La 28:3 - BAIBLO ALOO NGMAMI KLƆUKLƆU Ɔ

³ Koo bu mi fɔ kɛ si yiwutsotsɛmɛ, kɛ yayami peeli a nɔ. Nimli nɛ ɔmɛ, kɛ a nyɛmimɛ tuɔ munyu ngɛ he jɔmi mi. Se a tsui mi hyi kɛ yayami.

La 28:3 ပူးပေါင်းရင်းမြစ်များ

La 55:21

E tuɔ munyu dɔkɔbii, se ta mohu he e ngɛ susue. E munyuhi a he jɔ bɔdɔɔ pe nu po, se afani klaatehi nɛ a hia kɛ je kpo mi.

La 12:2

Nɔ tsuaa nɔ ngɛ e nyɛmi lakpa yee. Nɔ tsuaa nɔ kɛ munyu ngɔngɔɛ ngɛ e nyɛmi sisie.

La 26:9

Ko kpata ye hɛ mi kɛ piɛ yayami peeli a he; koo gbe mi kɛ piɛ muɔ si pueli a he.

Mika 3:5

Nyɛ lakpa gbali nɛ nyɛ ngɛ ye ma a sisie! Nyɛ nɛ nyɛ gbaa he jɔmi kɛ haa nihi nɛ haa nyɛ ní nɛ nyɛ yeɔ; nɛ nyɛ woɔ ni nɛmɛ nɛ ha we nyɛ nɔ́ ko ɔ a susuma he gbeye! Bɔ nɛ Yawɛ ngɛ nyɛ dee ji nɛ ɔ nɛ,

Mateo 25:41

“Kɛkɛ ɔ, e ma de ni nɛmɛ nɛ ngɛ e muɔ nɔ ɔ ke, ‘Nyɛ nihi nɛ Mawu gbiɛ nyɛ, nyɛɛ je ye nɔ! Neneene la nɛ a dla ngɔ to Abosiami, kɛ e bɔfo ɔmɛ ɔ, nyɛ ya sɛ mi!

La 62:4

E yi nɔ sɔuu a ngɛ soe, konɛ a gbla lɛ kɛ je e blɔ he nguaa a kɛ ba nɔ si. Munyu kpakpa jeɔ a nya, se a tsui mi hyi kɛ yayami sɔuu.

La 36:4

Ke e hwɔ si ɔ, nɔ́ yayami he ga lɛ e toɔ. E kpa we yayami peemi ɔ, e pee we nɔ́ kpakpa hulɔ.

La 10:14

Se moo lɛɛ o ngɛ nɔ́ tsuaa nɔ́ hyɛe. Niinɛ, o ngɛ haomi ɔ, kɛ aywilɛho ɔ hyɛe, nɛ o maa pee he nɔ́ ko kɛ̃. Nɔ nɛ e fi lɛ ɔ, o nɔ lɛ e ngɔɔ e hɛ kɛ fɔɔ. Mo ji awusahi a he piɛlɔ.

La 7:14

Ke yiwutsotsɛ ngɛ nɔ́ yayami susue ɔ, e hii nɔ́ ɔ plɛe ngɛ e yi mi kpamisa kaa bɔ nɛ bimwɔyo hii plɛe ngɛ yohɔyo mi mi ɔ. Nyagbe ɔ, nɔ́ nɛ jeɔ kpo ji lakpa.

Mateo 25:46

Lɔ ɔ he ɔ, nimli nɛ ɔmɛ maa ya neneene he hiami mi; se dali ɔmɛ lɛɛ a maa ya neneene wami mi.”

La 52:1

Mo katsɛ, o ngɛ dalɔ yayami pee nɛ o ngɛ fĩae. Mɛni he je? Mawu suɔmi ɔ ngɛ daa.

La 10:7

Munyuhi nɛ jeɔ e nya ji gbiɛmi kɛ sisimi, kɛ níhi nɛ woɔ nɔ susuma he gbeye. E he sɔɔ kɛ tuɔ yakayaka munyuhi, kɛ munyuhi nɛ kɛ nɔ woɔ haomi mi.

Mose IV, 16:26

E de ma a ke, “Nyɛɛ hɛ nyɛ kɛ je nimli yiwutsotsɛmɛ nɛ ɔmɛ a bo tsu ɔmɛ a he. Ke pi ja a, a ma kpata nyɛɛ kɛ mɛ tsuo nyɛ hɛ mi ngɛ a he yayami ɔmɛ a he.”

La 141:4

Piɛ ye he, konɛ ma ko na yayami peemi he bua jɔmi; piɛ ye he, konɛ i kɛ yayami peeli ko bɔ; nɛ ko ha ma ya ye a niye ní ngɔngɔɛ ɔ eko.