ́ nɛ da, nɛ a yeɔ anɔkuale ɔ, Yawɛ piɛɔ a he, nɛ e baa a yi.

Kɔmɔ Yemi 3:56

Kue nɛ i fa nɛ o nu ji, ‘I kpa mo pɛɛ nɛ o ba piɛ ye he; koo tsi o tue.’