La 3:3 - BAIBLO ALOO NGMAMI KLƆUKLƆU Ɔ

³ Se mo Yawɛ, o ngɛ kaa tsɛ̃i nɛ buɔ ye he daa. O woɔ mi mumi mi he wami, nɛ o woɔ ye hɛ mi nyami.

La 3:3 ပူးပေါင်းရင်းမြစ်များ

Mose I, 15:1

Enɛ ɔ se ɔ, Yawɛ kɛ Abram tu munyu ngɛ nina mi ke, “Abram, koo ye gbeye. Ma bu o he, nɛ ma gbaa mo babauu.”

Mose I, 40:13

Hiɛmɛ nɛ ɔ ligbi etɛ ɔ, Farao ɔ ma je mo kɛ je tsu mi; e kɛ o he maa ke mo, nɛ e maa ngɔ mo ngɔ to o blɔ he ɔ ekohu. O kɛ Farao ɔ kplu ɔ maa wo e dɛ mi ekohu kaa bɔ nɛ o peeɔ sa, benɛ o ji e dã nɔ hyɛlɔ nɔkɔtɔma a.

Matsɛmɛ II, 18:30

Nyɛ ko ha nɛ Hezekia nɛ mlɔɔ nyɛ nɛ nyɛɛ ngɔ nyɛ hɛ kɛ fɔ Yawɛ nɔ. Nyɛ ko susu kaa Yawɛ ma he nyɛ yi wami, nɛ e be hae nɛ Asiria matsɛ ɔ nɛ ngɔ nyɛ ma a.

Matsɛmɛ II, 18:32

kɛ yaa si be nɛ matsɛ ngua a ma kpaka nyɛ kɛ ya zugba ko nɛ ngɛ kaa nyɛ nitsɛmɛ nyɛ zugba a nɔ. Wai ngmɔhi ngɛ lejɛ ɔ nɛ nyɛɛ kɛ maa pee wai; blɛfo ngɛ lejɛ ɔ nɛ nyɛɛ kɛ maa pee abolo; oliv tsohi ngɛ lejɛ ɔ nɛ nyɛɛ kɛ maa pee nu; hwo gbakuhi hu ngɛ lejɛ ɔ nɛ nyɛɛ kɛ maa pee hwo. Ke Hezekia mlɔɔ nyɛ nɛ e de nyɛ ke Yawɛ ma he nyɛ yi wami ɔ, nyɛ ko bu lɛ tue.

Matsɛmɛ II, 25:27

Jeha mi nɛ Evilmerodak ba bɔni tsɛ yemi ngɛ Babilonia ma a nɔ ɔ, e na Yuda matsɛ, Yehoyakin mɔbɔ, nɛ e je lɛ ngɛ tsu mi. Nɛ́ a nu Yehoyakin kɛ ya wo tsu ngɛ ma se ɔ, jeha nyingmi etɛ kɛ kpaagone ɔ we nyɔhiɔ nyɔngma kɛ enyɔ ɔ we ligbi nyingmi enyɔ kɛ kpaago ɔ nɔ nɛ a je lɛ.

La 110:7

Matsɛ ɔ maa nu pa nɛ ngɛ blɔ ɔ he ɔ mi nyu, lɔ ɔ maa wo lɛ he wami, nɛ e maa ye kunimi.

La 119:114

Mo ji ye he bulɔ, kɛ ye yi baalɔ; i ngɔ ye hɛ kɛ fɔ o siwo ɔ nɔ.

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

La 27:6

Kikɛ nɛ ɔ ma pee kɛ ye ye he nyɛli tsuo nɛ bɔle mi ɔ a nɔ kunimi. I kɛ bua jɔmi maa sã bɔ ngɛ Yawɛ we ɔ, nɛ ma la kɛ je e yi.

La 28:7

Yawɛ ji ye he bulɔ, kɛ ye yi baalɔ; e nɔ lɛ i ngɔ ye hɛ kɛ fɔ. E piɛɔ ye he, nɛ e haa mi bua jɔmi. Ma la kɛ je e yi.

La 4:3

Se nyɛ ná nɛ nyɛɛ le kaa Yawɛ hla nihi nɛ peeɔ nɔ nɛ da kɛ ha e he; nɛ ke i tsɛ lɛ ɔ, e nuɔ.

La 62:7

Mawu pɛ ji nɔ nɛ he ye yi wami. Lɛ pɛ lɛ e maa wo ye hɛ mi nyami. Mawu ji ye he wami kpetekpleenyɛ. Lɛ ji ye wesa he.

La 84:11

Yawɛ Mawu ji wa pu kɛ wa tsɛ̃i. E naa wɔ mɔbɔ, nɛ e woɔ wa hɛ mi nyami. Nihi nɛ peeɔ nɔ́ nɛ da a, e ha we nɛ nɔ́ ko hiaa mɛ.

Yesaya 45:25

Imi Yawɛ nitsɛ ma ha Israel nina tsuo maa ye kunimi, nɛ a maa fĩa kɛ fɔ ye nɔ.

Yesaya 60:19

“Tsa pi pu nɛ maa pee la ha mo piani hu, jehanɛ hu tsa pi nyɔhiɔ nɛ ma ha mo la nyɔ mi. Se mohu imi Yawɛ nitsɛ ma pee o la kɛ maa ya neneene. Ye hɛ mi nyami maa pee kaa la nɛ ma kpɛ ha mo.

Luka 2:32

Lɛ ji la nɛ maa tsɔɔ ma je li ɔmɛ blɔ kɛ ba o ngɔ; nɛ e maa wo o ma Israel hɛ mi nyami.”

Mose V, 33:29

A gbaa nyɛ, Israel ma. Ma ko ma ko be kaa nyɛ ma nɛ Yawɛ he nyɛ yi wami. Yawɛ ji nyɛ tsɛ̃i kɛ klaate. Lɛ ji nɔ nɛ faa nyɛ he. Lɛ ji nɔ nɛ haa nyɛ yeɔ kunimi. Nyɛ he nyɛli ɔmɛ ma ba kpa nyɛ pɛɛ ke nyɛɛ na mɛ mɔbɔ; se nyɛɛ lɛɛ nyɛ maa naa a nɔ.”

Kpojemi 21:11

nɛ e hɛɛ Mawu hɛ mi nyami ɔ, nɛ e ngɛ kpɛe. Ma a ngɛ kpɛe kaa tɛ nɛ he jua wa nitsɛnitsɛ, aloo yaspi tɛ; e mi hu tsɔ keikei kaa ahuhuɛ.

Kpojemi 21:23

Pu, loo nyɔhiɔ nɛ ma kpɛ he hia we ngɛ ma a mi; ejakaa Mawu hɛ mi nyami ɔ ji la nɛ kpɛɔ ngɛ ma a mi, nɛ To bi ɔ ji e kane.