La 28:2 - BAIBLO ALOO NGMAMI KLƆUKLƆU Ɔ

² Ke i wo ye nine nɔ kɛ tsɔɔ o we klɔuklɔu ɔ, nɛ i fa kue kɛ bi mo yemi kɛ buami ɔ, moo bu mi tue.

La 28:2 ပူးပေါင်းရင်းမြစ်များ

Matsɛmɛ I, 6:19

Salomo pee tsu ko ngɛ we ɔ kpɛti tutuutu, he nɛ a kɛ Yawɛ somi daka a maa ma.

Matsɛmɛ I, 6:5

E ma tsu wawihi kɛ wo gbogbo ɔmɛ a he ngɛ kpo nɔ je, ngɛ we ɔ kasa hiɛ kɛ hiɛ, kɛ se ɔ tsuo.

Matsɛmɛ I, 8:38

ke o ma, Israel bi ɔmɛ ba we nɛ ɔ mi kakaaka, loo kutuu, nɛ a ba wo a nine nɔ nɛ a fa kue ha mo kɛ je a tsui mi ɔ, bɔ tsuaa bɔ nɛ a hiami ní ɔmɛ ngɛ ɔ,

Kronika II, 6:13

(Salomo pee akɔblee kpoku ko nɛ a maa da nɔ kɛ ma kue ɔ kpɛti tutuutu. E kami ji nine mi blimi nyɔngma, e blimi ji nine mi blimi nyɔngma, nɛ e hiɔwe yami ji nine mi blimi ekpa. Salomo kuɔ kpoku nɛ ɔ, nɛ e kpla si ngɛ Israel ma kpekpemi ɔ tsuo a hɛ mi, nɛ e wo e nine nɔ kɛ ya hiɔwe.)

La 125:5

Nihi nɛ a blɔ ɔmɛ dɛ ɔ, Yawɛ maa gbla a kɛ yayami peeli tsuo a tue. He jɔmi nɛ hi Israel.

La 130:2

Nyɔmtsɛ, bu mi tue; bu ye pɛɛ kpami ɔ tue.

La 134:2

Nyɛ wo nyɛ nine nɔ ngɛ he klɔuklɔu ɔ, nɛ nyɛ je Yawɛ yi.

La 138:2

I ngɔ ye hɛ mi kɛ bu si kɛ kpee sɔlemi we klɔuklɔu ɔ; nɛ i ngɛ mo si nae kaa o suɔmi ɔ ngɛ daa, nɛ o yeɔ anɔkuale jã kɛ̃. Jehanɛ hu o ha nɛ a na kaa o biɛ kle pe biɛ tsuaa biɛ, nɛ o munyu hu he jua wa pe nɔ́ tsuaa nɔ́.

La 140:6

I deɔ Yawɛ ke, “Mo ji ye Mawu!” Yawɛ, moo bu ye kue fami ɔ tue!

La 141:1

Yawɛ, mo i ngɛ tsɛe; o he nɛ sɔ ha mi; mo i ngɛ tsɛe boboobo ɔ nɛ, bu mi tue koo!

La 141:2

Ha nɛ ye kue fami ɔ nɛ je via kaa tsopa kɛ e he via ngɛ o hɛ mi; nɛ ye nine nɛ i wo nɔ kɛ ya hiɔwe ɔ, e pee kaa bɔ nɛ i ngɛ sãe gbɔkuɛ nya si ha mo.

La 143:6

I woɔ ye nine nɔ kɛ yaa hiɔwe kɛ faa kue. Bɔ nɛ zugba gbigbli hlaa nyu kɛ jɔɔ e he ɔ, ja o he kuma ngɛ mi yee.

La 5:7

Se imi lɛɛ, o mɔbɔ nami, kɛ o dloomi ɔ he je ɔ, ma nyɛ ma ba o we klɔuklɔu ɔ; ma ja mo ngɛ lejɛ ɔ kɛ gbeye yemi.

La 63:4

Ma na mo si ye wami be ɔ tsuo; ma wo ye nine nɔ, nɛ ma fa kue ha mo.

Kɔmɔ Yemi 2:19

Tee si nɛ o nya awe nyɔnyɔɔnyɔ ha Nyɔmtsɛ ɔ. Moo fa kue ha lɛ kɛ o tsui tsuo, nɛ o kpa lɛ pɛɛ nɛ e na o bimɛ ɔmɛ mɔbɔ. Hyɛ kaa hwɔ ngɛ jokuɛwi gbee ngɛ gbɛjegbɛ ɔmɛ tsuo a nɔ ngɛ he tsuaa he.

Daniel 6:10

Benɛ Daniel nu kaa matsɛ ɔ ngɔ e nine kɛ wo mlaa a sisi ɔ, e je kɛ ho e we mi ya. Daniel ngɛ hiɔwe tsu ko ngɛ e we ɔ mi, nɛ o ma nyɛ maa hyɛ Yerusalem kɛ gu saflɛ ɔmɛ a mi ngɛ lejɛ ɔ. Kɛkɛ nɛ Daniel kpla si ngɛ e nakutso nya, ngɛ saflɛ nɛ bli kɛ fɔɔ si ɔ nya, nɛ e sɔle nɛ e na e Mawu ɔ si si etɛ kaa bɔ nɛ e peeɔ daa a.

Daniel 6:11

Benɛ Daniel he nyɛli ɔmɛ ba e we ɔ mi nɛ a na kaa e ngɛ kue fae ha e Mawu ɔ,

1 Timoteo 2:8

He tsuaa he nɛ asafo ɔ ma bua a he nya ngɛ kɛ ja Mawu ɔ, nyumuhi nɛ a sɔle. E hia kaa a pee Kristo se nyɛɛli nɛ ngɔ a he kɛ ha Mawu kulaa. Ke a ngɛ sɔlee ɔ, a wo a nine nɔ, nɛ mi mi la kó hi mi; nɛ a ko hla kaa a maa sã nya ngɛ nɔ́ ko he.