La 28:1 - BAIBLO ALOO NGMAMI KLƆUKLƆU Ɔ

¹ Yawɛ, mo nɛ o faa ye he; i ngɛ mo tsɛe, moo bu mi tue koo! Ke o pui ye nya mi ɔ, lɛɛ ma pee kaa nihi nɛ ngɛ gbeje ɔ a ti nɔ kake.

La 28:1 ပူးပေါင်းရင်းမြစ်များ

La 143:7

Yawɛ, he mi nɔ esɔ koo! Ye hɛ kɛ nɔ fɔmi tsuo miɔ nɛ e ta. Koo ngɔ o he kɛ laa mi; ke pi ja a, i kɛ gbogboe ɔmɛ ngɛ gbeje maa sɔ.

La 18:2

Yawɛ ji nɔ nɛ heɔ ye yi wami; ye tɛ sa, kɛ ye mɔ nguaa. Lɛ ji ye Mawu, kɛ ye wesa he. Yawɛ ngɛ kaa tsɛ̃i kɛ ha mi; e buɔ ye he, nɛ e haa nɛ i yeɔ ye he.

Abɛ Womi 1:12

Waa mii mɛ hɛ ngmengmle kaa a yaa gbeje; waa ngɔ mɛ kaa yɔkɔ ngɔɔ gbogboe, be mi nɛ a ngɛ kpakpataa!

La 83:1

Mawu, ko ma o nya; koo pee dii, koo pee kɔ̃!

Kpojemi 20:3

Kɛkɛ nɛ e hɛ lɛ ngɔ fɔ muɔ voo ɔ mi, nɛ e nga sinya ngɔ wo e yi, nɛ e sɔu muɔ ɔ nya, konɛ e hi lejɛ ɔ jeha akpe. Jamɛ a be ɔ, e be nyɛe maa sisi je ma amɛ hu. Jeha akpe ɔ se ɔ, a maa pɛne lɛ be bɔɔ ko.

Yesaya 26:4

Nyɛɛ ngɔ nyɛ hɛ ngɔ fɔ Yawɛ nɔ daa; ejakaa Yawɛ Mawu ɔ ngɛ kaa tɛ sa ko nɛ ngɛ daa.

Hiob 33:28

Mawu kplɛɛ we nɛ ma ya gbeje, nɛ i ngɛ je mi kɛ mwɔɔ.”

Yesaya 38:18

Ni gbogboehi be nyɛe ma je o yi. Ee, ni gbogboehi be nyɛe maa na mo si. Ni gbogboehi be nyɛe maa ngɔ a hɛ kɛ fɔ o nɔ kaa o yeɔ anɔkuale be tsuaa be.

La 35:22

Yawɛ, tse o ngɛ hyɛe? Ko ma o nya! Nyɔmtsɛ, koo je ye he!

La 30:9

Ke i gbo nɛ a pu mi ɔ, mɛni se o ma na? Anɛ zu ma nyɛ ma je o yi lo? O we anɔkuale yemi ɔ, anɛ zu ma nyɛ maa ye he odase lo?

La 22:2

Ye Mawu, ke i tsɛ mo piani ɔ, o he we mi nɔ. Ke i tsɛ mo nyɔ mi hu, ja nɔuu. Mɛni he je?

La 3:4

Ke i kpa ngmlaa kɛ tsɛ Yawɛ ɔ, e heɔ nɔ ngɛ e yoku klɔuklɔu ɔ nɔ.

La 77:1

I fa kue boboobo ha Mawu; i fa kue ha Mawu, nɛ e nu ye gbi.

La 69:15

Ko ha nɛ nyu kpekpemi ɔ nɛ sa mi kɛ ho, loo ma tlɔ nyu ɔ sisi, loo ma ya sɛ muɔ voo ɔ mi, nɛ e ba ma e nya nɛ e mi mi.

La 5:2

Ye matsɛ kɛ ye Mawu! I ngɛ mo tsɛe! Bu mi tue koo!

La 142:1

Yawɛ i ngɛ tsɛe wawɛɛ ke e ba piɛ ye he ɔ nɛ. I wo ye gbi nɔ wawɛɛ kɛ ngɛ lɛ pɛɛ kpae.

La 39:12

Yawɛ, i ngɛ kue fae kɛ ngɛ mo hae; i ngɛ mo tsɛe kɛ ngmlaa, kɛ ya; moo bu mi tue koo! Imi hu pe i ba to nubwɔ be kpiti kɛkɛ kaa ye nɛmɛ ɔmɛ nɔuu.

La 42:9

Ma bi Mawu, ye he bulɔ ɔ ke, “Mɛni he je o hɛ je ye nɔ? Mɛni he je ma hi nɔ́ nae kpamisa? Mɛni be o ma je mi kɛ je he nyɛli nɛ ngɛ mi haoe ɔ a dɛ mi?”

La 30:4

Nyɛ, Yawɛ ni klɔuklɔuhi, nyɛ la kɛ je Yawɛ yi. Nyɛ kai níhi nɛ nɔ klɔuklɔu ɔ tsu, nɛ nyɛɛ na lɛ si.

La 142:2

I ngɔ ye kɔmɔ ɔmɛ tsuo kɛ ba e hɛ mi; i de lɛ ye haomi ɔmɛ tsuo.