La 3:2 - BAIBLO ALOO NGMAMI KLƆUKLƆU Ɔ

² Nɔ́ nɛ a ngɛ dee ji, “Oo, Mawu be e he piɛe fɛɛ!”

La 3:2 ပူးပေါင်းရင်းမြစ်များ

La 71:11

a deɔ ke, “Mawu je e se; waa fie lɛ nɛ waa nu lɛ, ejakaa nɔ ko nɔ ko be nɛ ma kpɔ lɛ ngɛ wa dɛ.”

La 42:3

Ya sɔuu i ngɛ foe nyɔ kɛ pia. Ye vo nyu ba pee ye niye ní; ejakaa nihi ngɛ mi bie kpamisa ke, “Jije o Mawu ɔ ngɛ?”

La 42:10

Ye he nyɛli ɔmɛ yeɔ ye he fɛu nɛ a biɔ mi daa ke, “Jije o Mawu ɔ ngɛ?” I nuɔ nɔ́ nɛ ɔ he ngɛ ye mi kaa pa nɛ miɔ nɛ maa gbe mi.

La 22:7

Nɔ tsuaa nɔ nɛ maa na mi ɔ, e yeɔ ye he fɛu. A plɛɔ a nya, nɛ a mimiɛɔ a yi.

La 4:4

Ke nyɛ mi mi fu ɔ, nyɛ ko pee yayami. Ke nyɛ hwɔɔ si ɔ, nyɛɛ pee dii, nɛ nyɛɛ ya nyɛ yi mi.

Habakuk 3:13

O je kpo nɛ o ya he o ma a, kɛ matsɛ ɔ nɛ mo nitsɛ o hla a a yi wami. O fia yiwutsotsɛmɛ ɔmɛ a hɛ mi nyɛɛlɔ ɔ nɔ́ nɛ o gbe, nɛ o kpata e we bi ɔmɛ a hɛ mi butuu.

Habakuk 3:9

O je o kɛ̃ɛ̃ ɔ kpo, konɛ o tsɛ̃ o kɛ̃ɛ̃ mi bi ɔmɛ. Kɛkɛ nɛ o ha oslabai gba zugba a mi.

Habakuk 3:3

Mawu je Edom kɛ ma ekohu; Mawu Klɔuklɔu ɔ ngɛ si kplee ngɛ Paran yo ɔmɛ a nɔ kɛ ma. E hɛ mi nyami ɔ ha hiɔwe ɔ tsuo; nɛ a ngɛ e yi jee ngɛ je ɔ mi he tsuaa he.

La 4:2

Nyɛ nimli adesahi, mɛni be nyɛ ma pue ye hɛ mi si kɛ yaa si? Nyɛ suɔ níhi nɛ a he be se nami, nɛ lakpa munyuhi a se nyɛ dii. Kɛ yaa si mɛni be nɛ nyɛ maa hi enɛ ɔ pee?

La 3:8

Yawɛ, mo ji wa yi wami helɔ; moo gbaa o ma a koo!

La 3:4

Ke i kpa ngmlaa kɛ tsɛ Yawɛ ɔ, e heɔ nɔ ngɛ e yoku klɔuklɔu ɔ nɔ.

La 124:2

“Ke pi Yawɛ nɛ piɛ wa he be mi nɛ wa he nyɛli te si kɛ wo wɔ ɔ,