La 28:8 - BAIBLO ALOO NGMAMI KLƆUKLƆU Ɔ

⁸ Yawɛ buɔ e ma a he. Nɔ nɛ e pɔ lɛ nu ɔ, e faa e he, nɛ e baa e yi.

La 28:8 ပူးပေါင်းရင်းမြစ်များ

La 20:6

Jehanɛ lɛɛ i le kaa Yawɛ ma he nɔ nɛ e pɔ lɛ nu ɔ yi wami. E maa bu lɛ tue kɛ maa je e hiɔwe klɔuklɔu ɔ; e maa piɛ e he kɛ ye kunimi nguanguahi.

La 140:7

Ye Nyɔmtsɛ Yawɛ, ye yi wami helɔ kpanaa, ta be mi ɔ, mo nɔuu lɛ o baa ye yi.

Yesaya 61:1

Nyɔmtsɛ Yawɛ mumi ɔ ngɛ ye nɔ; Yawɛ pɔ mi nu, nɛ e tsɔ mi, konɛ ma ngɔ manye munyu ya ha nihi nɛ a ní ngɛ mɔbɔ ɔ; nɛ ma wo kɔmɔ yeli a bua; nɛ ma ya de nihi nɛ a nuu mɛ nyɔguɛ ɔ ke a he yemi be su ta, kɛ ni nɛmɛ nɛ a wo mɛ tsu ɔ ke a jémi be su ta.

Samuel I, 16:13

Kɛkɛ nɛ Samuel wo nu kɛ koli ɔ, nɛ e pɔ David nu ngɛ e nyɛminyumu ɔmɛ a hɛ mi. Nɛ Yawɛ mumi ɔ ba David nɔ kɛ je jamɛ a ligbi ɔ. Enɛ ɔ se ɔ, Samuel kpale e se kɛ ho Rama ya.

La 2:2

Zugba a nɔ matsɛmɛ ɔmɛ pee kake. Nɔ yeli ɔmɛ so ngɔ wo Yawɛ, kɛ matsɛ ɔ nɛ e hla a a he.

La 20:7

Ni komɛ fĩaa kɛ fɔɔ a ta zugba lɛhi a nɔ; ni komɛ hu fĩaa kɛ fɔɔ a we okpɔngɔhi a nɔ; se wɔɔ lɛɛ Yawɛ, wa Mawu ɔ biɛ mi wa fĩaa ngɛ.