La 29:3 - BAIBLO ALOO NGMAMI KLƆUKLƆU Ɔ

³ Yawɛ gbi ngɛ pɛe ngɛ wo ɔ mi. Mawu nɛ e hɛ mi ngɛ nyami ɔ wo gbi, nɛ e pɛ ngɛ wo ɔ nɔ he tsuaa he.

La 29:3 ပူးပေါင်းရင်းမြစ်များ

Mose II, 9:33

Jehanɛ ɔ, Mose si Farao ɔ, nɛ e je ma a mi, nɛ e wo e nine nɔ, nɛ e fa kue ha Yawɛ. Kɛkɛ nɛ hiɔwe simi ɔ, kɛ gbiɛ ngo ngu nɛmi ɔ se po, nɛ hiɔmi ɔ hu kpa.

Mose II, 9:28

Nyɛ kpa Yawɛ pɛɛ! Hiɔwe simi kɛ gbiɛ ngo ngu nɛmi nɛ ɔ ba hiɛ. Ma ngmɛɛ nyɛ he nɛ nyɛɛ ho; i be nyɛ nya tsie hu.”

Kpojemi 19:6

Jehanɛ ɔ, i nu nɛ nɔ́ ko ngɛ pɛe ngɛ hiɔwe kaa nihi babauu a gbi, loo pa nɛ hia kɛ bee, loo hiɔwe nɛ ngɛ sie wawɛɛ. I nu nɛ a ngɛ dee ke, “A je Mawu yi! Ejakaa Nyɔmtsɛ, wa Mawu Ope ɔ ngɛ matsɛ yee!

Kpojemi 16:18

Kɛkɛ nɛ oslabai gba, nɛ hiɔmi si, nɛ zugba mimiɛ wawɛɛ. Kɛ je be nɛ a bɔ adesa a, zugba mimiɛ we kaa kikɛ nɛ ɔ hyɛ. Zugba nɛ mimiɛ jamɛ a ligbi ɔ, a nɛ eko hyɛ.

Kpojemi 11:19

Mawu sɔlemi we ɔ nɛ ngɛ hiɔwe ɔ nya bli, nɛ a na e somi daka a nɛ fɔɔ si ngɛ lejɛ ɔ. Kɛkɛ nɛ oslabai gba; hiɔwe si, zugba mimiɛ, nɛ gbiɛ ngo ngu agboagbo nɛ pue zugba a nɔ.

Kpojemi 4:5

I na nɛ oslabai gba, nɛ i nu gbihi, nɛ hiɔwe hu si kɛ je matsɛ sɛ ɔ mi. Jatɛ kpaago nɛ a su, ngɛ tsoe ngɛ matsɛ sɛ ɔ hɛ mi; lɔ ɔ ɔmɛ ji mumi slɔɔto kpaago ɔmɛ nɛ sɔmɔɔ Mawu ɔ nɛ.

La 104:3

O ma o we ɔ ngɔ fɔ nyu nɛ ngɛ hiɔwe ɔ nɔ. O ngɔ bɔku kɛ pee o lɛ, nɛ kɔɔhiɔ mi o nyɛɛɔ.

Samuel I, 7:10

Benɛ Samuel ngɛ sami bɔ ɔ sãe ɔ, Filisti bi ɔmɛ hɛ mɛ kɛ ba, konɛ a ba tua Israel. Se Yawɛ ha hiɔwe si wawɛɛ kɛ wo Filisti bi ɔmɛ jamɛ a ligbi ɔ; nɛ e ha basabasa sɛ a kpɛti, nɛ a kɛ sawale tu fo.

Mose II, 19:16

Ligbi nɛ ji etɛ ɔ mɔtu ɔ, a nu hiɔmi simi, oslabai gbami, kɛ titimati pɛmi wawɛɛ ngɛ yo ɔ nɔ; bɔku kpii hu wo ngɛ lejɛ ɔ. Sawale nu ma a tsuo ngɛ a sito he ɔ, nɛ a he kpokpo.

Kpojemi 8:5

Kɛkɛ nɛ bɔfo ɔ ngɔ tsopa kɛ e he via sami nɔ́ ɔ; e je la ngɛ bɔ sami la tɛ ɔ nɔ ngɔ wo mi tɔ, nɛ e hɛ ngɔ pue zugba a nɔ. Hiɔwe si, gbihi pɛ, oslabai gba, nɛ zugba mimiɛ.

Yohane 12:29

Benɛ nimli kpekpemi ɔ nɛ daa si ngɛ lejɛ ɔ nu gbi ɔ, a ti ni komɛ de ke, “Hiɔwe si”; nɛ ni komɛ hu de ke, “Hiɔwe bɔfo ko kɛ lɛ tu munyu.”

Ni Tsumi 7:2

Stefano he nɔ ke, “Tsaatsɛmɛ kɛ ye nyɛmimɛ, nyɛɛ bu tue. Benɛ wa nɛ̃ Abraham ngɛ Mesopotamia nɛ e na we nɛ e ba hi Haran lolo ɔ, Mawu nɛ hɛ mi ngɛ nyami ɔ je e he kpo tsɔɔ lɛ,

Hiob 36:33

Ke hiɔwe si ɔ, lɔ ɔ tsɔɔ kaa kɔɔhiɔ nɛ nya wa ma ngɛ se. Lohwehi tete po le enɛ ɔ.

Hiob 40:9

Anɛ o ngɛ he wami kaa imi Mawu ɔ lo? Anɛ o ma nyɛ maa wo gbi kaa imi lo?