La 29:2 - BAIBLO ALOO NGMAMI KLƆUKLƆU Ɔ

² Nyɛɛ wo Yawɛ hɛ mi nyami bɔ nɛ sa lɛ. Nyɛ ja Yawɛ ngɛ klɔuklɔu peemi mi.

La 29:2 ပူးပေါင်းရင်းမြစ်များ

La 110:3

Ligbi ɔ nɛ o maa hia ta kɛ wo o he nyɛli ɔmɛ ɔ, o ma mi bi ɔmɛ maa ngɔ a he kɛ ha ngɛ mɛ nitsɛmɛ a suɔmi nya. Nihewi babauu ma ba pue si ngɛ yo klɔuklɔu ɔmɛ a nɔ kaa makɛ bɔ́.

La 97:9

Yawɛ, je ɔ tsuo nɔ yelɔ ji mo; o kle; mawu ko mawu ko kɛ mo sɔɛ.

La 27:4

Nɔ́ kake kɛkɛ lɛ i bi Yawɛ; nɔ́ kake pɛ lɛ i ngɛ hlae ngɛ e dɛ. Lɔ ɔ ji kaa ma hi Yawɛ we ɔ ye wami be ɔ tsuo; ma na Yawɛ he fɛu ɔ, nɛ ma fa kue ngɛ e we ɔ.

Kronika II, 20:21

Enɛ ɔ se ɔ, matsɛ ɔ kɛ ma a kpe yi, nɛ e fa lali ɔmɛ ke a wo a tade klɔuklɔu ɔmɛ, nɛ a nyɛɛ tabo ɔ hɛ mi, nɛ a hi lae ke, “Nyɛɛ na Yawɛ si, ejakaa e suɔmi ɔ ngɛ daa!”

La 90:17

Nyɔmtsɛ, wa Mawu, naa wɔ mɔbɔ! Ha nɛ wa ní tsumi nɛ ya nɔ! Ee, ha nɛ wa ní tsumi nɛ ya nɔ!

La 96:6

Hɛ mi nyami kɛ agboje bɔle lɛ kɛ kpe; he wami, kɛ afɛu ní hyi e we ɔ.

Yeremia 13:16

Nyɛɛ wo Yawɛ, nyɛ Mawu ɔ hɛ mi nyami be mi nɛ e ha we nɛ diblii nɛ wo nyɛ nɛ nyɛ ba tɛ si ngɛ yoku ɔmɛ a nɔ, be mi nɛ e ha we nɛ la nɛ nyɛ ngɛ blɔ hyɛe ɔ nɛ plɛ pee diblii kpii.